Popular Bible Verses from لوقا ۱۰

Паҳн кунед

من شمرَ قوّت فدَم کی لنتی‌یأنی کی سمی ایسیدی و عقربأن و تومامی‌یٚ دشمنٚ قوّتَ شیمی پا جیر لقد بزنید و هیچی نتأنه شمرَ آسیب برسأنه.

عیسایٚ خوداوند مارتایَ بوگفته: «مارتا جان، مارتا جان، تو همه چیزٚ وأسی پریشأن و ناراحتی. فقط ایتأ چیز ایسه کی اهمیت دأره. مریم هونَ اینتخاب بوکوده و منم نخوأیم اونٚ جأ فیگیفته ببه.»

اون جواب بدَه: «بینیویشته بوبوسته: ‹خوداوند، تی خودایَ تومامٚ تی دیل و تومامٚ تی جان و تومامٚ تی قوّت و تومامٚ تی فیکرٚ اَمرأ موحبت بوکون› و ‹تی همساده‌یَ تی جانٚ مأنستن موحبت بوکون.›»

قبلٚ اَنکی شاگردأن بیشید، عیسی اوشأنٚ رِه ایتأ مٚثٚل بزه: «محصول فراوانه ولی کارگر کم؛ شومأن وأستی صاب محصولٚ جأ بخوأیید کی کارگرأنٚ ویشتری محصولٚ جم کودنٚ‌ره اوسه کونه.

عیسی وأورسه: «تی نظر چیسه؟ او سه نفرٚ میأن، او مردأکی رِه کی راهزنأنٚ دس دکفته کویتأ همساده بحیساب اَیه؟» او عالم وأگردسته بوگفته: «او کسی کی اونٚ دیل او مردأکٚ‌ره بوسوخته.» عیسی بفرمأسته: «پس بوشو، اونٚ مأنستن رفتار بوکون.»

بیشید! وأ بدأنید کی من شمرَ برّه‌یأنٚ مأنستن، گرگأنٚ دورون اوسه کودن درم.