Matiu 8
8
Yisọs Akọk Awo Akpamfia
1Ke ini Yisọs amaakesọiyọ ito abod idi, akwa atu awo emaekeene anye. 2Awo akpamfia#8:2 Ke usem Krik akpamfiaakewuọñọ mme nsio-nsio udọñọ ñkpọnta ke ikpọkidem. amaadi aditọọñọ edọñ ke iso amọ ate: “Abọọñ, adieke afo amaaha, nnam miin nsana.”
3Yisọs amaanyan ubọk amọ atuuk anye, abo anye ate, “Ami mmenyịmme, sana!” Kpa idahado, akpamfia amọ amaakweeñe. 4Ndin Yisọs amaabo anye ate, “Kịt bo ke udọkkọke awo ndomokeed. Ado kaa, kewọt aku idem mfo nyʌñ nọ enọ a-asañake akekem naña Moses aketemme nọ ado ñkpọ ntiense anọ ammọ.”
Mbuọdidem Awo Sentudiọn
5Ke ini Yisọs amaakedʌk Kapanum, awo ekọñ sentudiọn amaadi adikpeiye anye ayem unwam. 6Anye amaabo Yisọs ate, “Abọọñ, ayịnufọk mmi ana ke ufọk adọñọ akpaubeñ anyʌñ aba ke ataa akpọsọñ ubiak.”
7Yisọs amaabo anye, “A-ado se ami ndi ndikọk anye?”
8Ndin sentudiọn amaabọọrọ ate, “Abọọñ, ami ndotto se afo akpedʌk ke idak akọm ufọk mmi; ado kap sʌk tañ ikọ, ke ayịnufọk mmi ayaakop nsọñidem. 9Sia ami ke idem mmi ndo awo a-anieghe ekamba adudu, ye mbon ekọñ ke idak mmi. Ndin mmekeme ibo awo anyem, ‘Kaa,’ anye anyʌñ akaa; ñnyʌñ mbo awo mfen, ‘Di mi,’ anye anyʌñ adi. Mmekeme ibo ayịnufọk mmi, ‘Nam ami,’ ndin anye anyʌñ anam.”
10Ke Yisọs amaakekop ami, idem amaakpa anye, ndin anye amaabo mbon e-ekekeeneke anye ate, “Ntañ akpanikọ inọ ndufo, kpaanam ami ñkịtte awo a-anieghe utọ ekamba mbuọdidem ami ke afịd isọñ Isrel. 11Ami idọkkọ ndufo, ataa uwak awo eyaeto ke usakkautịn ye usobutịn edidat itie ammọ ke usọrọ ye Ebraham, Aisik ye Yekọb ke abioubọọñ hefịn. 12Ado eyaebịn nditọ abioubọọñ etop esịn ke ekịm, ke itie a-ntuaña ye ntaeded ediiba.”
13Ndin Yisọs amaabo sentudiọn ate, “Nyọñ! Yak asu unọ fiin nte mbuọdidem mfo adooho.” Ndin kpa idahado idem amaasọñ ayịnufọk amọ.
Yisọs Akọk Uwak Awo Udọñọ
14Idaha a-Yisọs akekaaha ufọk Pita, anye amaakịt eka anwaan Pita naña ana ke ikʌk ye ufiobidem. 15Yisọs amaatuuk ubọk amọ, ufiobidem ado amaakweeñe anye, ndin anye amaadakka ada akenam ndidia anọ Yisọs.
16Ke ndubiayio usen ado, emaekoono uwak mbon ñkpọnsọb a-ndiọi sịbidịd akefịnake esọk anye. Anye amaadat ikọ inua abịn mme ndiọi sịbidịd anyʌñ akọk afịd mbon udọñọ. 17Ami akedo adinam nọ se prọfed Aisaiya aketañ asu:
“Anye amaabiom mme mmemidem ñnyịn,
anyʌñ ayọ mme udọñọ ñnyịn.”
Ekọmudua Adikeene Yisọs
18Ke Yisọs amaakekịt mme atu awo naña ewak, anye amaanọ mme mbed amọ uyio ate ekappa eka edem ibiok uko. 19Ndin akpeeb mbed keed amaadibịne anye akebo ate, “Andikpeeb, ami ñyaukeene fiin ñkaa nte afo akaaka.”
20Yisọs amaabọọrọ anye ate, “Mme ewaikọd enieñe adu, mme inuen anyọñ enyʌñ enieñe efọk, ado Ayịn Awo inieghe itie nte anye adaak iwuod.”
21Mbed Yisọs mfen amaabo anye ate, “Abọọñ, yak ami ñka diin ñkebuuk ete mmi.”
22Ado Yisọs amaabo anye, “Ñkeene miin, nyʌñ yak mme akpañkpa ebuuk mme akpañkpa ammọ.”
Yisọs Anam Ayobio Adobo
23Akem Yisọs amaadʌk ubom, mme mbed amọ emaenyʌñ ekeene anye. 24Inikeed inikeed, ataa akpọsọñ ayobio amaatọọñọ ke ibiok ado, tutu mbufuud akpa afʌk ubom. Ado Yisọs akesʌk adaiya. 25Mme mbed emaeketọi anye ke idab ete, “Abọọñ, inyaaña ñnyịn mbaak ñnyịn idisịp.”
26Yisọs amaabọọrọ, “Ndufo mbon etək mbuọdidem, nsinam idem inyeñ ndufo ntom?” Ndin anye amaadakka ada anyʌñ asua anọ ayobio ye mbufuud akpa, ndin afịd ñkpọ amaadobo.
27Idem amaanekke akpa ammọ ndin ammọ emaebịp ete, “Nsoo utọ awo ado ami? Kpa afịm ye mbufuud inyañ ekop ikọ enọ anye.”
Yisọs Akọk Ideen Ñkpọnsọb Iba
28Ke Yisọs amaakekanna akewuọ edem inyañ ukañ idʌñ Kadarin#8:28 Usʌk ikpañwed ewet Kekesin; ubaak ewet Kerasin, ideen iba a-adimọn akesọppọ emaeto ukañ a-mme udi ebaaha ewuọñọ edisoobo ye anye. Afai-afai ido ammọ ikisiyakka nọ awo ndomokeed asaña ke usʌñ ado aboiyo. 29Ammọ emaesio ñkpo ete, “Ayịn Abasi, nsoo ke afo ayem ito ñnyịn? Afo adi adinọọ ñnyịn ufen mbemiso ini ekemekke enịm adikem?”
30Itie ami ikinyọọñọ usʌñ ikpọñ itie u-uwak udịm edi ekebaaha edia ñkpọ. 31Ndin mme dimọn ami emaekpeiye Yisọs ete, “Mbọk adieke afo ibịnne ñnyịn asịññe, idọñ ñnyịn ke idem mme udịm edi ako.”
32Yisọs amaabo ammọ ate, “Ikaa!” Ammọ emaenyʌñ ewuọñọ ekedọñọ ke idem mme edi ado. Ndin afịd udịm edi ado emaefeeñe ediatta ekeduọ edọñọ ibiok enyʌñ ekpañña ke mmọọñ ado. 33Mme akpeme edi ado emaefeeñe ekebʌk afịd ñkpọ ami ye se ikitịppe inọ ideen a-mme dimọn akesọppọ enọ mbon abio. 34Ndin afịd mbon abio ado emaewuọñọ ekaa edikisoobo Yisọs; ndin ammọ ekekekịt anye, emaekpeiye Yisọs ete yak anye akpọñ ñkanñkʌk mmimọ.
Айни замон обунашуда:
Matiu 8: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Matiu 8
8
Yisọs Akọk Awo Akpamfia
1Ke ini Yisọs amaakesọiyọ ito abod idi, akwa atu awo emaekeene anye. 2Awo akpamfia#8:2 Ke usem Krik akpamfiaakewuọñọ mme nsio-nsio udọñọ ñkpọnta ke ikpọkidem. amaadi aditọọñọ edọñ ke iso amọ ate: “Abọọñ, adieke afo amaaha, nnam miin nsana.”
3Yisọs amaanyan ubọk amọ atuuk anye, abo anye ate, “Ami mmenyịmme, sana!” Kpa idahado, akpamfia amọ amaakweeñe. 4Ndin Yisọs amaabo anye ate, “Kịt bo ke udọkkọke awo ndomokeed. Ado kaa, kewọt aku idem mfo nyʌñ nọ enọ a-asañake akekem naña Moses aketemme nọ ado ñkpọ ntiense anọ ammọ.”
Mbuọdidem Awo Sentudiọn
5Ke ini Yisọs amaakedʌk Kapanum, awo ekọñ sentudiọn amaadi adikpeiye anye ayem unwam. 6Anye amaabo Yisọs ate, “Abọọñ, ayịnufọk mmi ana ke ufọk adọñọ akpaubeñ anyʌñ aba ke ataa akpọsọñ ubiak.”
7Yisọs amaabo anye, “A-ado se ami ndi ndikọk anye?”
8Ndin sentudiọn amaabọọrọ ate, “Abọọñ, ami ndotto se afo akpedʌk ke idak akọm ufọk mmi; ado kap sʌk tañ ikọ, ke ayịnufọk mmi ayaakop nsọñidem. 9Sia ami ke idem mmi ndo awo a-anieghe ekamba adudu, ye mbon ekọñ ke idak mmi. Ndin mmekeme ibo awo anyem, ‘Kaa,’ anye anyʌñ akaa; ñnyʌñ mbo awo mfen, ‘Di mi,’ anye anyʌñ adi. Mmekeme ibo ayịnufọk mmi, ‘Nam ami,’ ndin anye anyʌñ anam.”
10Ke Yisọs amaakekop ami, idem amaakpa anye, ndin anye amaabo mbon e-ekekeeneke anye ate, “Ntañ akpanikọ inọ ndufo, kpaanam ami ñkịtte awo a-anieghe utọ ekamba mbuọdidem ami ke afịd isọñ Isrel. 11Ami idọkkọ ndufo, ataa uwak awo eyaeto ke usakkautịn ye usobutịn edidat itie ammọ ke usọrọ ye Ebraham, Aisik ye Yekọb ke abioubọọñ hefịn. 12Ado eyaebịn nditọ abioubọọñ etop esịn ke ekịm, ke itie a-ntuaña ye ntaeded ediiba.”
13Ndin Yisọs amaabo sentudiọn ate, “Nyọñ! Yak asu unọ fiin nte mbuọdidem mfo adooho.” Ndin kpa idahado idem amaasọñ ayịnufọk amọ.
Yisọs Akọk Uwak Awo Udọñọ
14Idaha a-Yisọs akekaaha ufọk Pita, anye amaakịt eka anwaan Pita naña ana ke ikʌk ye ufiobidem. 15Yisọs amaatuuk ubọk amọ, ufiobidem ado amaakweeñe anye, ndin anye amaadakka ada akenam ndidia anọ Yisọs.
16Ke ndubiayio usen ado, emaekoono uwak mbon ñkpọnsọb a-ndiọi sịbidịd akefịnake esọk anye. Anye amaadat ikọ inua abịn mme ndiọi sịbidịd anyʌñ akọk afịd mbon udọñọ. 17Ami akedo adinam nọ se prọfed Aisaiya aketañ asu:
“Anye amaabiom mme mmemidem ñnyịn,
anyʌñ ayọ mme udọñọ ñnyịn.”
Ekọmudua Adikeene Yisọs
18Ke Yisọs amaakekịt mme atu awo naña ewak, anye amaanọ mme mbed amọ uyio ate ekappa eka edem ibiok uko. 19Ndin akpeeb mbed keed amaadibịne anye akebo ate, “Andikpeeb, ami ñyaukeene fiin ñkaa nte afo akaaka.”
20Yisọs amaabọọrọ anye ate, “Mme ewaikọd enieñe adu, mme inuen anyọñ enyʌñ enieñe efọk, ado Ayịn Awo inieghe itie nte anye adaak iwuod.”
21Mbed Yisọs mfen amaabo anye ate, “Abọọñ, yak ami ñka diin ñkebuuk ete mmi.”
22Ado Yisọs amaabo anye, “Ñkeene miin, nyʌñ yak mme akpañkpa ebuuk mme akpañkpa ammọ.”
Yisọs Anam Ayobio Adobo
23Akem Yisọs amaadʌk ubom, mme mbed amọ emaenyʌñ ekeene anye. 24Inikeed inikeed, ataa akpọsọñ ayobio amaatọọñọ ke ibiok ado, tutu mbufuud akpa afʌk ubom. Ado Yisọs akesʌk adaiya. 25Mme mbed emaeketọi anye ke idab ete, “Abọọñ, inyaaña ñnyịn mbaak ñnyịn idisịp.”
26Yisọs amaabọọrọ, “Ndufo mbon etək mbuọdidem, nsinam idem inyeñ ndufo ntom?” Ndin anye amaadakka ada anyʌñ asua anọ ayobio ye mbufuud akpa, ndin afịd ñkpọ amaadobo.
27Idem amaanekke akpa ammọ ndin ammọ emaebịp ete, “Nsoo utọ awo ado ami? Kpa afịm ye mbufuud inyañ ekop ikọ enọ anye.”
Yisọs Akọk Ideen Ñkpọnsọb Iba
28Ke Yisọs amaakekanna akewuọ edem inyañ ukañ idʌñ Kadarin#8:28 Usʌk ikpañwed ewet Kekesin; ubaak ewet Kerasin, ideen iba a-adimọn akesọppọ emaeto ukañ a-mme udi ebaaha ewuọñọ edisoobo ye anye. Afai-afai ido ammọ ikisiyakka nọ awo ndomokeed asaña ke usʌñ ado aboiyo. 29Ammọ emaesio ñkpo ete, “Ayịn Abasi, nsoo ke afo ayem ito ñnyịn? Afo adi adinọọ ñnyịn ufen mbemiso ini ekemekke enịm adikem?”
30Itie ami ikinyọọñọ usʌñ ikpọñ itie u-uwak udịm edi ekebaaha edia ñkpọ. 31Ndin mme dimọn ami emaekpeiye Yisọs ete, “Mbọk adieke afo ibịnne ñnyịn asịññe, idọñ ñnyịn ke idem mme udịm edi ako.”
32Yisọs amaabo ammọ ate, “Ikaa!” Ammọ emaenyʌñ ewuọñọ ekedọñọ ke idem mme edi ado. Ndin afịd udịm edi ado emaefeeñe ediatta ekeduọ edọñọ ibiok enyʌñ ekpañña ke mmọọñ ado. 33Mme akpeme edi ado emaefeeñe ekebʌk afịd ñkpọ ami ye se ikitịppe inọ ideen a-mme dimọn akesọppọ enọ mbon abio. 34Ndin afịd mbon abio ado emaewuọñọ ekaa edikisoobo Yisọs; ndin ammọ ekekekịt anye, emaekpeiye Yisọs ete yak anye akpọñ ñkanñkʌk mmimọ.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.