Popular Bible Verses from Makko 6

Паҳн кунед

N'abagamba nti, “ Mujje mmwe mwekka kyama mu kifo eteri bantu muwummuleko katono.” Kubanga waaliwo abantu bangi abali bajja gyebali nga n'abalala bagenda, ne babulwa n'akaseera ak'okuliiramu ku mmere.

Yesu n'abagamba nti, “Nnabbi tabulwa kitiibwa wabula mu nsi ye waabwe, ne mu kika kye, ne mu nnyumba ye.”

Awo Yesu bwe yava mu lyato n'alaba ebibiina bingi, n'abasaasira, kubanga baali ng'endiga ezitalina musumba, n'atandika okubayigiriza ebintu bingi.

Era teyakolerayo ky'amagero kyonna, okuggyako okussa emikono gye ku balwadde batono, n'abawonya. Ne yeewuunya olw'obutakkiriza bwabwe. Awo n'agenda nga ayigiriza mu byalo ebiriraanyeewo.

N'akwata emigaati etaano n'ebyennyanja ebibiri, n'atunula waggulu, ne yeebaza, n'amenyamu emigaati, n'awa abayigirizwa be bagisse mu maaso ga bali; n'ebyennyanja bibiri n'abigabira bonna. Ne balya bonna ne bakkuta. Ne bakuŋŋaanya obukunkumuka bw'emigaati n'obw'ebyennyanja ne bujjuza ebibbo kkumi na bibiri (12).