Оятҳои маъмули Инҷил аз Mateu 5

Паҳн кунед

Antu hawutohetshaka tala, ku dikitsha la tshina dia kidundia, keli watudikitshaka ladiku dia ekitshelu ka tala. Usasi adio atohetelaka antu tshe weli lu luudu. Okone usasi anyu ahete la ntundu ka antu, dia vo kaweyi etsha anyu wʼololo, kawutumbuli Shenyu le lʼulungu.

Yanyi ya wa la kete mbenyu. Haweyi mbishe usumba weli ladiku dia dikuna.

Wane weli la etema wa pudipudi, weko la otshoko, ne dia vo wayena Unyashungu.

Wane weli la ndjala la pusa ka akambu wʼololo weli la otshoko, ne dia vo wayulutshama.

Keli dimi lambunyutela ndi: Nyulangi atunyi anyu, nyolombele wane watunyusuyaka.

Wane weli la wula lʼetema, weko la otshoko, ne dia diulelu dia lʼulungu dieli diawo.

Waelundja antu weko la otshoko, ne dia vo wayuwaeta vati: Ana wa Unyashungu.

Wane watulelaka, weko la otshoko, ne dia vo wayusambama.

Wane wambusuyama dia akambu wʼololo, weko la otshoko, ne dia diulelu dia lʼulungu dieli diawo.

Wane wukana ketshi, weko la otshoko, ne dia vo wayuwauka ketshi.

Lamʼayuwunyotenga, lamʼayuwunyusuya, lamʼayuwunyumamanyia wehu tshe wʼakambu wa kolo dia dikambu diami, nyeko la otshoko. Nyongenengene nyutamanya ngenangena, ne dia difutu dianyu dieko efula lʼulungu, ne dia wakasuya amvutshi waki la ntundu kanyu wuhu ako.

Wane weli la memakana, weko la otshoko, ne dia vo wayukita kete.

Leho la la kete mbenyu. Keli naka leho lambusuwo, ukundi ayuluyala mpe ntu? Lo lambuyala anyanya, wayulukadja, wayulukamela lʼekulu wʼantu.

Okone nyuyali ololo tshe, uku weli Shenyu le lʼulungu ololo tshe.

Keli diui dianyu diayali: Elu; kana Kema. Diui tshe diahema ladiku dia aui aso dieli uma le kanga kolo.

Nyu nyakuki diui diakawati vati: Su la su, nu la nu. Keli dimi lambunyutela ndi: Tanyulemanyaki la untu a kolo. Keli naka untu ambukokomola lu tama dia lunya la pami, kuwingisweli ndu tama dikina.

Naka su diaye dia lupami diambukutakanya, udikhunduli, udikadja. Ne dia nshisha leke otoi lʼuma lu dimba ndeka mbikadjema lʼtundu aye tshe lu luwinga la dja ololo. Naka lunya laye la lupami lambukutakanya, uluhimbuli, ulukadja. Dia nshisha leke otoi lʼuma lu dimba ndeka mbikadjema lʼutundu aye tshe lu luwinga la dja ololo.