Matiu 1
1
Ubon Emana Yisọs Krais
1Mbʌk ubon emana Yisọs Krais ayịn Defid, ayịn Ebraham ado ami:
2Ebraham akebon Aisik,
Aisik abon Yekọb,
Yekọb abon Yuda ye nditọete amọ ideen,
3Yuda abon Peres ye Seera, e-eka ammọ akedooho Tama,
Peres abon Esrọn,
Esrọn abon Ram,
4Ram abon Aminadab,
Aminadab abon Nasọn,
Nasọn abon Salmọn,
5Salmọn abon Boas, e-eka amọ akedooho Rehab,
Boas abon Obed, e-eka amọ akedooho Rud,
Obed abon Yesi,
6ndin Yesi abon Adidem Defid.
Defid abon Sọlọmọn, e-eka amọ akedooho anwaan Yuria.
7Sọlọmọn abon Rehoboam,
Rehoboam abon Abiya,
Abiya abon Asa,
8Asa abon Yehosafad,
Yehosafad abon Yehoram,
Yehoram abon Usaiya,
9Usaiya abon Yotam,
Yotam abon Ahas,
Ahas abon Esikaiya,
10Esikaiya abon Manase,
Manase abon Amọn,
Amọn abon Yosaiya,
11ndin Yosaiya abon Yekonaiya#1:11 a-adooho Yehoiyakin; se ñko ke ufañ 12 ye nditọeka amọ ideen, ke ini ekemuumọ nditọ Isrel eka Babilọn.
12Ke ini emaekemuum nditọ Isrel eka Babilọn:
Yekonaiya amaabon Sietiel,
Sietiel abon Serubabel,
13Serubabel abon Abihud,
Abihud abon Eliakim,
Eliakim abon Asọ,
14Asọ abon Sadọk,
Sadọk abon Akịm,
Akịm abon Elihud,
15Elihud abon Eliasa,
Eliasa abon Matan,
Matan abon Yekọb,
16ndin Yekọb abon Yosef ebe Mmeri, a-akedooho eka Yisọs e-ekoodo Krais.
17Ke ntoro, afịd ubon emana Yisọs ekedo duob mme inaañ tọọñọ ke Ebraham tutu asịm Defid, duob mme inaañ tọọñọ ke Defid tutu asịm ini ufʌn ke Babilọn, duob mme inaañ tọọñọ ke ini ufʌn ke Babilọn tutu asịm emana Krais.
Yosef Anyịmme Yisọs nte Ayịn Amọ
18Naña emana Yisọs Krais akesaña ado ami:#1:18 naña Yisọs Krais aketọọñọ ado ami Eka amọ Mmeri akena nte adọ Yosef, ado mbemiso ammọ edidʌñọ keed, Mmeri amaayommo ke adudu Adisana Sịbidịd. 19Sia ebe amọ Yosef akedo adinen awo a-akenịmme mbed, ñko#1:19 akedo adinen awo ikinyʌññọ iyem adisuenne anye anwa-anwa, anye amaanam akikere adisio anye ndọ ke ndịbe.
20Ado ke anye amaakebiide ke esịd amọ ama adisio Mmeri ndọ, enyere Abọọñ amaabiọññọ anye ke ndab anyʌñ abo anye ate, “Yosef ayịn Defid, kuukop ndịk adiben Mmeri ñnyọñ ufọk nte anwaan mfo, sia ayịn a-anye ayommoke ato Adisana Sịbidịd. 21Anye ayaaman ayịn awodeen, ndin afo ayaasio anye anyịñ Yisọs,#1:21 Yisọs ado Yọsua ke usem Krik, awuọñọke Abọọñ anyaaña. sia anye adiinyaaña ikọd amọ isio ke ndiọiñkpọ ammọ.”
22Afịd ñkpọ ami akedat itie nọ ato do se Abọọñ Abasi aketañ ke inua mme prọfed asu: 23“Ñkpʌk abọikpa ayaayommo anyʌñ aman ayịn awodeen, ndin eyaekoot anye Imanduel”#1:23 Aisa 7:14 (a-awuọñọke, “Abasi mmọdo aba ye ñnyịn”).
24Ke Yosef amaakedemme, anye amaanam se enyere Abọọñ Abasi aketemme anye, amaanyʌñ aben Mmeri anyọñ ufọk nte anwaan amọ. 25Ado Yosef ikinieghe ewuana ye Mmeri tutu anye aman ayịn awodeen. Ndin Yosef amaasio anye anyịñ Yisọs.
Айни замон обунашуда:
Matiu 1: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.