Sailm Dhaibhidh 121
121
Salm 121
1Mo shùilean togam suas a‑chum
nam beann, on tig mo neart.
2On Dia rinn talamh agus nèamh,
tha m'fhurtachd uile teachd.
3Cha leig dod chois air chor air bith
gun sleamhnaich i gu bràth;
Tàmh-neul cha tig sin air an neach
's fear-coimhid ort a‑ghnàth.
4Feuch, air fear-coimhid Israeil,
cadal chan aom no suain:
5'S e Dia d'fhear-coimhid; 's e do sgàil
air do làimh dheis gu buan.
6A' ghrian cha bhuail i thu san là,
no ghealach fòs san oidhch'.
7Nì Dia do choimhead o gach olc;
nì d'anam dhìon a‑chaoidh.
8Do dhol a‑mach, 's do theachd a‑steach,
coimheadaidh Dia a‑ghnàth;
On aimsir seo a‑nis a th'ann,
's o sin a‑mach gu bràth.
Айни замон обунашуда:
Sailm Dhaibhidh 121: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.