Bakabona abakulu ne bakuŋŋaana wamu n'abakadde, ne bateesa wamu, ne bawa abasserikale effeeza nnyingi, ne babagamba nti, “Mugambanga nti, ‘Abayigirizwa be bajja ekiro, ne bamubba ffe nga twebase.’ Naye ekigambo kino bwe kiribuulirwa owessaza, ffe tulimuwooyawooya, nammwe tulibaggyako omusango.” Abakuumi ne batwala ensimbi, ne bakola nga bwe baabagamba; ekigambo kino ne kibuna mu Bayudaaya, n'okutuusa leero.