Luk 17
17
Idiọọkñkpọ, Mbuọdidem ye Ubiọñutom
1Yisọs amaabo mme mbed amọ ate: “Ñkpọiduọ ayaadi, ado adọdiọọk anọ andidiido ntak iduọ ado. 2Akpaafọn inọ ammọ adieke ekpekọọñọ ammọ itiad ke itọñ etop ammọ esịn ke akpainyañ akan ammọ edido ñkpọiduọ a-anamma keed ke atu ntəkayịn ami anam idiọọkñkpọ. 3Ke ntoro, ikpeme idem ndufo.
“Ayịneka # 17:3 Ke usem Greek adelfọs adaaha anọ ayịneka a-adooho awodeen me awonwaan , anyʌñ asʌk ada anọ emọ-emọ mbed, me ado awodeen me ado awonwaan. mfo ke Krais akpenam idiọọkñkpọ, sua nọ anye. Anye akpetua ñkpọfiọk, feen nọ anye. 4Akpekọm anye udue fiin akañ itiaba ke usen ndin atịmme adi adukpe ubọk akañ itiaba, abo: ‘mmetua ñkpọfiọk,’ ana afo afeen anọ anye.”
5Mme mbed emaebo anye ete, “Abọọñ nam mbuọdidem ñnyịn akpon.”
6Anye amaabọọrọ ammọ, “Akpekọm ndufo enie mbuọdidem a-asịppe nte ñkpasi mọstad, emekeme edibo ekamba eto a-akponno nte ukịm, ‘Wʌkkọ kaa kewʌhọ ke akpainyañ,’ ndin anye ayaakop uyio ndufo.
7 “Awo ndufo keed akpenie ayịnufọk a-akaaha ufʌñ inwañ me ukpeme edọñ, nte anye akpaabo ayịnufọk ado, ke amaato inwañ adi, ‘Di suuk tie ke akpokoro dia ñkpọ’? 8Nte anye ikpikappa ibo, ‘Nam ndidia ndubi nnọ ndia, nyʌñ da mbet idaha a-ndiaha ñkpọ, ndin mmaadia ñnyʌñ ñnwọñ mma, afo amekeme adidia ñnyʌñ ñnwọñ’? 9Me anye ayaakọọm ayịnufọk ado ke adinam se akenaa nte anam? 10Ntom ke ami ibo ndufo, imainam afịd se ekebo ndufo enam, akpena ebo, ‘Ñnyịn ido nditọutom i-imiidotto, ñnyịn inam ubiọñutom ñnyịn kpọd.’ ”
Yisọs Akọk mme Akpamfia Duob
11Idaha a-Yisọs akekaaha Yeruselem, anye amaaboiyo ke adaña Sameria ye Kalili. 12Nte anye akedʌkkọ idʌñ keed, ideen duob e-ekedọñọke akpamfia#17:12 Ke usem Greek, akpamfiaada anọ mme nsio-nsio udọñọ ñkpọnta ake ataaha awo ke ikpaidem emaedisoobo anye. Ammọ emaeda nsan-nsan, 13enyʌñ ebọọñ ke akpọsọñ uyio ete, “Yisọs, Eteufọk, itua ñnyịn mbọm.”
14Ke ini Yisọs akekịtte ammọ, anye amaabo ate, “Ikaa ikiwọt mme aku idem ndufo.” Nte ammọ ekesañake ke usʌñ, emaenam ammọ esana, ndin idem amaasọñ ammọ.
15Keed ke atu ammọ, ke amaakekịt ke udọñọ ikweeñe, amaatịmme aditooro Abasi ke akpọsọñ uyio. 16Anye amaaduọ ke ukod Yisọs anyʌñ akọọm anye. Awo ado akedo awo Sameria.
17Yisọs amaabịp ate, “Nte idooho awo duob ke ekenam esana? Usʌkkeed ako-o? 18Ibaaha awo ndomokeed a-atịmmeke adinọ Abasi ekọọm ke imiibọhọke asenawo ami?” 19Yisọs amaabo anye, “Dakka nyọñ; mbuọdidem mfo anam idem usọñ.”
Adidi Abioubọọñ Abasi
20Usen keed, mme Farisi emaekebịp anye me abioubọọñ Abasi adiidi ini akee. Yisọs amaabọọrọ ate, “Adidi abioubọọñ Abasi idooho ñkpọ a-ndufo ekemeke adikịt, 21mme awo idiinyʌññọ ibo, ‘Se anye mi’ me ‘Se anye ko,’ sia abioubọọñ Abasi mmọdo aba ke atu ndufo.”
22Ndin anye amaabo mme mbed amọ, “Ini asʌk adi a-ndufo ediiyem adikịt keed ke atu mme usen Ayịn Awo ado idiikịtte. 23Mme awo eyaidọkkọ ndufo, ‘Se anye ko,’ me ‘Se anye mi.’ Ikiifeghe ikeene ammọ. 24Sia Ayịn Awo ke usen amọ adiitie nte akebkeb, a-akeppeke anọ unwana tọọñọ ke mbeñ ikpaanyọñ keed tutu awuọ mbeñ uko. 25Ado akpa, ana anye akịt uwak ukuud, ñko emana ami eyaesịn anye.
26 “Ukem naña aketịppe ke ayio Nua, adiinyʌñ ido ntoro ke mme usen Ayịn Awo. 27Mme awo ekesʌk edia, enwọñ, edọ enyʌñ enọ ke ndọ tutu usen Nua akedʌkkọ ubom. Ndin mmọọñ ukwọ amaadisobo afịd ammọ.
28 “Ukem ado ke akedo ke ayio Lọọd. Mme awo ekesʌk edia, enwọñ, edep, enyam, etọ, edọk, enyʌñ ebọp ufọk. 29Ado usen Lọọd akewuọhọ akpọñ Sọdọm, ikañ ye sọlfọ emaeto hefịn edep esobo afịd ammọ.
30 “Kpa ukem ado ke adiitịppe ke usen e-ediiyaara Ayịn Awo. 31Ke usen ado, awo a-adoroke ke anyọñ akọm, ke ini inie amọ abaaha ke esịd ufọk, inaaha asọiyọ aka ikoono inie amọ. Ukem ado, awo a-abaaha ke inwañ anam utom, inaaha atịmme aka ufọk akedat ñkpọ ndomokeed. 32Itoiyo anwaan Lọọd! 33Awo akeedodo a-ayemme adinyaaña uwem amọ ayaaduọọk uwem amọ. Ñko awo akeedodo a-aduọọkkọ uwem amọ ayaanyaaña uwem amọ. 34Ami idọkkọ ndufo, ke akonayio ado, awo iba eyaenaa ke ñkpana keed, eyaedat keed ekpọñ anye ako. 35Ibaan iba eyaeba ke itie ukọkñkpọ, eyaeben keed ekpọñ keed. [36Ideen iba eyaeba ke inwañ, eyaeben keed ekpọñ keed.”]
37Mme mbed emaebịp anye ete, “Abọọñ, ke mmọọ?”
Anye amaabọọrọ, “Itie nte akpo ana, mme utere eyaekeboho ke ndo.”
Айни замон обунашуда:
Luk 17: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 17
17
Idiọọkñkpọ, Mbuọdidem ye Ubiọñutom
1Yisọs amaabo mme mbed amọ ate: “Ñkpọiduọ ayaadi, ado adọdiọọk anọ andidiido ntak iduọ ado. 2Akpaafọn inọ ammọ adieke ekpekọọñọ ammọ itiad ke itọñ etop ammọ esịn ke akpainyañ akan ammọ edido ñkpọiduọ a-anamma keed ke atu ntəkayịn ami anam idiọọkñkpọ. 3Ke ntoro, ikpeme idem ndufo.
“Ayịneka # 17:3 Ke usem Greek adelfọs adaaha anọ ayịneka a-adooho awodeen me awonwaan , anyʌñ asʌk ada anọ emọ-emọ mbed, me ado awodeen me ado awonwaan. mfo ke Krais akpenam idiọọkñkpọ, sua nọ anye. Anye akpetua ñkpọfiọk, feen nọ anye. 4Akpekọm anye udue fiin akañ itiaba ke usen ndin atịmme adi adukpe ubọk akañ itiaba, abo: ‘mmetua ñkpọfiọk,’ ana afo afeen anọ anye.”
5Mme mbed emaebo anye ete, “Abọọñ nam mbuọdidem ñnyịn akpon.”
6Anye amaabọọrọ ammọ, “Akpekọm ndufo enie mbuọdidem a-asịppe nte ñkpasi mọstad, emekeme edibo ekamba eto a-akponno nte ukịm, ‘Wʌkkọ kaa kewʌhọ ke akpainyañ,’ ndin anye ayaakop uyio ndufo.
7 “Awo ndufo keed akpenie ayịnufọk a-akaaha ufʌñ inwañ me ukpeme edọñ, nte anye akpaabo ayịnufọk ado, ke amaato inwañ adi, ‘Di suuk tie ke akpokoro dia ñkpọ’? 8Nte anye ikpikappa ibo, ‘Nam ndidia ndubi nnọ ndia, nyʌñ da mbet idaha a-ndiaha ñkpọ, ndin mmaadia ñnyʌñ ñnwọñ mma, afo amekeme adidia ñnyʌñ ñnwọñ’? 9Me anye ayaakọọm ayịnufọk ado ke adinam se akenaa nte anam? 10Ntom ke ami ibo ndufo, imainam afịd se ekebo ndufo enam, akpena ebo, ‘Ñnyịn ido nditọutom i-imiidotto, ñnyịn inam ubiọñutom ñnyịn kpọd.’ ”
Yisọs Akọk mme Akpamfia Duob
11Idaha a-Yisọs akekaaha Yeruselem, anye amaaboiyo ke adaña Sameria ye Kalili. 12Nte anye akedʌkkọ idʌñ keed, ideen duob e-ekedọñọke akpamfia#17:12 Ke usem Greek, akpamfiaada anọ mme nsio-nsio udọñọ ñkpọnta ake ataaha awo ke ikpaidem emaedisoobo anye. Ammọ emaeda nsan-nsan, 13enyʌñ ebọọñ ke akpọsọñ uyio ete, “Yisọs, Eteufọk, itua ñnyịn mbọm.”
14Ke ini Yisọs akekịtte ammọ, anye amaabo ate, “Ikaa ikiwọt mme aku idem ndufo.” Nte ammọ ekesañake ke usʌñ, emaenam ammọ esana, ndin idem amaasọñ ammọ.
15Keed ke atu ammọ, ke amaakekịt ke udọñọ ikweeñe, amaatịmme aditooro Abasi ke akpọsọñ uyio. 16Anye amaaduọ ke ukod Yisọs anyʌñ akọọm anye. Awo ado akedo awo Sameria.
17Yisọs amaabịp ate, “Nte idooho awo duob ke ekenam esana? Usʌkkeed ako-o? 18Ibaaha awo ndomokeed a-atịmmeke adinọ Abasi ekọọm ke imiibọhọke asenawo ami?” 19Yisọs amaabo anye, “Dakka nyọñ; mbuọdidem mfo anam idem usọñ.”
Adidi Abioubọọñ Abasi
20Usen keed, mme Farisi emaekebịp anye me abioubọọñ Abasi adiidi ini akee. Yisọs amaabọọrọ ate, “Adidi abioubọọñ Abasi idooho ñkpọ a-ndufo ekemeke adikịt, 21mme awo idiinyʌññọ ibo, ‘Se anye mi’ me ‘Se anye ko,’ sia abioubọọñ Abasi mmọdo aba ke atu ndufo.”
22Ndin anye amaabo mme mbed amọ, “Ini asʌk adi a-ndufo ediiyem adikịt keed ke atu mme usen Ayịn Awo ado idiikịtte. 23Mme awo eyaidọkkọ ndufo, ‘Se anye ko,’ me ‘Se anye mi.’ Ikiifeghe ikeene ammọ. 24Sia Ayịn Awo ke usen amọ adiitie nte akebkeb, a-akeppeke anọ unwana tọọñọ ke mbeñ ikpaanyọñ keed tutu awuọ mbeñ uko. 25Ado akpa, ana anye akịt uwak ukuud, ñko emana ami eyaesịn anye.
26 “Ukem naña aketịppe ke ayio Nua, adiinyʌñ ido ntoro ke mme usen Ayịn Awo. 27Mme awo ekesʌk edia, enwọñ, edọ enyʌñ enọ ke ndọ tutu usen Nua akedʌkkọ ubom. Ndin mmọọñ ukwọ amaadisobo afịd ammọ.
28 “Ukem ado ke akedo ke ayio Lọọd. Mme awo ekesʌk edia, enwọñ, edep, enyam, etọ, edọk, enyʌñ ebọp ufọk. 29Ado usen Lọọd akewuọhọ akpọñ Sọdọm, ikañ ye sọlfọ emaeto hefịn edep esobo afịd ammọ.
30 “Kpa ukem ado ke adiitịppe ke usen e-ediiyaara Ayịn Awo. 31Ke usen ado, awo a-adoroke ke anyọñ akọm, ke ini inie amọ abaaha ke esịd ufọk, inaaha asọiyọ aka ikoono inie amọ. Ukem ado, awo a-abaaha ke inwañ anam utom, inaaha atịmme aka ufọk akedat ñkpọ ndomokeed. 32Itoiyo anwaan Lọọd! 33Awo akeedodo a-ayemme adinyaaña uwem amọ ayaaduọọk uwem amọ. Ñko awo akeedodo a-aduọọkkọ uwem amọ ayaanyaaña uwem amọ. 34Ami idọkkọ ndufo, ke akonayio ado, awo iba eyaenaa ke ñkpana keed, eyaedat keed ekpọñ anye ako. 35Ibaan iba eyaeba ke itie ukọkñkpọ, eyaeben keed ekpọñ keed. [36Ideen iba eyaeba ke inwañ, eyaeben keed ekpọñ keed.”]
37Mme mbed emaebịp anye ete, “Abọọñ, ke mmọọ?”
Anye amaabọọrọ, “Itie nte akpo ana, mme utere eyaekeboho ke ndo.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.