Оятҳои маъмули Инҷил аз 1 Tomoteo 5

Паҳн кунед

Dïï gia xi ïmadutai go buaboitudadami mai nukadakagi ïïgi aaduñdï gobai itïiya ïrhidi sai ka dagito ïgai buaboidaradï dai bamioma galtuiga xi bhai go gaa ix makïdï mai buaboitudai. Dai bamioma ïr galtuigakami ïgai ix mai nukadakagi maamaradï dai dïïdïdï.

Daiñi Timoteo, maiti gï agai xi bhagaidadagi ïmo kïrhiodami xïïxkadï mai kïï buadagi ïgai. Gï agai bhaiyoma xi kïïga xadutudaitai maakadagi ñoki kïï bhai dukai ïpïandukai xi ïr gï ogakamudai. Dai podukai go utu iimïdami ïpï imakada aapi ñoki ïpïan dukai xi ïr gï xixïgikagi ïgai.

Gï agai xi kïïga xadutuadagi dai aa namïidadagi go buaboitudadami bhaitï gukamigadï ix makïdï kïïga ibuayi aaduindadï dai kïïgioma ix makïdï gamaakai ñoki dai gatïtïïgidi aatagi.

Daiñi, xïxkadï dasa agadagi aapi ïmo bhaitï kïakamigadï go buaboitudadami maiti gï agai xi toma xorai dasagi aapi. Gï agai ïpïgioma xi kïïga maatïkagi aapi ix tuiga ïgai. Daiñi, xi bhaitï kïakami dasagi aapi ïmo soimaaxi buadami gobai itïiya ïrhidi sai mai buamï ïrhidi aapi xi soimaaxi ibuadagi ïgai. Xi pobuadagi aapi uraban duñimu aapi soimaaxkamigadï dai maiti gï agai gobai. Gï agai bhaiyoma xi kïïga gï nukadakagi aapi dai mai urabagi go soimaaxi toma lïïchi.