LEVITHOUC 20
20
Meicliammei tuang Dandi
1 Ringhpouc rui Mousi khou sa the, 2Isaraelmei guay khou kumna sa o: Isaraelmei pwni, nangniw khou khuam bammei zaatc baihmei pwni Molek rav ta kalum khang kanac nunc ta tii pui mei ta tei kandihmei rui ntauh kwamluai nina e. 3Kanac nunc ta Molek rav khang katna atuang kalummei pheykai ta swtanacpui mei khatni nthanmei azanc ta swtanacpui mei ta tei amei nunc khou rui swluai ganc puni. 4Kum e tiki kandihmei rui mi ta tei thouh swlou makna kata tei swluai makna ganclou pwsini 5ai rui mi kumhmeipu khatni kakai kaikhunc kapwm khatni akhou lwm nuh makmei swna Molek ta kathei layna kalum tatmei guay ruc khou taanv sw puni. Ai rui kaniw ta amei swna laalou dat lak khe.
6“Ravtow amuc kachuc tatmei nunc ta ai taanv sw puni, kumna amei pang khou rui laa ganc puni. 7Nangniw meic nunc khou rui langv baicna nthanna bam nina e, kalam thu Ringhpouc ai hei nangniw tuang Racguangc e. 8Atuang latdanv guay hei piu o, kalam thu ai hei Ringhpouc e kumna ai rui nangniw ta sw nthanlou the.”
9 Ringhpouc rui mi tuang latdanv hei ni tii e. Kapui kapu ta siangpui mei ta tei swluai nina e. Kamei theihmei tei katuang khuay de.#Tat 21.17; Met 15.4; Mrk 7.10
10Isaraelmei akhat rui Isaraelmei nchamc now khou nkhuailou e thei, nggaanvmei lev ntumei gaanv nei ta tei swluai nina e.#Tat 20.14; Lev 18.20; Ria 5.18 11Thowkumhmei rui kapu now ta nkhuailou e thei kamei kapu zaw sw kasic e, kumna nggaanvmei lev ntumei gaanv nei ta tei swluai nina e. Kaney theihmei tei kaney manv de.#Lev 18.8; Ria 22.30; 27.20 12Thowkumhmei rui kamauc ta nkhuailou e thei, kaney gaanv nei ta tei swluai nina e. Kaney tei mphuammei taanv taanc the, kumna kaney khuay zaeng rui kaney theic nina e.#Lev 18.15 13Nggaanvmei nchamc chanymei tuang taanv taanc e thei, kaney gaanv nei ta tei swluai nina e. Kaney theihmei tei kaney manv de.#Lev 18.22 14Thowkumhmei rui kapui kanac ta kaw e thei, kaniw rui meiczakmei tuang taanv tei taanhmei zaeng rui kaniw ta tei mai ntei luai nina e. Hei kumhmei tuang taanv hei nangniw pang khou taanh khang nuhlou lak nina e.#Lev 18.17; Ria 27.23 15Thowkumhmei rui khouringh ta ntu-nahlou e thei, mipu khatni khouringh ta tei swluai nina e.#Tat 22.19; Lev 18.23; Ria 27.21 16Ntumei akhat rui khouringh lev ntu-nah khang sw e thei mipui khatni khouringh ta tei swluai nina e. Kaniw theihmei hei kaniw manv de.
17Thowkumhmei rui katanpui ta kawna nreylou e thei, hei tei meiczakpui tuang di the. Hei zaeng rui kaney ta meic pang khou rui swluai ganc nina e. Theihmei dandi tei kamanv di the.#Lev 18.9; Ria 27.22 18Thowkumhmei rui bwchaeng tat bammei ntumei khou tatlou e thei kaney gaanv nei ta tei meic pang khou rui alay ganc nina e, kalam thu kariak khou nthan makmei taanv kaney taanc the.#Lev 18.19
19Thowkumhmei rui kaneic khatni kapui suanrey khou tatlou e thei mi mphuammei taanv taanhmei tuang dandi tei kaney ruc khou tikeylou nina e.#Lev 18.12-14 20Thowkumhmei rui kapu chana now lev zip kariulou e thei, kamei tei rui kapu chana ta tizaklou e, kumna mi tuang dandi tei kaney tunapuan maekna theic puni. 21Thowkumhmei rui kachana now ta kaw e thei, kaney nac maekna kaney tei theic puni. Kamei rui mphuammei taanv taancna kachana ta tizak the.#Lev 18.16
22 Ringhpouc rui sa the, “Ai rui nangniw ta phungc guanglou pw nimei Kanaan kandic hei rui nangniw ta ganc pat mak khang atuang latdanv guay tei nangniw ngaek go. 23Khoutei lungc bammei nunc thak tei layluaih riu; kaniw rui simei taanv taanhpui zaeng rui ai rui kaniw ta nthau ganhmei tuang e. 24Guaihnoudui lev nkhuaihdui rui luanghpui ramc tei ai rui nangniw khang tiilou puni the kumna kaniw tuang ramv tei nangniw tuang sw puni the. Ai hei Ringhpouc nangniw tuang Racguangc kandihmei zaatc azuh khou rui nangniw ta langv baicna kawpatloumeipu rui sa tuang the. 25Kumhpui zaeng rui nruay thauruay pwni khouringh khounah pwni nthanmei nthan makmei kakhakh kalangv naina lungc nina e. Nthan makmei nruayna khatni khouringh zanc tu nuh mak ge. Ai rui mi guay tei nthan makmei e twna kauc patlou kan the, kumna hei tei nangniw rui tu e thei nangniw nthan mak puni the. 26Nangniw hei nthan nina e khatni atuang na sw nina e, kalam thu ai hei Ringhpouc e khatni ai hei nthanmei e nangniw hei atuang na sw khang rui ai rui nangniw ta zaatc baih baihmei pang khou rui baicna kadah langc patloumei tuang the.
27“Thow pwni ravtow amuc kachucpui mei ta tei ntauh nkwam luai puni; hei kumhpui mei tei kamei theihmei tei kamanv de.”
Айни замон обунашуда:
LEVITHOUC 20: RONGBSI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 20
20
Meicliammei tuang Dandi
1 Ringhpouc rui Mousi khou sa the, 2Isaraelmei guay khou kumna sa o: Isaraelmei pwni, nangniw khou khuam bammei zaatc baihmei pwni Molek rav ta kalum khang kanac nunc ta tii pui mei ta tei kandihmei rui ntauh kwamluai nina e. 3Kanac nunc ta Molek rav khang katna atuang kalummei pheykai ta swtanacpui mei khatni nthanmei azanc ta swtanacpui mei ta tei amei nunc khou rui swluai ganc puni. 4Kum e tiki kandihmei rui mi ta tei thouh swlou makna kata tei swluai makna ganclou pwsini 5ai rui mi kumhmeipu khatni kakai kaikhunc kapwm khatni akhou lwm nuh makmei swna Molek ta kathei layna kalum tatmei guay ruc khou taanv sw puni. Ai rui kaniw ta amei swna laalou dat lak khe.
6“Ravtow amuc kachuc tatmei nunc ta ai taanv sw puni, kumna amei pang khou rui laa ganc puni. 7Nangniw meic nunc khou rui langv baicna nthanna bam nina e, kalam thu Ringhpouc ai hei nangniw tuang Racguangc e. 8Atuang latdanv guay hei piu o, kalam thu ai hei Ringhpouc e kumna ai rui nangniw ta sw nthanlou the.”
9 Ringhpouc rui mi tuang latdanv hei ni tii e. Kapui kapu ta siangpui mei ta tei swluai nina e. Kamei theihmei tei katuang khuay de.#Tat 21.17; Met 15.4; Mrk 7.10
10Isaraelmei akhat rui Isaraelmei nchamc now khou nkhuailou e thei, nggaanvmei lev ntumei gaanv nei ta tei swluai nina e.#Tat 20.14; Lev 18.20; Ria 5.18 11Thowkumhmei rui kapu now ta nkhuailou e thei kamei kapu zaw sw kasic e, kumna nggaanvmei lev ntumei gaanv nei ta tei swluai nina e. Kaney theihmei tei kaney manv de.#Lev 18.8; Ria 22.30; 27.20 12Thowkumhmei rui kamauc ta nkhuailou e thei, kaney gaanv nei ta tei swluai nina e. Kaney tei mphuammei taanv taanc the, kumna kaney khuay zaeng rui kaney theic nina e.#Lev 18.15 13Nggaanvmei nchamc chanymei tuang taanv taanc e thei, kaney gaanv nei ta tei swluai nina e. Kaney theihmei tei kaney manv de.#Lev 18.22 14Thowkumhmei rui kapui kanac ta kaw e thei, kaniw rui meiczakmei tuang taanv tei taanhmei zaeng rui kaniw ta tei mai ntei luai nina e. Hei kumhmei tuang taanv hei nangniw pang khou taanh khang nuhlou lak nina e.#Lev 18.17; Ria 27.23 15Thowkumhmei rui khouringh ta ntu-nahlou e thei, mipu khatni khouringh ta tei swluai nina e.#Tat 22.19; Lev 18.23; Ria 27.21 16Ntumei akhat rui khouringh lev ntu-nah khang sw e thei mipui khatni khouringh ta tei swluai nina e. Kaniw theihmei hei kaniw manv de.
17Thowkumhmei rui katanpui ta kawna nreylou e thei, hei tei meiczakpui tuang di the. Hei zaeng rui kaney ta meic pang khou rui swluai ganc nina e. Theihmei dandi tei kamanv di the.#Lev 18.9; Ria 27.22 18Thowkumhmei rui bwchaeng tat bammei ntumei khou tatlou e thei kaney gaanv nei ta tei meic pang khou rui alay ganc nina e, kalam thu kariak khou nthan makmei taanv kaney taanc the.#Lev 18.19
19Thowkumhmei rui kaneic khatni kapui suanrey khou tatlou e thei mi mphuammei taanv taanhmei tuang dandi tei kaney ruc khou tikeylou nina e.#Lev 18.12-14 20Thowkumhmei rui kapu chana now lev zip kariulou e thei, kamei tei rui kapu chana ta tizaklou e, kumna mi tuang dandi tei kaney tunapuan maekna theic puni. 21Thowkumhmei rui kachana now ta kaw e thei, kaney nac maekna kaney tei theic puni. Kamei rui mphuammei taanv taancna kachana ta tizak the.#Lev 18.16
22 Ringhpouc rui sa the, “Ai rui nangniw ta phungc guanglou pw nimei Kanaan kandic hei rui nangniw ta ganc pat mak khang atuang latdanv guay tei nangniw ngaek go. 23Khoutei lungc bammei nunc thak tei layluaih riu; kaniw rui simei taanv taanhpui zaeng rui ai rui kaniw ta nthau ganhmei tuang e. 24Guaihnoudui lev nkhuaihdui rui luanghpui ramc tei ai rui nangniw khang tiilou puni the kumna kaniw tuang ramv tei nangniw tuang sw puni the. Ai hei Ringhpouc nangniw tuang Racguangc kandihmei zaatc azuh khou rui nangniw ta langv baicna kawpatloumeipu rui sa tuang the. 25Kumhpui zaeng rui nruay thauruay pwni khouringh khounah pwni nthanmei nthan makmei kakhakh kalangv naina lungc nina e. Nthan makmei nruayna khatni khouringh zanc tu nuh mak ge. Ai rui mi guay tei nthan makmei e twna kauc patlou kan the, kumna hei tei nangniw rui tu e thei nangniw nthan mak puni the. 26Nangniw hei nthan nina e khatni atuang na sw nina e, kalam thu ai hei Ringhpouc e khatni ai hei nthanmei e nangniw hei atuang na sw khang rui ai rui nangniw ta zaatc baih baihmei pang khou rui baicna kadah langc patloumei tuang the.
27“Thow pwni ravtow amuc kachucpui mei ta tei ntauh nkwam luai puni; hei kumhpui mei tei kamei theihmei tei kamanv de.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.