MATIUS 18
18
Osoi sotopot no maatang?
(Mrk. 9:33-37; Luk. 9:46-48)
1 #
Luk. 22:24
Paat ragili maamaya'-maamaya' ri Jisus riminatong am pangkuot Riso, “Osoi maatang toojo ra gino ngai' ru ulun ri Aki Kapuuno'?”
2Nampiau boo i Jisus ra sangulun lalaing am susubo' no migor ra tatanga' nilono. 3#Mrk. 10:15; Luk. 18:17Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'. 4Ulun ondo' minggana' guang am sumauk koson ra lalaing ti, io maatang toojo ra ulun ri Aki Kapuuno'. 5Osoi ayuk mangapu ra lalaing ti sabap ra mangintopot io Raki', Aku niayuk apuon no.”
Baal ondo' mangkinibit ra tula
(Mrk. 9:42-48; Luk. 17:1-2)
6“Osoi ayuk magibit ra ulun ondo' mangintopot Raki' koson ra lalaing ti, tumalikur Raki', moonsoi pabangkilo' batu maayo ra liog ru ulun no am papatiro' io ra tatanga' ru raat malandom no. 7Aibui boo ra ulun ru tana' ti ondo' mangkinibit ra ulun makatula. Baal raginio masalok masauk, kaa' mumpara' boo usung ru ulun ra mambaal no!
8 #
Mat. 5:30
“Amon ru kalindu' kapoam kalayam mangkinibit rirun ra tula, pungguo' am patiri'! Moonsoi makaliman kou ra kaayagan ri Aki Kapuuno' ra sakalinduan kapoam sangkalayaman ayuk, intor ra karuruo kalindu' am kalayam ti mangkinibit rirun patirin ra apui naraka. 9#Mat. 5:29Amon ru mato muno mangkinibit rirun makatula, kuolo' am patiri'. Moonsoi makaliman kou ra kaayagan ri Aki Kapuuno' ra samataan ayuk, intor karuruo mato muno mangkinibit rirun patirin ra apui naraka.”
Abig ra domba timinanggau
(Luk. 15:3-7)
10“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'.
[11#Luk. 19:10Sabap ra Anak ru Ulun minatong mamayag ra ulun timinanggau.]#Kukula' naskhah nakalair mamparuang ra ayat ragitio (Ilai' Lukas 19:10).
12“Amon ru sangulun mokoondo' maatus ngainan domba am sanginan intor ra maatus ni natatak, atan boo alapon ru tatangan ra domba ti? Sala' ka kia tatangon no siam ngoopor am siam domba no mongkotop ra bulur am ongoi uyumo' sanginan i. 13Balain takamin: Paat ra nakito no saguli' sanginan ti, maringkuanang io toojo ra sanginan i, intor ra siam ngoopor am siam ondo' kalo timinanggau. 14Koson niayuk ra Ama' min#Ama' min; Kukula' naskhah nakalair: Ama' Kuno. ra suruga' kalo masaga' ra sangulun intor ra ngaangai' ondo' mangintopot Raki' ti koson ra lalaing tumanggau.”
Amon ru sangulun ondo' mangintopot ri Jisus makatula rirun
15 #
Luk. 17:3
“Amon ru sangulun ondo' mangintopot Raki' makatula rirun,#Kukula' naskhah nakalair kolondo': rirun. tuumo' am balai' sala nano ra akau ayuk ruo. Amon ru mangkirongog io rirun, naalap mu io ti saguli'. 16#Sag. 19:15Kaa' amon ru kalo mangkirongog io rirun, pagibit no sangulun rangan kapoam ruo poyo. Sabap ra mokoondo' tinulisan ra Buuk Kitab: ‘Amon ru kalo rongogon kou, pagibit no ruo kapoam talu ngaulun sasi' mambala' riso.’ 17Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”
Ondo' sawayon am ondo' iowon
18 #
Mat. 16:19; Jua. 20:23 “Balain takamin: Atan ayuk sawayon min ra tana' ti, sawayon niayuk ra suruga'. Atan ayuk iowon min ra tana' ti, iowon niayuk ra suruga'.
19“Karaa' min niayuk: Amon ru mokoondo' ruo ngaulun intor ramuyun rumondo' guang makiasi' ra atan ayuk, pakiasian nilo ti saukon ru Ama' Kuno giu' ra suruga'. 20Amon ru ruo kapoam talu ngaulun tumimung ralalom inggalan Kuno, soroi Aku ra tatanga' nilono.”
Abig ra ulipon ondo' kalo masaga' mangampun ra bokon
21 #
Luk. 17:3-4
Paat ra sangarawan ratong i Pitrus ri Jisus am pangkuot, “Tuhan, amon ru rangan kuno makatula raki', saboi ingkula' aku mangampun riso? Saboi intulu' kia?”
22 #
Kas. 4:24
Taam i Jisus, “Kalo, sala' ka intulu' ayuk, kaa' intulu' ngoopor intulu'.#intulu' ngoopor intulu'; kapoam: intulu' ngoopor am tulu'. 23Sabap ra paat ri Aki Kapuuno' mamarinta, baal no koson ragitio: Mokoondo' sangulun raja' manalasai ra ira' ru ulipon-ulipon nali. 24Paat ra raja' ti tumalimpuun manguntob, paumaa' riso sangulun ulipon ondo' ira' nati masuang kaga'. 25Kaa' kalo boo mabayaran no saguli'. Ginio ra, raja' ti manusub patalanin no ulipon ti mabaya' ra anak, andu' am niayuk ngaangai' rapu' nano. Ruit ra naalap intor raginio boo papusoon ra ira' ti. 26Pokorongog ayuk ulipon ra ragu ru raja' ni, igulatur io am indagu, ‘Tuan, anii' aku poyo ra kaluagan. Bayarin ku ngaangai' ira' kuli.’ 27Raja' ti pana makaasi' boo ra ulipon ti am minindagu riso, ‘Kalo pana bayarin mu ira' muli.’
28“Paat ra ulipon ti nakaingkual, pakauma' io ra rangan nano ondo' ulipon niayuk, ondo' ira' nano riso kukula' ngaatus ayuk. Rokopo' no rangan nati am sikako', am indagu, ‘Bayari' ngaangai' ira' muli raki'!’ 29Rangan nati pana igulatur boo am indagu, ‘Anii' aku poyo ra kaluagan. Bayarin ku ngaangai' ira' kuli.’ 30Kaa' kalo rinongog no ragu ru rangan nali. Kaa' ongoyo' no poyo pasubolo' rangan nakaira' riso ti ra pangaputan saboi mabayaran no ira' nali. 31Paat ra ulipon-ulipon ra bokon no nakakito, makaasi' ilo am pabalaa' nilo ra raja'. 32Piawo' ru raja' ulipon malaat i am indagu, ‘Okou ulipon ra malaat! Ngaangai' ira' muli kalo pabayarin sabap ra makaasi' aku rirun. 33Sala' ka kia makaasi' kou niayuk ra rangan muno koson ra aku nakaasi' rirun?’ 34Raja' ti siminangit kaga', am ulipon ra malaat i pasubolo' boo ra pangaputan saboi makai' no kabayari' ira' nano.”
35Pupus ra tunung, indagu poyo i Jisus, “I Ama' ra suruga' mambaal niayuk ramuyun koson raginio amon ru kalo masaga' kau mangampun ra rangan mino.”
Hakcipta © Bible Society of Malaysia, 2013.