LEVITHOUC 19
19
Nthanmei khatni Nchumhmei Riak Guay
1 Ringhpouc rui Mousi khou sa the, 2“Nangniw nthan o, kalam thu Ringhpouc ai hei nthanmei e” twna Isaraelmei kapwm khou sa o.#Lev 11.44,45; 1 Pi 1.16
3Nangniw meic kathuicna kapui kapu ta chakhwang sw nina e, khatni Sabbathneic ngaek nina e. Ai hei Ringhpouc nangniw tuang Racguangc e.#Tat 20.12; Ria 5.16; Tat 20.8; Ria 5.12
4“Ata ganclouna rav baihmei ta kalum riu; ntanh rui ravmaengh kasiamhna kalum riu. Ringhpouc ai hei nangniw tuang Racguangc e.#Lev 26.1; Tat 20.23; 34.17; Ria 27.25
5“Alamvpuatkat khaeng pwkhou ai rui nangniw khou tiilou kanmei kariak guay tei ngaekna khaeng o. Kum e thei ai rui laalou puni. 6Zanh tei khaengmei nungc tei hamh e thei nthuanh thauna tu nuh e. Zaeng neih thumhmei nungc nsaekcloumei zanc tei thu mai ntei nina e, 7Kalam thu hei tei nthan mak khe, kumna hei tei thowkumhmei rui tulou e thei mi puatkat tei ai laa dat lak khe. 8Hei tei tupui mei ta tei dandi tii puni, kalam thu Ravguangc tuang nthanmei puat ta swtanaclou e; mi kumhpui mei ta kiuc kamei pang khou rui alay ganc puni.
9“Nangniw lautaypui kaanc khou lautaengh tay tangh riu, khatni tay nsaekcloumei tei tay dat riu.#Lev 27.15; Ria 24.19-22 10Nangniw tuang drakhalau khou rei amucloumei tei rei dat ri tho, kandih khou kathyng keymei tei ni khuaic dat ri tho; hei tei lungcsi-lungcroucmei khatni gin nunc khang ganclou o. Ringhpouc ai hei nangniw tuang Racguangc e.
11“Kaihouh riu, meicguat riu, lat saraamh riu.#Tat 20.15; Ria 5.19; Tat 20.16; Ria 5.20 12Nangniw nkhuaimei khou azanc saancna latdyng sw riu; hei tei rui azanc sw kasic e. Ringhpouc hei nangniw tuang Racguangc e.#Tat 20.7; Ria 5.11; Met 5.33
13“Meickai ta guat riu khatni meickai tuang asut laa riu. Nangniw rui meic gaanv khat tuang zaengphy tei zingbangc akhat na sini lou zip riu.#Ria 24.14,15 14Kanu ndymei ta siang riu khatni miktiatmei hu khou kalanv nuhmei puat lou riu. Ata ping o; Ringhpouc ai hei nangniw tuang Racguangc e.#Ria 27.18
15“Nangniw latzan sw pwkhou lungning nthanna khatni nchumhna sw o; lungcsi lungcgay zaucna latzan sw riu.#Tat 23.6-8; Ria 16.19 16Kathuatcpui lat nangniw khat khat ta sa tat riu, kaigei kainingmei ta tikabiu nimei taanv khat sini taanh riu.
17“Meic gaanv khat ta zauczihna bam riu; kazaeng rui nang paapc khou keylou mak khang kamei lev lat gay dat ro.#Met 18.15 18Meic gaanv khat na ta sini khwm khangh riu, karaengna ni bam riu, tiki nang rana nang ta nzianmei kumcna nang kainingmei ta nzian o. Ai hei Ringhpouc e.#Met 5.43; 19.19; 22.39; Mrk 12.31; Luk 10.27; Rom 13.9; Gal 5.14; Jos 2.8
19“Atuang latdanv guay hei piu o. Khouringh kazaat baih baihmei ta tichakariu riu; laupuk akhat na khou phunling kazaat kanei lingc kariu riu. Langh kazaat kanei kariumei phey piu riu.#Ria 22.9-11
20“Meic gaanv khat rui kabangcpui ta meic gaanv khat now khang zuanclou khang lat luailouna kamanv tei tii mak khou nreylou e thei kaney lam khou zauc nthanna dandi thu tii puni tiki swluai nuh mak ge kalam thu mi pui ta nyng tiswlou mak-he. 21Mipu tei khuay khang khaeng khang lauziuchic akhat atuang kalummei pheykai kaimav khou phungc guang nina e. 22Kumna amuh tei rui kata sw nthanmei tuang thouh swlou e thei Ravguangc rui kapaap kuaklou dat puni.
23“Nangniw rui Kanaan kandic khou guangna tingthai pwanpiu lingclou e thei tingkwm kathumh nganv tuang thai guay tei thu nthan makmei e twna laa nina e. Mi ganv lungc khou tuang thai guay nangniw tu lak nina e. 24Padeihmei kwm tingthai guayna tei thuanckumei tuang puatkat swna Ringhpouc khou katlou nina e. 25Kumna panguhmei kwm tingthai tei tu nuh the. Nangniw rui mi hei piuna taanc e thei thingbang guay kathai nthai geic puni. Ai hei Ringhpouc nangniw tuang Racguangc e.
26“Zei naimei zanc tu nuh mak ge. Duaih-raengh ni sin nuh mak ge.#Tha 9.4; Lev 7.26,27; 17.10-14; Ria 12.16,23; 15.23; Ria 18.10 27Nangniw py rap kari duangc nuh mak ge, nangniw mwanghiw ni tiap nuh mak ge.#Lev 21.5; Ria 14.1 28Theic kanmei khang meic pumc khou hiak bammei khatni sw zamh bammei guay tei sw nuh mak ge. Ai hei Ringhpouc e.
29“Nangniw aluh nunc ta tei Isaraelmei tuang mangcsangmei nunc tisw riu; kumna sw e thei nangniw kandic khou mangcsangmei khatni kheiliak simei rui padik puni.#Ria 23.17 30Sabbathneic tei ngaek go, ata kalummei bamv ta tei chakhwang sw o. Ai hei Ringhpouc e.#Lev 26.2
31“Nangniw ravtow amuc ta kachuc tat nuh mak ge. Kachuc e thei nangniw mphuam puni. Ai hei Ringhpouc nangniw tuang Racguangc e.#Ria 18.11; 1 Sa 28.3; 2 Gu 23.4; Isa 8.19
32“Gaanvsuh gaanvthaih nunc ta chakhwang sw o. Ata ping o. Ai hei Ringhpouc e.
33“Nangniw tuang kandic khou lungc bammei zaatc baih baihmei nunc ta sina sw riu.#Tat 22.21; Ria 24.17,18; 27.19 34Nangniw chana punav Isaraelmei nchamc ta kumcna sw o, khatni nangniw khat khat ta nzianmei kumcna kaniw ta ni nzian o. Kalam thu nangniw Izip khou gin swna lungclou bam khwan e. Ai hei Ringhpouc nangniw tuang Racguangc e.
35“Kasaanv pwni, karith pwni, kasing pwni ndath pwkhou nchumh makna ndat riu.#Ria 25.13-16; Lkd 20.10; Eze 45.10 36Nchumhmei tuang duh, ndath ryan, khatni handuk sin sw o. Ai hei Ringhpouc nangniw tuang Racguangc e, kumna ai rui nangniw ta Izip khou rui phungc guangloumei tuang e. 37Atuang latdyn khatni latdanv guay tei piu o. Ai hei Ringhpouc e.”
Айни замон обунашуда:
LEVITHOUC 19: RONGBSI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 19
19
Nthanmei khatni Nchumhmei Riak Guay
1 Ringhpouc rui Mousi khou sa the, 2“Nangniw nthan o, kalam thu Ringhpouc ai hei nthanmei e” twna Isaraelmei kapwm khou sa o.#Lev 11.44,45; 1 Pi 1.16
3Nangniw meic kathuicna kapui kapu ta chakhwang sw nina e, khatni Sabbathneic ngaek nina e. Ai hei Ringhpouc nangniw tuang Racguangc e.#Tat 20.12; Ria 5.16; Tat 20.8; Ria 5.12
4“Ata ganclouna rav baihmei ta kalum riu; ntanh rui ravmaengh kasiamhna kalum riu. Ringhpouc ai hei nangniw tuang Racguangc e.#Lev 26.1; Tat 20.23; 34.17; Ria 27.25
5“Alamvpuatkat khaeng pwkhou ai rui nangniw khou tiilou kanmei kariak guay tei ngaekna khaeng o. Kum e thei ai rui laalou puni. 6Zanh tei khaengmei nungc tei hamh e thei nthuanh thauna tu nuh e. Zaeng neih thumhmei nungc nsaekcloumei zanc tei thu mai ntei nina e, 7Kalam thu hei tei nthan mak khe, kumna hei tei thowkumhmei rui tulou e thei mi puatkat tei ai laa dat lak khe. 8Hei tei tupui mei ta tei dandi tii puni, kalam thu Ravguangc tuang nthanmei puat ta swtanaclou e; mi kumhpui mei ta kiuc kamei pang khou rui alay ganc puni.
9“Nangniw lautaypui kaanc khou lautaengh tay tangh riu, khatni tay nsaekcloumei tei tay dat riu.#Lev 27.15; Ria 24.19-22 10Nangniw tuang drakhalau khou rei amucloumei tei rei dat ri tho, kandih khou kathyng keymei tei ni khuaic dat ri tho; hei tei lungcsi-lungcroucmei khatni gin nunc khang ganclou o. Ringhpouc ai hei nangniw tuang Racguangc e.
11“Kaihouh riu, meicguat riu, lat saraamh riu.#Tat 20.15; Ria 5.19; Tat 20.16; Ria 5.20 12Nangniw nkhuaimei khou azanc saancna latdyng sw riu; hei tei rui azanc sw kasic e. Ringhpouc hei nangniw tuang Racguangc e.#Tat 20.7; Ria 5.11; Met 5.33
13“Meickai ta guat riu khatni meickai tuang asut laa riu. Nangniw rui meic gaanv khat tuang zaengphy tei zingbangc akhat na sini lou zip riu.#Ria 24.14,15 14Kanu ndymei ta siang riu khatni miktiatmei hu khou kalanv nuhmei puat lou riu. Ata ping o; Ringhpouc ai hei nangniw tuang Racguangc e.#Ria 27.18
15“Nangniw latzan sw pwkhou lungning nthanna khatni nchumhna sw o; lungcsi lungcgay zaucna latzan sw riu.#Tat 23.6-8; Ria 16.19 16Kathuatcpui lat nangniw khat khat ta sa tat riu, kaigei kainingmei ta tikabiu nimei taanv khat sini taanh riu.
17“Meic gaanv khat ta zauczihna bam riu; kazaeng rui nang paapc khou keylou mak khang kamei lev lat gay dat ro.#Met 18.15 18Meic gaanv khat na ta sini khwm khangh riu, karaengna ni bam riu, tiki nang rana nang ta nzianmei kumcna nang kainingmei ta nzian o. Ai hei Ringhpouc e.#Met 5.43; 19.19; 22.39; Mrk 12.31; Luk 10.27; Rom 13.9; Gal 5.14; Jos 2.8
19“Atuang latdanv guay hei piu o. Khouringh kazaat baih baihmei ta tichakariu riu; laupuk akhat na khou phunling kazaat kanei lingc kariu riu. Langh kazaat kanei kariumei phey piu riu.#Ria 22.9-11
20“Meic gaanv khat rui kabangcpui ta meic gaanv khat now khang zuanclou khang lat luailouna kamanv tei tii mak khou nreylou e thei kaney lam khou zauc nthanna dandi thu tii puni tiki swluai nuh mak ge kalam thu mi pui ta nyng tiswlou mak-he. 21Mipu tei khuay khang khaeng khang lauziuchic akhat atuang kalummei pheykai kaimav khou phungc guang nina e. 22Kumna amuh tei rui kata sw nthanmei tuang thouh swlou e thei Ravguangc rui kapaap kuaklou dat puni.
23“Nangniw rui Kanaan kandic khou guangna tingthai pwanpiu lingclou e thei tingkwm kathumh nganv tuang thai guay tei thu nthan makmei e twna laa nina e. Mi ganv lungc khou tuang thai guay nangniw tu lak nina e. 24Padeihmei kwm tingthai guayna tei thuanckumei tuang puatkat swna Ringhpouc khou katlou nina e. 25Kumna panguhmei kwm tingthai tei tu nuh the. Nangniw rui mi hei piuna taanc e thei thingbang guay kathai nthai geic puni. Ai hei Ringhpouc nangniw tuang Racguangc e.
26“Zei naimei zanc tu nuh mak ge. Duaih-raengh ni sin nuh mak ge.#Tha 9.4; Lev 7.26,27; 17.10-14; Ria 12.16,23; 15.23; Ria 18.10 27Nangniw py rap kari duangc nuh mak ge, nangniw mwanghiw ni tiap nuh mak ge.#Lev 21.5; Ria 14.1 28Theic kanmei khang meic pumc khou hiak bammei khatni sw zamh bammei guay tei sw nuh mak ge. Ai hei Ringhpouc e.
29“Nangniw aluh nunc ta tei Isaraelmei tuang mangcsangmei nunc tisw riu; kumna sw e thei nangniw kandic khou mangcsangmei khatni kheiliak simei rui padik puni.#Ria 23.17 30Sabbathneic tei ngaek go, ata kalummei bamv ta tei chakhwang sw o. Ai hei Ringhpouc e.#Lev 26.2
31“Nangniw ravtow amuc ta kachuc tat nuh mak ge. Kachuc e thei nangniw mphuam puni. Ai hei Ringhpouc nangniw tuang Racguangc e.#Ria 18.11; 1 Sa 28.3; 2 Gu 23.4; Isa 8.19
32“Gaanvsuh gaanvthaih nunc ta chakhwang sw o. Ata ping o. Ai hei Ringhpouc e.
33“Nangniw tuang kandic khou lungc bammei zaatc baih baihmei nunc ta sina sw riu.#Tat 22.21; Ria 24.17,18; 27.19 34Nangniw chana punav Isaraelmei nchamc ta kumcna sw o, khatni nangniw khat khat ta nzianmei kumcna kaniw ta ni nzian o. Kalam thu nangniw Izip khou gin swna lungclou bam khwan e. Ai hei Ringhpouc nangniw tuang Racguangc e.
35“Kasaanv pwni, karith pwni, kasing pwni ndath pwkhou nchumh makna ndat riu.#Ria 25.13-16; Lkd 20.10; Eze 45.10 36Nchumhmei tuang duh, ndath ryan, khatni handuk sin sw o. Ai hei Ringhpouc nangniw tuang Racguangc e, kumna ai rui nangniw ta Izip khou rui phungc guangloumei tuang e. 37Atuang latdyn khatni latdanv guay tei piu o. Ai hei Ringhpouc e.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.