బలం మరియు ధైర్యంతో జీవించండినమూనా

“మీరు ఎన్నడూ ఒంటరి కాదు”

జీవితంలో ఎత్తుపల్లాలు, ఆనందం మరియు సవాలు, వాగ్దానాలు మరియు సందేహాలతో కలగలిసి వస్తూ పోతూ ఉంటాయని చెబుతుంటారు. జీవితం నేరుగా పైకి ఎక్కిపోయేవిధంగా ఉండదు; కొండలు లోయలతో కూడిన ప్రయాణం అది. అందరూ, విశ్వాసులు మరియు ఆవిశ్వాసులు ఒకేవిధంగా, జీవితంలోని ఎత్తుపల్లాల గుండా ప్రయాణిస్తారు.

కానీ క్రైస్తవులముగా, జీవితంలోని లోయలను ఒంటరిగా ఎదుర్కోవలసిన అవసరం ఉండదని దేవుడు అద్భుతమైన వాగ్దానం చేస్తున్నాడు. ఆయన ప్రోత్సాహకరమైన మాటలు చూడండి:

“భయపడకుడి, వారిని చూచి దిగులుపడకుడి, నీతోకూడ వచ్చువాడు నీ దేవుడైన యెహోవాయే; ఆయన నిన్ను విడువడు నిన్నెడబాయడు.” ద్వితీయోపదేశకాండము 31:6

సవాలు మరియు విజయముతో కూడిన కాలములో కూడా దేవుని సన్నిధి అవసరం అనేమాట సత్యం. దేవుడు మనతో ఉన్నాడని తెలుసుకోవడం ద్వారా, మన జీవితంలోని ప్రతి సవాలును నిరాశలోనికి దిగజారిపోతున్నట్లు కాకుండా విజయానికి మెట్ల వలె ఎదుర్కోవచ్చు.

ఏ పర్వతం లేదా లోయ దేవుడు మనల్ని కలుసుకోలేనంత ఎత్తైనది లేదా లోతైనది కాదు. పరిస్థితులు ఎలా ఉన్నప్పటికీ, దేవుడు నమ్మదగినవాడు, మరియు ఆయన మనతో ఎల్లప్పుడూ ఉంటాడు!