Luk 2
2
Emana Yisọs
1Akekem ke idaha ukara Sisa Akọstus, anye amaanịm ewʌhọ abo enam ubadawo ke afịd ekondo ñkañ Rom. 2(Ami akedo akpa ubadawo e-ekenamma ke idaha#2:2 Akeme ido Ubadawo ami akedat itie mbemiso Kwirinius akedọọhọ adaukara ke Siria.) 3Afịd awo emaekaiya abio ammọ nọ ekesịn anyịñ ke ñwed ubadawo.
4Ndin Yosef amaato ke Nasared ke Kalili akaa Betlehem ke Yudia, abio Defid akesịn anyịñ, sia anye aketo ufọk ye aduuk Defid. 5Yosef akesaña ye Mmeri, awonwaan a-anye akeyemme idọ, a-akenyʌññọ asaña ye idịb, akaa uwedanyịñ. 6Uman amaaketọọñọ Mmeri ke ini a-ammọ ekebaaha ke Betlehem, 7ndin anye amaaman akpan amọ, anyʌñ awañ anye ke afọñ anịm ke itie usịn ndidia ufene, sia ufañ ikibaaha se ammọ eba ke ufọk isen.
8Mme akpemeedọñ emaeba ke ikọd ekpere, e-ekekpemeke mme edọñ ammọ ke akonayio ado. 9Ndin enyere Abọọñ amaabiọññọ, ubọọñ Abasi amaanyʌñ ayamma afʌk ammọ, ndịk amaanyʌñ amʌm ammọ. 10Ado enyere amaabo ammọ ate, “Ikiidịkke, sia mben eti etob isọk ndufo, a-adiinọ afịd awo ke ederimbod ekamba idaara. 11Mfịn ami ke abio Defid, Andinyaaña amana inọ ndufo; anye ado Krais, a-adooho Abọọñ. 12Ndin idiọọñọ ado ke ndufo eyaekịt ayịn e-ewañña ke afọñ naña ana ke itie usịn ndidia ufene.”
13Kpa ke ndo-ndo ado, ataa uwak udịm mbon hefịn emaebiọññọ, ediana ye enyere ado etooro Abasi ete:
14“Itooro anie Abasi ke ataa anyọñ,
emem anyʌñ aba ke isọñ ye mbon a-anye anọọhọ mfọn.”
15Mme enyere ekedaaña ekpọñ ammọ eka hefịn, mme akpemeedọñ emaeneme ke atu idem ammọ ete, “Yak ñnyịn ika Betlehem ikise ñkpọntịppe a-Abọọñ atañña inọọ ñnyịn.”
16Ndin ammọ emaesọp ekaa Betlehem, enyʌñ ekesoobo Mmeri ye Yosef ye nsekayịn naña ana ke itie usịn ndidia ufene. 17Ke ini ammọ emaekekịt anye, ammọ emaesuan etob ebaña se eketañ ebaña ayịn ado enọ mbon awo, 18idem amaanyʌñ akpa afịd awo se ikikop se mme akpemeedọñ eketañ enọ ammọ. 19Ado Mmeri amaatʌm amʌm afịd se eketañ akama ke esịd amọ. 20Mme akpemeedọñ emaetịmme enyọñọ, ekaiso ekpono enyʌñ etooro Abasi ke afịd ñkpọ se ammọ ekekịt enyʌñ ekop, a-akesañake akekem naña ekedọkkọ ammọ.
21Akedikem ayọhọ usen itiaita, a-akedooho ini adifọọrọ ayịn edʌd ñnyʌñ nsio anye anyịñ, emaesio anye Yisọs, anyịñ a-enyere akenọọhọ mbemiso ediyoyommo anye.
Eben Yisọs Ekewọt ke Tembịd
22Ke usen ndutʌm adinam asana amaakedikem naña Mbed Moses aketemme, Yosef ye Mmeri emaeben Yisọs ekaa Yeruselem nọ ato do ekesaana anye eyaak enọ Abọọñ Abasi 23(kpa naña ewet ke ñwed Mbed Abasi ete: “Ana eyaak akpa ayịn enịm asaña-asaña enọ Abọọñ”), 24enyʌñ enam uwa kpa naña Mbed Abọọñ aketemme: “Ntək ibiom iba, imiidooho anye ado abomoñkuku iba.”
25Ekamba awodeen keed amaaba ke Yeruselem, a-akekereke Simiọn, a-akedooho adinen awo anyʌñ anie mbaak Abasi. Anye aketie abet idọñesịd Isrel, ndin Adisana Sịbidịd amaadoro anye ke idem. 26Adisana Sịbidịd amaayaara awọt Simiọn ke anye idiikpaaha tutu anye akịt Krais Abọọñ. 27Sịbidịd amaaben anye akaa afe tembịd. Ke ini ete ye eka Yisọs ekebenne ayịn edi nọ enam naña Mbed aketemme, 28Simiọn amaabọ Yisọs akama ke ubọk anyʌñ atooro Abasi, ate:
29“Abọọñ Andikara, kpa naña afo akenwọñọ ke ikọ mfo,
yak isʌñutom mfo anyọñ ke emem.
30Sia anyen mmi akịt adinyaaña mfo,
31a-afo akenamma anịm ke iso afịd ederimbod,
32nọ ado unwana adiyaara anọ mme Gentile,
anyʌñ ado ubọọñ anọ mbon Isrel.”
33Idem amaakpa ete ye eka Yisọs eti-eti ke afịd se eketañ ebaña anye. 34Ndin Simiọn amaadiọñ ammọ, anyʌñ abo eka amọ Mmeri ate, “Ayịn ami adiido ñkpọ iduọ ye ñkpọ adidakka nda anọ uwak awo ke Isrel, anye adiido idiọọñọ ñkpọ ndoduyio, 35nọ ato do eyaara akikere esịd uwak awo. Ndin akañkañ ayaakịm ukpọñ mfo ñko.”
36Prọfed awonwaan keed a-akekereke Ana, ayịn Fanuel a-aketooho ufọk Asa, amaaba ke ini adinam ado. Anye amaasọñ eti-eti; akedọ ndọ isua itiaba kpọd, 37ndin ebe amọ akekpa, ndin anye amaado ebekpa tutu anye asịm isua anaañ ye inaañ. Afịd ini anye akesiba ke tembịd, akpono Abasi akonayio ye uweemeayio, atie utreudia anyʌñ abọñ akam. 38Ana amaadʌk adi ke ebe ado, anọ Abasi ekọọm anyʌñ atañ ikọ abaña ayịn ado anọ afịd awo se ikinie idodanyen ibaña ufak Yeruselem.
39Ke ini Yosef ye Mmeri emaekenam afịd se ammọ ekenie edinam kpa naña Mbed Abọọñ aketemme, ammọ emaetịmme enyọñ Kalili, ekaa abio ammọ Nasared. 40Ayịn ado amaakọt anyʌñ akop uko, ayọhọ ye aniọñ ye mfọn Abasi.
Yisọs Akaa Tembịd
41Ke isua ke isua, Yosef ye Mmeri emaesika Usọrọ Nsaña Mboiyo ke Yeruselem. 42Ndin ke Yisọs amaakeyọhọ isua duob mme iba, Yosef ye Mmeri emaeben anye ekaa Usọrọ Nsaña Mboiyo naña ido ammọ akesido. 43Usọrọ Nsaña Mboiyo akekweeñe, ke ete ye eka Yisọs emaeketọọñọ isañ unyọñ, etəkayịn, Yisọs amaatịmme atie ke Yeruselem, ado ete ye eka amọ ikidiọọñọke. 44Sia ammọ ekekereke ke Yisọs asʌk asaña ye mmimọ, ammọ emaekaa iso ke isañ unyọñ ke afịd usen keed. Ndin ammọ emaetọọñọ adiyem anye ke atu mme ufan ye mme ayakka ammọ. 45Ke ini ammọ miikikịtte anye, ammọ emaetịmme edem ekaa Yeruselem ekeyem anye. 46Ke usen ita amaakeboiyo, ammọ emaekekịt anye ke afe tembịd naña atie ye mme ñkpoon andikpeeb, asʌk akpañ utọñ anọ ammọ anyʌñ abịp ammọ mbuume. 47Afịd awo se ikiba ke ndo ekeba ke ñkpaidem ebaña aniọñ ye mme ibọọrọ amọ. 48Ke ini ete ye eka amọ ekedikịtte anye, idem amaakpa ammọ. Eka amọ amaabo anye, “Yịn, nsoo ido nọ afo inam ñnyịn ntom? Ami ye ete mfo imuyem fiin ye ayeemensia.”
49Anye amaabịp ammọ ate, “Nsoo ido nọ ndufo ekeñyem miin? Nte ndufo ikidiọọñọke ibo ke ana ami mba ke ufọk Ete mmi?”#2:49 Akeme ido mba ke ndubeghe Ete mmi 50Ado se anye aketañ ikinwañake ete ye eka amọ.
51Ndin anye amaakeene ammọ anyọñ Nasared, anyʌñ akop item anọ ammọ. Ado eka amọ amaamʌm afịd mme ikọ ami adọñ ke esịd amọ. 52Ndin Yisọs amaakọt ke aniọñ ye idaha, anyʌñ akịt mfọn ke iso Abasi ye ke iso awo.
Айни замон обунашуда:
Luk 2: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 2
2
Emana Yisọs
1Akekem ke idaha ukara Sisa Akọstus, anye amaanịm ewʌhọ abo enam ubadawo ke afịd ekondo ñkañ Rom. 2(Ami akedo akpa ubadawo e-ekenamma ke idaha#2:2 Akeme ido Ubadawo ami akedat itie mbemiso Kwirinius akedọọhọ adaukara ke Siria.) 3Afịd awo emaekaiya abio ammọ nọ ekesịn anyịñ ke ñwed ubadawo.
4Ndin Yosef amaato ke Nasared ke Kalili akaa Betlehem ke Yudia, abio Defid akesịn anyịñ, sia anye aketo ufọk ye aduuk Defid. 5Yosef akesaña ye Mmeri, awonwaan a-anye akeyemme idọ, a-akenyʌññọ asaña ye idịb, akaa uwedanyịñ. 6Uman amaaketọọñọ Mmeri ke ini a-ammọ ekebaaha ke Betlehem, 7ndin anye amaaman akpan amọ, anyʌñ awañ anye ke afọñ anịm ke itie usịn ndidia ufene, sia ufañ ikibaaha se ammọ eba ke ufọk isen.
8Mme akpemeedọñ emaeba ke ikọd ekpere, e-ekekpemeke mme edọñ ammọ ke akonayio ado. 9Ndin enyere Abọọñ amaabiọññọ, ubọọñ Abasi amaanyʌñ ayamma afʌk ammọ, ndịk amaanyʌñ amʌm ammọ. 10Ado enyere amaabo ammọ ate, “Ikiidịkke, sia mben eti etob isọk ndufo, a-adiinọ afịd awo ke ederimbod ekamba idaara. 11Mfịn ami ke abio Defid, Andinyaaña amana inọ ndufo; anye ado Krais, a-adooho Abọọñ. 12Ndin idiọọñọ ado ke ndufo eyaekịt ayịn e-ewañña ke afọñ naña ana ke itie usịn ndidia ufene.”
13Kpa ke ndo-ndo ado, ataa uwak udịm mbon hefịn emaebiọññọ, ediana ye enyere ado etooro Abasi ete:
14“Itooro anie Abasi ke ataa anyọñ,
emem anyʌñ aba ke isọñ ye mbon a-anye anọọhọ mfọn.”
15Mme enyere ekedaaña ekpọñ ammọ eka hefịn, mme akpemeedọñ emaeneme ke atu idem ammọ ete, “Yak ñnyịn ika Betlehem ikise ñkpọntịppe a-Abọọñ atañña inọọ ñnyịn.”
16Ndin ammọ emaesọp ekaa Betlehem, enyʌñ ekesoobo Mmeri ye Yosef ye nsekayịn naña ana ke itie usịn ndidia ufene. 17Ke ini ammọ emaekekịt anye, ammọ emaesuan etob ebaña se eketañ ebaña ayịn ado enọ mbon awo, 18idem amaanyʌñ akpa afịd awo se ikikop se mme akpemeedọñ eketañ enọ ammọ. 19Ado Mmeri amaatʌm amʌm afịd se eketañ akama ke esịd amọ. 20Mme akpemeedọñ emaetịmme enyọñọ, ekaiso ekpono enyʌñ etooro Abasi ke afịd ñkpọ se ammọ ekekịt enyʌñ ekop, a-akesañake akekem naña ekedọkkọ ammọ.
21Akedikem ayọhọ usen itiaita, a-akedooho ini adifọọrọ ayịn edʌd ñnyʌñ nsio anye anyịñ, emaesio anye Yisọs, anyịñ a-enyere akenọọhọ mbemiso ediyoyommo anye.
Eben Yisọs Ekewọt ke Tembịd
22Ke usen ndutʌm adinam asana amaakedikem naña Mbed Moses aketemme, Yosef ye Mmeri emaeben Yisọs ekaa Yeruselem nọ ato do ekesaana anye eyaak enọ Abọọñ Abasi 23(kpa naña ewet ke ñwed Mbed Abasi ete: “Ana eyaak akpa ayịn enịm asaña-asaña enọ Abọọñ”), 24enyʌñ enam uwa kpa naña Mbed Abọọñ aketemme: “Ntək ibiom iba, imiidooho anye ado abomoñkuku iba.”
25Ekamba awodeen keed amaaba ke Yeruselem, a-akekereke Simiọn, a-akedooho adinen awo anyʌñ anie mbaak Abasi. Anye aketie abet idọñesịd Isrel, ndin Adisana Sịbidịd amaadoro anye ke idem. 26Adisana Sịbidịd amaayaara awọt Simiọn ke anye idiikpaaha tutu anye akịt Krais Abọọñ. 27Sịbidịd amaaben anye akaa afe tembịd. Ke ini ete ye eka Yisọs ekebenne ayịn edi nọ enam naña Mbed aketemme, 28Simiọn amaabọ Yisọs akama ke ubọk anyʌñ atooro Abasi, ate:
29“Abọọñ Andikara, kpa naña afo akenwọñọ ke ikọ mfo,
yak isʌñutom mfo anyọñ ke emem.
30Sia anyen mmi akịt adinyaaña mfo,
31a-afo akenamma anịm ke iso afịd ederimbod,
32nọ ado unwana adiyaara anọ mme Gentile,
anyʌñ ado ubọọñ anọ mbon Isrel.”
33Idem amaakpa ete ye eka Yisọs eti-eti ke afịd se eketañ ebaña anye. 34Ndin Simiọn amaadiọñ ammọ, anyʌñ abo eka amọ Mmeri ate, “Ayịn ami adiido ñkpọ iduọ ye ñkpọ adidakka nda anọ uwak awo ke Isrel, anye adiido idiọọñọ ñkpọ ndoduyio, 35nọ ato do eyaara akikere esịd uwak awo. Ndin akañkañ ayaakịm ukpọñ mfo ñko.”
36Prọfed awonwaan keed a-akekereke Ana, ayịn Fanuel a-aketooho ufọk Asa, amaaba ke ini adinam ado. Anye amaasọñ eti-eti; akedọ ndọ isua itiaba kpọd, 37ndin ebe amọ akekpa, ndin anye amaado ebekpa tutu anye asịm isua anaañ ye inaañ. Afịd ini anye akesiba ke tembịd, akpono Abasi akonayio ye uweemeayio, atie utreudia anyʌñ abọñ akam. 38Ana amaadʌk adi ke ebe ado, anọ Abasi ekọọm anyʌñ atañ ikọ abaña ayịn ado anọ afịd awo se ikinie idodanyen ibaña ufak Yeruselem.
39Ke ini Yosef ye Mmeri emaekenam afịd se ammọ ekenie edinam kpa naña Mbed Abọọñ aketemme, ammọ emaetịmme enyọñ Kalili, ekaa abio ammọ Nasared. 40Ayịn ado amaakọt anyʌñ akop uko, ayọhọ ye aniọñ ye mfọn Abasi.
Yisọs Akaa Tembịd
41Ke isua ke isua, Yosef ye Mmeri emaesika Usọrọ Nsaña Mboiyo ke Yeruselem. 42Ndin ke Yisọs amaakeyọhọ isua duob mme iba, Yosef ye Mmeri emaeben anye ekaa Usọrọ Nsaña Mboiyo naña ido ammọ akesido. 43Usọrọ Nsaña Mboiyo akekweeñe, ke ete ye eka Yisọs emaeketọọñọ isañ unyọñ, etəkayịn, Yisọs amaatịmme atie ke Yeruselem, ado ete ye eka amọ ikidiọọñọke. 44Sia ammọ ekekereke ke Yisọs asʌk asaña ye mmimọ, ammọ emaekaa iso ke isañ unyọñ ke afịd usen keed. Ndin ammọ emaetọọñọ adiyem anye ke atu mme ufan ye mme ayakka ammọ. 45Ke ini ammọ miikikịtte anye, ammọ emaetịmme edem ekaa Yeruselem ekeyem anye. 46Ke usen ita amaakeboiyo, ammọ emaekekịt anye ke afe tembịd naña atie ye mme ñkpoon andikpeeb, asʌk akpañ utọñ anọ ammọ anyʌñ abịp ammọ mbuume. 47Afịd awo se ikiba ke ndo ekeba ke ñkpaidem ebaña aniọñ ye mme ibọọrọ amọ. 48Ke ini ete ye eka amọ ekedikịtte anye, idem amaakpa ammọ. Eka amọ amaabo anye, “Yịn, nsoo ido nọ afo inam ñnyịn ntom? Ami ye ete mfo imuyem fiin ye ayeemensia.”
49Anye amaabịp ammọ ate, “Nsoo ido nọ ndufo ekeñyem miin? Nte ndufo ikidiọọñọke ibo ke ana ami mba ke ufọk Ete mmi?”#2:49 Akeme ido mba ke ndubeghe Ete mmi 50Ado se anye aketañ ikinwañake ete ye eka amọ.
51Ndin anye amaakeene ammọ anyọñ Nasared, anyʌñ akop item anọ ammọ. Ado eka amọ amaamʌm afịd mme ikọ ami adọñ ke esịd amọ. 52Ndin Yisọs amaakọt ke aniọñ ye idaha, anyʌñ akịt mfọn ke iso Abasi ye ke iso awo.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.