Luk 16
16
Ñke a-Abañake Mbufiọk Akamautom
1Ndin Yisọs amaabo mme mbed amọ ate: “Imọ awo keed amaaba e-ekedidọkkọke anye ebo ke akamautom amọ atahade inie amọ. 2Ndin anye amaakoot akamautom amọ abo anye ate, ‘Nsoo ke ñkop ami ubaña fiin? Nam ibad nnọ miin naña akekama utom sia ubooho udo akamautom mmi aba.’ ”
3 Akamautom amaabo idem amọ ate, “Nsoo ke mbo nnam idahado? Eteufọk mmi ayambịn ke utom. Ami nnieghe inweek ñkem se ñkekịm isọñ; ndin ami mmenyʌñ ñkop abuud adibeeñe ebeeñe. 4Afọn, mmediọọñọ se mbo nnam nọ ato do emaembịn ke utom mme awo eyak ñwakka ufọk ammọ.”
5 Ndin anye amaakoot afịd awo se ikikama eteufọk amọ isʌñ anyʌñ abịp akpa awo ate, “Akʌk ifañ ke afo akama eteufọk mmi?”
6 Anye amaabọọrọ, “Ñkama tian adan ọlif ikie usʌkkeed.” # 16:6 Ñkpọ nte lita 3,000
“Akamautom amaabo anye, ‘Sọp idem, dat ñwed isʌñ mfo, kpịkke wet tian adan ikie inaañ mme aba mme duob.’
7 “Ndin akamautom amaabịp ayọhọ awo iba, ‘Nsoo ke akama?’
“Anye amaabọọrọ, ‘Ñkama # 16:7 Ñkpọ nte tọọn 30 akpasa abakpa tọsịn keed.’
“Akamautom amaabo anye, ‘Sọp idem, dat ñwed isʌñ mfo, kpịkke wet akpasa abakpa ikie itiaita.’
8 “Eteufọk amọ amaatooro adinam idiọọk akamautom ami sia anye amaanie mbufiọk. Sia mbon ederimbod ami imiidiọọñọke Abasi enie mbufiọk ke emaebiinam ñkpọ ye emọ-emọ awo ekan mbon e-ediọọñọke Abasi e-enyʌññọ esaña ke unwana. 9Ami ibo ndufo, ikama inie ederimbod ami ikọ mme ufan inọ idem ndufo, mbaak inie ado amaakweeñe ibọ ndufo esịn ke nsi-nsi itieidʌñ.
10 “Sia awo akeedodo a-akanna anam akpanikọ ke etək ñkpọ, a-akan anam akpanikọ ke ekamba ñkpọ. Awo akeedodo i-imiinamma akpanikọ ke etək ñkpọ ikanna inam akpanikọ ke ekamba ñkpọ. 11Ndin adieke afo umuukunamma akpanikọ ke naña akama inie ederimbod, anie adiinịm ke amekeme adinam akpanikọ ekpunọ ataa inie? 12Ndin adieke umuunamma akpanikọ ye inie awo mfen, anie aduunọ fiin inie ake mfo?
13 “Awo ndomokeed ikemeke adido ayịnufọk nnọọ eteufọk iba: Anye ayaama keed asua keed; imiidooho ntoro anye ayaanekke adiana keed ke idem akan keed. Ndufo ikemeke adima Abasi ye akʌk ukem-ukem.”
14Mme Farisi e-ekemaaha akʌk, emaekop afịd ami enyʌñ etuun Yisọs inua. 15Ami anam Yisọs amaabo ammọ, “Ndufo edo mbon e-eyemme adido nti awo ke iso awo, ado Abasi adiọọñọ esịd ndufo. Se mme awo edat nte akpan ñkpọ ado ndek ke anyen Abasi.
Mme Ukpeebñkpọ Mfen
16 “Emaekwọrọ enyʌñ ekpeep mme Mbed ye mme Prọfed tutu adiwuọ ini Yọọn. Tọọñọ ke idahado, esʌk ekwọrọ eti etob abioubọọñ Abasi, ndin afịd awo eyem usʌñ adinwana ndʌk ke esịd. 17Ado ataa mmem-mmem ñkpọ hefịn ye isọñ adiboiyo mfep ñkan ntọi ikọ keed adiwuọ ke ñwed Mbed.
18 “Awo akeedodo a-asịnne anwaan amọ akedọ awonwaan mfen a-asịn efịbe, ndin awodeen a-adọọhọ awonwaan e-ebe amaakesịn, a-asịn efịbe.
Imọ Awo ye Lasọrọs
19 “Imọ awo keed amaaba a-akesisịneke nsọñudua afọñ anyʌñ akop inem uwem afịd usen. 20Ke inuaatob amọ, abeeñe ebeeñe keed a-akekereke Lasọrọs amaatie, ndin inia amaafʌk anye afịd idem, 21anye amaanie udọñ adiikpidia mbeñe ndidia se ikiduọññọ ito akpokoro awo inie ado. Mme ewa ñko emaesididai mme inia ke idem amọ.
22 “Akekem koo, abeeñe ebeeñe ami amaakpa, ndin mme enyere emaeben anye ekenịm ke ikpanesịd Ebraham. Imọ awo amaanyʌñ adikpa, ndin emaebuuk anye. 23Ke abioekpo, ke itie a-anye akebaaha ke ufen, anye amaadịppe anyen akịt Ebraham ke anyan usʌñ ye Lasọrọs do ke ñkañ amọ. 24Anye amaabọọñ ate, ‘Ete Ebraham, ntua miin mbọm nyʌñ dọñ Lasọrọs adeep mmọọñ ke nnuun ubọk amọ adindeññe miin edeme, sia ami mba ke akpọsọñ ufen ke ikañ ami.’
25 “Ado Ebraham amaabọọrọ anye ate, ‘Yịn mmi, toiyo ke ayio uwem afo amaanie nti ñkpọ ke ini Lasọrọs akekịtte ukuud, ado idahami anye a-abọ idọñesịd, ado afo aba ke ndutʌhọ. 26Ke adidian do, ekamba ukpe i-ibakka ñnyịn ye afo, a-anamma mbon se iyem ito umi ñkaa udo ikanna, mbon se inyʌñ iyem ito udo ndi umi ikanna.’
27 “Imọ awo amaabọọrọ ate, ‘Mmukpeiye fiin ete, dọñ Lasọrọs aka ubon mmi, 28sia ami mmenie nditọeka ideen ition. Yak anye akedʌt ammọ utọñ, mbaak ammọ edinyʌñ edi utọ itie ndutʌhọ ami.’
29 “Ebraham amaabọọrọ, ‘Ammọ e-enie Moses ye mme Prọfed; yak ammọ ekpañ utọñ enọ mbon ndo.’
30 “ ‘Awo inie amaabo, Iyoo, Ete Ebraham, ado awo akpeto abioekpo akedọkkọ ammọ, eyaekappa esịd.’
31 “Ebraham amaabọọrọ, ‘Adieke ammọ miikpañña utọñ inọ Moses ye mme Prọfed, ammọ idiinịmme, akpọkọm awo abʌkkọ ke udi adika.’ ”
Айни замон обунашуда:
Luk 16: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 16
16
Ñke a-Abañake Mbufiọk Akamautom
1Ndin Yisọs amaabo mme mbed amọ ate: “Imọ awo keed amaaba e-ekedidọkkọke anye ebo ke akamautom amọ atahade inie amọ. 2Ndin anye amaakoot akamautom amọ abo anye ate, ‘Nsoo ke ñkop ami ubaña fiin? Nam ibad nnọ miin naña akekama utom sia ubooho udo akamautom mmi aba.’ ”
3 Akamautom amaabo idem amọ ate, “Nsoo ke mbo nnam idahado? Eteufọk mmi ayambịn ke utom. Ami nnieghe inweek ñkem se ñkekịm isọñ; ndin ami mmenyʌñ ñkop abuud adibeeñe ebeeñe. 4Afọn, mmediọọñọ se mbo nnam nọ ato do emaembịn ke utom mme awo eyak ñwakka ufọk ammọ.”
5 Ndin anye amaakoot afịd awo se ikikama eteufọk amọ isʌñ anyʌñ abịp akpa awo ate, “Akʌk ifañ ke afo akama eteufọk mmi?”
6 Anye amaabọọrọ, “Ñkama tian adan ọlif ikie usʌkkeed.” # 16:6 Ñkpọ nte lita 3,000
“Akamautom amaabo anye, ‘Sọp idem, dat ñwed isʌñ mfo, kpịkke wet tian adan ikie inaañ mme aba mme duob.’
7 “Ndin akamautom amaabịp ayọhọ awo iba, ‘Nsoo ke akama?’
“Anye amaabọọrọ, ‘Ñkama # 16:7 Ñkpọ nte tọọn 30 akpasa abakpa tọsịn keed.’
“Akamautom amaabo anye, ‘Sọp idem, dat ñwed isʌñ mfo, kpịkke wet akpasa abakpa ikie itiaita.’
8 “Eteufọk amọ amaatooro adinam idiọọk akamautom ami sia anye amaanie mbufiọk. Sia mbon ederimbod ami imiidiọọñọke Abasi enie mbufiọk ke emaebiinam ñkpọ ye emọ-emọ awo ekan mbon e-ediọọñọke Abasi e-enyʌññọ esaña ke unwana. 9Ami ibo ndufo, ikama inie ederimbod ami ikọ mme ufan inọ idem ndufo, mbaak inie ado amaakweeñe ibọ ndufo esịn ke nsi-nsi itieidʌñ.
10 “Sia awo akeedodo a-akanna anam akpanikọ ke etək ñkpọ, a-akan anam akpanikọ ke ekamba ñkpọ. Awo akeedodo i-imiinamma akpanikọ ke etək ñkpọ ikanna inam akpanikọ ke ekamba ñkpọ. 11Ndin adieke afo umuukunamma akpanikọ ke naña akama inie ederimbod, anie adiinịm ke amekeme adinam akpanikọ ekpunọ ataa inie? 12Ndin adieke umuunamma akpanikọ ye inie awo mfen, anie aduunọ fiin inie ake mfo?
13 “Awo ndomokeed ikemeke adido ayịnufọk nnọọ eteufọk iba: Anye ayaama keed asua keed; imiidooho ntoro anye ayaanekke adiana keed ke idem akan keed. Ndufo ikemeke adima Abasi ye akʌk ukem-ukem.”
14Mme Farisi e-ekemaaha akʌk, emaekop afịd ami enyʌñ etuun Yisọs inua. 15Ami anam Yisọs amaabo ammọ, “Ndufo edo mbon e-eyemme adido nti awo ke iso awo, ado Abasi adiọọñọ esịd ndufo. Se mme awo edat nte akpan ñkpọ ado ndek ke anyen Abasi.
Mme Ukpeebñkpọ Mfen
16 “Emaekwọrọ enyʌñ ekpeep mme Mbed ye mme Prọfed tutu adiwuọ ini Yọọn. Tọọñọ ke idahado, esʌk ekwọrọ eti etob abioubọọñ Abasi, ndin afịd awo eyem usʌñ adinwana ndʌk ke esịd. 17Ado ataa mmem-mmem ñkpọ hefịn ye isọñ adiboiyo mfep ñkan ntọi ikọ keed adiwuọ ke ñwed Mbed.
18 “Awo akeedodo a-asịnne anwaan amọ akedọ awonwaan mfen a-asịn efịbe, ndin awodeen a-adọọhọ awonwaan e-ebe amaakesịn, a-asịn efịbe.
Imọ Awo ye Lasọrọs
19 “Imọ awo keed amaaba a-akesisịneke nsọñudua afọñ anyʌñ akop inem uwem afịd usen. 20Ke inuaatob amọ, abeeñe ebeeñe keed a-akekereke Lasọrọs amaatie, ndin inia amaafʌk anye afịd idem, 21anye amaanie udọñ adiikpidia mbeñe ndidia se ikiduọññọ ito akpokoro awo inie ado. Mme ewa ñko emaesididai mme inia ke idem amọ.
22 “Akekem koo, abeeñe ebeeñe ami amaakpa, ndin mme enyere emaeben anye ekenịm ke ikpanesịd Ebraham. Imọ awo amaanyʌñ adikpa, ndin emaebuuk anye. 23Ke abioekpo, ke itie a-anye akebaaha ke ufen, anye amaadịppe anyen akịt Ebraham ke anyan usʌñ ye Lasọrọs do ke ñkañ amọ. 24Anye amaabọọñ ate, ‘Ete Ebraham, ntua miin mbọm nyʌñ dọñ Lasọrọs adeep mmọọñ ke nnuun ubọk amọ adindeññe miin edeme, sia ami mba ke akpọsọñ ufen ke ikañ ami.’
25 “Ado Ebraham amaabọọrọ anye ate, ‘Yịn mmi, toiyo ke ayio uwem afo amaanie nti ñkpọ ke ini Lasọrọs akekịtte ukuud, ado idahami anye a-abọ idọñesịd, ado afo aba ke ndutʌhọ. 26Ke adidian do, ekamba ukpe i-ibakka ñnyịn ye afo, a-anamma mbon se iyem ito umi ñkaa udo ikanna, mbon se inyʌñ iyem ito udo ndi umi ikanna.’
27 “Imọ awo amaabọọrọ ate, ‘Mmukpeiye fiin ete, dọñ Lasọrọs aka ubon mmi, 28sia ami mmenie nditọeka ideen ition. Yak anye akedʌt ammọ utọñ, mbaak ammọ edinyʌñ edi utọ itie ndutʌhọ ami.’
29 “Ebraham amaabọọrọ, ‘Ammọ e-enie Moses ye mme Prọfed; yak ammọ ekpañ utọñ enọ mbon ndo.’
30 “ ‘Awo inie amaabo, Iyoo, Ete Ebraham, ado awo akpeto abioekpo akedọkkọ ammọ, eyaekappa esịd.’
31 “Ebraham amaabọọrọ, ‘Adieke ammọ miikpañña utọñ inọ Moses ye mme Prọfed, ammọ idiinịmme, akpọkọm awo abʌkkọ ke udi adika.’ ”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.