Popular Bible Verses from لوقا ۹

Паҳн кунед

عیسی بأزین همه‌تأنٚ اوشأنَ بفرمأسته: «اگه کسی خوأیه مرَ پیروی بوکونه، وأستی خورَه اینکار بوکونه و همه‌تأ روزأن خو صلیبَ اوسأنه و می دونبأل بأیه.

چره کی هر کی بخوأیه خو جانَ نجات بده، اونَ جٚه دس دهه؛ ولی هر کی می وأسی خو جانَ فده، اونَ نجات دهه.

عیسی اونٚ‌ره بفرمأسته: «کسی کی زیمینَ شخم زِئن دره بخوأیه خو پشتٚ سرَ نیگاه بوکونه، خودا پادشایی لایق نی‌یه.»

اینسأنٚ رِه چی فایده دأره کی تومامٚ دونیا اونٚ شین ببه، بأزین خو جانَ جٚه دس بده؟

هر کی اَ دونیا میأنی مرَ و می تعلیمَ عار بدأره، منم وختی کی می جلال و می پئر و موقدّسٚ فرشته‌یأنٚ جلالٚ اَمرأ وأگردم اَ دونیا، اونٚ جأ عار دأرم.

عیسی اونَ جواب بده: «روباه‌یأن لانه و پرنده‌یأن لانه دأریدی، امّا اینسأنٚ پسر جایی نأره تا خو سرَ خوفتنٚ رِه بنَه.»

و اوشأنٚ رِه بفرمأسته: «هر کی اَ زأکَ می نامٚ وأسی قوبیل بوکونه، مرَ قوبیل بوکوده و هر کی مرَ قوبیل دأره، اونی‌یَ کی مرَ اوسه کوده قوبیل دأره. شیمی میأن او کسی همه‌تأنٚ جأ پیله‌تره کی خورَه کوجه‌دأنه‌تر بدأنه.»