Popular Bible Verses from MATEU 5

Паҳн кунед

Ñaan di ka taban ulamp nëjej ko ka kundëna; maa ka tsu di tsëpafi, din u fiets tsëko pa ban ci biki bëlieng di kato. Unk buts, ufac ind u fietsan tsi bañaan, pa bu ka win ngëwar ngi nduu ro ngi, bu këbëndan Asin ind nan cii di batsi.

Ind ci bukun ufac umundu. Përaasa pan ci pi tsi untunda yilatsa pëci pan beka pi.

Bu naak, ban ci biki bajënts ngëwaas, par bu kee win Nasien-batsi!

Bu naak, ban bonatsar biki bëmabal a ba lofëntsar bul, par bu kee suetsana!

Maa nji, man ja ind: Nda ŋalan babër ind, ndë ñaandar ban ci biki tsi përiat-riatan ind

“Bu naak, ban ci biki baranj tsi uwejats, par pësien batsi aci piic bukul!

Bë naak, ban ci biki batsu pëjoabuts tsi bañaan, par bu kee ru jakaa babuk Nasien-batsi!

Bu naak, ban ci biki tsi rug, par bu kee raaca!

Bë naak, ban ci biki tsi përeata undo bëmabal, par pësien batsi aci píic bukul!

Bu naak, ban ci biki bayëk-ipës, par bu kee yëkara ipës!

Nda naak, uwal wi bañaan këkar ind wi, a bu këreat ind, a bu këjaar ind ngëko pëkalam, tsi undo nji! Nda lílani, ndë kita, par bëluk ind a ci bëwiak di batsi; par unk di ba reat dun bayëlia ba yëri ind biki bërun.

Bu naak, ban ci biki bajuab-ngëwaas, par bu kee rukanda umundu!

Ind ci bukun pënam umundu. Maa uci pënam katse tap, we ka kakanaan wun pul pa tap? Katse ka bëkat; aruka ci pul pëgutsara utsand, bañaan këpoos pul.

Bi u ci bank, nda ciin ban ba biki pëci bawar, bi Asin ind nan cii di batsi ci bi nan bai pëci nawar.

Uci ee-e kë ja ee-e uci aa-a kë ja aa-a, u laka wi tsul apënë-ni tsi na pëkaalam.

Nda te u jaka: ‘Pëkës ka lukëna pëkës, a përumaj kë lukëna përumaj.’ Maa nji, man ja ind: Ind tsë lukan pëkaalam; uci ñaan kobu tsi kambakats kariir, kaŋaniul kacints kun buts

Uci pëkësu përíl kë tsuu a kë juban, kuatësi pul kë guts pul pa lawanu; par amat pëjakaa m ranj kaŋí uliafu kaloole, ni pëjakaa uliafu bëlieng agutsa di nfeernu. Uci kañanu kariir kë tsuu a kë juban, falan kul kë guts kul ka lawanu, par amat pëjakaa m ranj kaŋí uliafu kaloole, ni pëjakaa uliafu bëlieng atsëp nfeernu.