Оятҳои маъмули Инҷил аз Romanos 13

Паҳн кунед

Xibi abïr ïpïan dukai óídaka Suxi Kristo Gïr Nukadakami bhaiyoma. Daidi abïr mai tïgito ajiopada xi dukatai buadagi ix tumaxi gïn tanïi gïn ïkidadï tïgibudaga.

Gï agai xi gïn oigïdada aapimï aipakoga. Bia aapimï sïïrhikami tudu xi gïn oigïdadagi. Ïmo buatuldaragai dukami gobai aapimï gïn bïïtarï. Mosïkaxi gobai abïr buatuldaka xi oigïdadagi aapimï jaa. Ïma maaxi abïr gia mai buatuldaka. Daiñi, ix makïdï gaoigïadadagi kïïgakïrï ibuayi bïïxi ixtumaxi gïr tanïi Diuxi sïïrhikamigadïrï.

Bïïxi óídakami gï agai xi ïïgiadagi dudunukami. Diuxi dagito xi buiyagi ïgai gubukadagai kaxkïdï. Tomarhi ïmadutai go dudunukami mai ïïgi bipiatu sïïrhikami xi gatïanïdagi. Diuxi ïgai dai gamaakai.

Ïkioma mos tukamugan dukamikana gïr oidakaragai tami oidigi daama dïï xibi karhioga dibia Suxi Kristo dai gobai ïr ïmo xarhimodï gï dukami ka agai gïr bïïtarï. Kaxkïdï tudu gï agai xi maigobai dasagi aatïmï go oidakaragai ix makïdï ïr tukagi dukai, gïr ïkidadï oidakaragai tudu. Gobai gï agai xi ïmo baasaragai tukurakami dukai maigo dasagi aatïmï. Dai xibi gia gï agai xi gïr aadagi aatïmï go oidakaragai ix makïdï ïr tasïrï gï dukami, gïr utudui oidakaraga tudu. Gï agai xi bhïiyagi aatïmï gïr utudui oidakaraga ïpïan dukai go sandaru gï aadai yukuxi ix makïdï ïr kokodi bïïtarï xudu gakokoda agadagi ïgai.

Daiñi, ix makïdï gaoigïadadagi mai soi buididiña jaa. Kïïgakïrï ïïgidi ïgai bïï sudakami go sïïrhikami bhaiyoma.

Maakabïrai go dudunukami ïïgi ixtumaxi gïn ajïakagi ix maakiagi. Xi gïn ajïakagi xi aa namïidagi tuminxi abïr maaka gobai. Ïïgiadabïrai tudu xïïxkadï gïn tïanïdagi ïgai daidi abïr kïïga xadutuada ïpï.