1
Mateus 5:15-16
The Bible in Sonsorolese
SOV
E tawol yalematara ebwe happuro lam eda itenango fari tapiye; bwa ebwe hädi eda itetahe uwawori räniyeri lam bwa labwe wele urutael marahara la mire niimwe. Ebwe weya sahü faülüri mena na welemi ra ebwe ttire imowael yalemat, bwa labwe käkäneni maho hara hau faülüüni lada hapingepinga Papami ra e mire weirengi.
Муқоиса
Mateus 5:15-16 омӯзед
2
Mateus 5:14
“Hau weya weledahi ifiri uruteri weidarop. E tawau süya bwa ebwe rulu wotawotara labwe faaülü wawo duhu.
Mateus 5:14 омӯзед
3
Mateus 5:8
La hafaiyemau marahara e faheya tipael, bwa iile ra labwe käkäne Dios.
Mateus 5:8 омӯзед
4
Mateus 5:6
La hafaiyemau marahara e taitei dewa ma faringörüngörüül bwa labwe faaülü na Dios e masariya, bwa Dios erau hariil uruteri na la masariye.
Mateus 5:6 омӯзед
5
Mateus 5:44
Nga ngaangu ibwe hauhemi bwa haubwe hamamaüül lei ranaromi nga hau sipesipe hataingehiil marahara la hairamahami
Mateus 5:44 омӯзед
6
Mateus 5:3
“La hafaiyemaü marahara la halofalofa tipael, bwa farüyael Farüyeri Weirengi!
Mateus 5:3 омӯзед
7
Mateus 5:9
La hafaiyemau marahara la faülü marüyörüya, bwa Dios ebwe fadöngüngeriil bwa iile wonour.
Mateus 5:9 омӯзед
8
Mateus 5:4
La hafaiyemau marahara la hasaüborü, bwa Dios ebwe hariil mahori faringörüngörüül!
Mateus 5:4 омӯзед
9
Mateus 5:10
La hafaiyemau marahara la iram bwa la faaülü na Dios e masariye, bwa farüyael Farüyeri Weirengi.
Mateus 5:10 омӯзед
10
Mateus 5:7
La hafaiyemau marahara la mäni fahöü, bwa Dios ebwe hariil mäni fahöü.
Mateus 5:7 омӯзед
11
Mateus 5:11-12
“Hau hafaiyemau ifiri na yalemat labwe hamamari hemi nga la rihemi nga la faülüüni yael doutongi titiromi bwanasahü na hami lei tabwei. Ebwe maho faringörüngörümi nga hau hapingeping, bwa tarapari hafaiyemau ra e mire bwa hataingehimi ma weirengi. Iyer na e faülü yael hairamael profeta hawe imowami.
Mateus 5:11-12 омӯзед
12
Mateus 5:5
La hafaiyemau marahara e tahitaro tipael, bwa labwe taliyael farüyeri yalemat!
Mateus 5:5 омӯзед
13
Mateus 5:13
“Hau weya soolo iyoloil urutael sawori weidarop. Nga sahü nga eda tawolaraho na tatiri soolo, ira nga e tawol yarar na dibwe faaülü bwa ebwe para tati. Nga erau tawol nifaar lada peitawau ihitam, yalemat lada dulu.
Mateus 5:13 омӯзед
14
Mateus 5:48
Hapaüpöüri na haubwe urut dewa ifiri maho eda weya Papami ra e mire weirengi ra e urut dewa ifiri maho.
Mateus 5:48 омӯзед
15
Mateus 5:37
Haubwe dölü söhü bwa ‘Üngö’ hale ‘Naweri’. Dew titiro ma idelaye mere ra e bwitoho ma ifiri diabolo.
Mateus 5:37 омӯзед
16
Mateus 5:38-39
“Hau da mori longolongo bwa la dölü bwa, ‘Maat parüyen maat, nga ngii parüyen ngii.’ Nga ngaangu ibwe hauhemi bwa ho tawai fahipeiye. Nga sahü nga yalemat e pilihi hurumalari tapamu, hobwe hariya bwa ebwe para pilihi layera hurusehiri.
Mateus 5:38-39 омӯзед
17
Mateus 5:29-30
Nga sahü nga hurumalari matamu na e faaülüho bwa hobwe raho ifiri tammaü, ho watihawau hoda peitaraho! E fäli maho ra ebwe taimire dew pitehiri wori yaloyalomu ma ifiri ra uruteri na podumu ebwe püngütiwo farüyeriyefi. Nga sahü nga hurumalari paumu re e faaülüho bwa hobwe tammaü, ho hädi hoda dopiya hoda peitaraho! E fäli maho ra ebwe taimire palüül pitehitehiri wori yaloyalomu ma ifiri ra uruteri na podumu ebwe bwitiwo farüyeriyefi.
Mateus 5:29-30 омӯзед
Асосӣ
Китоби Муқаддас
Нақшаҳо
Видео