Popular Bible Verses from Saunt Matthew 5

Паҳн кунед

Neither do men licht a can’le, an’ pit it aneath a bushel, but on a can’lestick, an’ it gieth licht unto a’ that are in the house. Let your licht sae shine afore men, that they may see your guid warks, an’ glorify your Father wha is in heaven.

Ye are the licht o’ the warld. A toun that is set on a hill canna be hidden.

Blesset are the pure in hairt: for they sall see God.

Blesset are they wha hunger an’ thirst after richteousness: for they sall be fillet.

But I say until you, Loe your enemies, bless thae wha ban you, do guid til thae wha hate you, an’ pray for thae wha spitefully use you, an’ persecute you.

Blesset are the puir in spirit: for theirs is the kingdom o’ heaven.

Blesset are the peace‐makers: for they sall be ca’d the childer o’ God.

Blesset are they wha murn: for they sall be comfortet.

Blesset are they wha are persecutet for richteousness’ sak’: for theirs is the kingdom o’ heaven.

Blesset are the mercifu’: for they sall obteen mercy.

Blesset are ye, whan men sall misca’ you, an’ persecute you, an’ sall say a’ kin’kind o’ evil agayne you fausely, for my sak’. Rejoice, an’ be unco glad; for meikle is your reward in heaven; for sae persecutet they the prophets wha were afore you.

Blesset are the meek: for they sall inherit the yirth.

Ye are the saut o’ the yirth; but gif the saut hath tint its savour, wharewi’ sall it be sautet? it is thance?-?furth guid for naething, but to be coost out, an’ to be trampet under fit o’ men.

Be ye therefore perfite, e’en as your Father wha is in heaven is perfite.

But let your converse be Ay, Ay; Na, Na; for whatsaever is mair nor thae cometh o’ evil.

Ye hae hear’t that it hath been said, An ee for an ee, an’ a tooth for a tooth: But I say until you, That ye dinna resent evil, but whasaever sall smite thee on thy richt cheek, turn til him the tither alsua.

An’ gif thy richt ee offen’ thee, pike it out, an’ cast it frae thee; for it is profitable for thee that ane o’ thy members sud perish, an’ no that thy hale body sud be coost intil hell. An’ gif thy richt han’ offen’ thee, cut it aff, an’ cast it frae thee: for it is profitable for thee that ane o’ thy members sud perish, an’ no that thy hale body sud be coost intil hell.