Popular Bible Verses from ROMMEI 8

Паҳн кунед

Ravguangc rui kata nzianmei, kamei rui ningmei thei layna kawloumei guay khang ramh lam guayna khou gay khang swlou e twmei aniu thay e.

Kamei rui nzianmei khou rui aniu ta ramhkhat na rui sini sw ntamv dat ngam mak khe twmei ai nthanna thay e: theihmei rui ni, ringhmei rui ni; kauh baanchara rui ni, tingkauh kaipouc nunc rui ni; ntaw pat bammei rui ni, guang punimei rui ni; kauh thangc kandic rui ni, kabangc thangc kandic rui ni; damcloumei puat akhat na rui sini aniu ta aniu Poubauhmei Khrista Jisu paan rui Ravguangc rui aniu ta nzianlou khwanmei ramzian khou rui sw ntamv dat ngam mak khe.

Aniu heidikamv suan tipui zaeng rui, mi hei kumcna Bumaengh rui aniu ta guang nkhavlou the. Aniu akumhna huayney nina cho twmei thay mak tipui zaeng rui, Bumaengh tei rui lat swna sa pat ngam makpui nganvna kahui kasingna aniu khang huayneylou bam e.

Mi kum e thei, mi kumc bammei khou hei aniu akumhna sa kho cho? Ravguangc rui aniu biak liangc bam e thei thow rui aniu ta ngam dat ni thena cho?

Ntaw thu, Khrista khou bammei nunc ruc khou thu latzan nai dat mak khe.

Meic pumc rui sinswmei thai thu theihmei e; tiki Bumaengh rui sinswmei thai thu ringhmei khatni chuzaenghmei e.

mi guay hei ariw bam sini, aniu ta nzianlou khwanmei kapaan rui aniu hei rihngammei nunc suangc sini ngammei nunc e.

Ntaw aniu ryanramei ariw bammei hei thu aniu khang tii punimei hymdaihmei tei lev kida khang biuhpui tuang hamh e twmei ai chak ge.

Kum e thei, Khrista rui nzianmei khou rui aniu ta tabui rui sw ntamv dat ngam nina cho? Ryanra ryanriumei rui ny, rairiumei rui ny, nkow ndaapcmei rui ny, lungcsimei rui ny, theic suhmei rui ny?

Nthanmei nunc khang Ravguangc ningmei khou huayney bammei Bumaengc tuang lungning khou naimei guay tei aniu lungning thaymei Racguangc rui thay e.

Ravguangc Bumaengc rui zayloupui thei layna lungc bammei guay tei Ravguangc nac nunc e.

Meic pumc rui zaymei thei layna lungc bammei nunc tei, meic pumc rui kahawmei tei rui kaniw lungning tei sinsw the. Bumaengh Nthanmei rui zaymei thei layna lungc bammei nunc tei Bumaengh rui kahawmei tei rui kaniw lungning tei sinsw the.

KaNac Mpouh kahak ta daeklou makna aniu khang tii pat the! KaNac Mpouh tiipatmeipu kamei rui ramh guayna tii pw lak nah cho?

Ravguangc Bumaengc rui aniu tuang bumaengc khou aniu hei Ravguangc nac nunc di the twna sa the. Aniu hei Ravguangc nac nunc e thei, kamei rui kanac nunc khang chamdaanvloumei tei laa nimei nunc the. Hei tei Khrista lev laa nchamc nimei nunc the. Kalam thu aniu Khrista lev ryanramei dam phungc nchamc e thei, katuang hymdaihmei dam laa nchamc puni.

Meic pumc tuang khou tei kalungning loupui mei tei thu Ravguangc ta zauczihpui mei e; tabuicho tiki kamei Ravguangc tuang riakdanv tei piu mak ge; kalam thu kamei piu ngam mak ge.

Ravguangc rui kanac nunc ta ndauh patlou nimei ta tei damcloumei ravsyam katana rui tarina nkhwan bam e.

Kalam thu damcloumei mbaanv hei meicpui naruimei kumcna, aseic nganvna kalangh kahymna bam e twmei aniu thay e.