Sailm Dhaibhidh 64
64
Salm 64
1Tràth nì mi ùrnaigh riut, a Dhè,
thoir èisdeachd dhomh gu luath;
O eagal nàmhaid coimhead fòs,
gu tèaraint' m'anam truagh.
2O chomhairl' dhiamhair dhaoine daoi,
o ionnsaigh ghairbh faraon,
Luchd-dèanamh uilc is aingidheachd,
cuir falach orm gu caoin.
3An teanga fhèin do gheuraich iad,
mar chlaidheamh guineach geur;
Tha 'm bogh' air lagh, 's an saighdean deas,
's iad briathran searbh am bèil;
4Gun caitheadh iad an diamhaireachd
an neach sin foirfe tha;
Gu h‑obann tàid ga chaitheamh fòs,
gun eagal is gun sgàth.
5A' gabhail misnich tàid san olc,
's a labhairt tric le chèil'
Mu leagadh lìon an uaignidheas,
ag ràdh, Cò 'n tì don lèir?
6Gach olc do rannsaich iad a‑mach;
seadh rinn iad sgrùdadh geur,
An rùn a‑staigh 's ro‑dhomhain e,
's an cridhe mar an ceudn'.
7Ach saighead tilgidh orra Dia,
bhios guineach agus geur;
Grad-bhuailear agus lotar iad,
gan gortachadh gu lèir.
8Mar sin bheir iadsan orra fhèin
toradh an teang' gu grad:
Gach uile neach don lèir an dòigh
teichidh iad uap' am fad.
9Mòr-eagal bithidh air gach neach
is nochdaidh obair Dhè:
Oir bheirear leo gu glic fa‑near
an gnìomh ud a rinn e.
10Nì 'm fìrean aoibhneas mòr an Dia,
a' cur a dhòchais ann:
'S gach neach ga bheil an cridhe ceart
nì gàirdeachas nach gann.
Айни замон обунашуда:
Sailm Dhaibhidh 64: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.