Оятҳои маъмули Инҷил аз Romanos 14

Паҳн кунед

Daiñi, Diuxi tïanïi odami mai xu mos ipïrhiditai xi odami dagitoagi ïïmo kuadagai xiïpï ïïmo iidagai. Diuxi ipïrhidi xi sïïrhi óídakagi odami Diuxi buitapi dai sai iibhïxtakan taadakagi odami dai sai ïïgiditai Diuxi Ibhïadï biakana ïgai gïn bhai ïrhiaraga. Go maaxi bïïtarï tïanïi Diuxi odami tudu. Xorai podukai oidakagi Suxi Kristo bïïtarï maakimu bhai ïrhiaraga Diuxi dai odami kïï tuigakami dukai nïijadamu ïpï.

Diuxi bïïtarï óídaga aatïmï aidï. Dai xudu koiyagi aatïmï, Diuxi bïïtarï mumukui aatïmï ïpï. Ïgai tuidadï aatïmï kaxkïdï.

Kaxkïdï xibi tï gïr aaga iduñi ïïgi ixtumaxi gïr soiñana bai xioma óídakagi aatïmï gïr oigïdaitai aipakoga. Tï duñi ïïgi ix makïdï ïr soiñikagi ïpï xi bamioma gupurtudagi gïr buaboidaraga.

Kaxkïdï ka maiti gï agai xi bui ñokada aatïmï jaa buaboitudadami pokaititai sai mai kïï buayi. Gï agai bhaiyoma xi kïï gïr tïgito nïijadagi xi maiti ibuadagi aatïmï tomarhi ïmo ixtumaxi ix makïdï sobhidagi ïmoko gïr susukurhi bai ka mai kïïga oijada ïgai Suxi.

Diuxi ojadï adukai ikaiti, Aanï Diuxi aagai sai gia ïr buaboi sai bïïxi óídakami tootonakïdï gukiba agai gin buitapi. Bïïxkatai gin xadutuadamu ïgai tudu dai potïimu bïïxkatai óídakami buitapi sai aanï ïr Diuxi, ikaiti Diuxi ojadï. Daiñi, bïïxkatai aatïmï biakamu xi aagidagi Diuxi ix tuma dui aatïmï aidï.

Aapimï buaboitudadami Romïrï óídakami abïr kïïgakïrï nïijada jaa buaboitudadami ïpï tomaxi mai xii gubuakagi ïgai buaboidaradï kia. Maiti abïr bui ñokada ïgai aagiditai ix tumaxi ïr sïïrhi xi buadagi ïgai tudu xi ïpï ix tumaxi maiti gï agai xi ibuadagi.

Daiñi, aapi ix makïdï ïr pioñigadï Diuxi mai bia sïïrhikami xi potïiyagi sai ïmai ix makïdï ïr pioñigadï Diuxi ïpï mai kïï ibuayi. Mosïkaxi Diuxi bia sïïrhikami xi aagagi sa bhai kïï buayi pioñigadï. Dai Diuxi aagidamu gï pipioñi aidï sai ïr kïïga ibuadami ïgai. Kïïga ixtutuidikïi Gïr Nukadakami xi buadagi xi ïr kïï buadamikagi pipioñigadï kaxkïdï.