Lomɛ́ŋ 16
16
Imbíkélie
1Ɔ́nukɔ́l kisikɛl no Foebe, andimán waasɔ́ waankáandɔ́, eŋelípusɔ́m u ɔlɔŋ ú peétépí ú Sensé. 2Ónukólí wɔ́ ɛ́ kisiɛ́n kí Ɔkɔ́n á nunamá nú peétépí, ɔ́nuɔkɔ́nɔ́kɔ́n wɔ́ á puandá kitikit ukaányípian insaná naanɔ́. Á kiákí ɛ́ɛ́ wɔɔ́kɔ́lɔn kisikɛl nɛ pɛɛnd táásɛ, naamɛ niŋúɛ muɛ́t. 3Énupíkélítí Piliska na Akiláas, pekúlíkuli páámɛ é Yésus Kilíis: 4Pɛ́mɛɛlɛ́ pááyɛn kusɔ́t kúɔ́p ɛ́ kuɛlɛɛ́ pámambá kunyáŋɛk kúámɛ; Indipá niŋúɛ eŋényí yeekenyée pɔ́ ilémbie, ilɔŋ sí peétépí pátiányípá Pɛyúútɛn sí piɛ́nɛɛ́n kitikit kɔ́kɔ́ɔ́p. 5Énupíkélítí ɔlɔŋ ú peétépí úlumenené kuɔ́pɔ́. Énumbíkélítínyí iŋɔyɔ yaamɛ Epenete, umaápá ukutúan á kuátap Kilíise Asi. 6Énupíkélítí Maliɛ uméépíékí muyu táásɛ káánɔ́ ó pusíó. 7Énupíkélítí Antonikuse ne Yunias, pepíényí páámɛ ne pekúlíkuli páámɛ á kiansi kí imbíne. Pányɛ piandákáand pí petúmí, pámaátúán kisíósíó káámɛ é Kilíis. 8Énupíkélítí Ampilatuse, niɔy níámɛ kɔ́ Ɔkɔ́n. 9Énupíkélítí Ilibɛŋɛ, ekúlíkuli waamɛ u puólí é Kilíis, ne ekúlam Sitasi. 10Énupíkélítí Epelɛ, umeétíínyí pulinsí púɛ́yɛ́ é Kilíis. Énupíkélítí pɛɛnd pá kiansi kí Alistopul. 11Énupíkélítí Elotiɔŋɛ, epíényí waamɛ. Énupíkélítí pɛɛnd pɔ́ɔ́pinɔnɛ́ɛ Ɔkɔ́n pɛ́nyɛɛ́ á kiansi kí Nalasis. 12Énupíkélítí Tilifɛnɛ na Tilifɔs, pɔ́mɔɔ́kɔ́l muyu kɔ́ Ɔkɔ́n. Énupíkélítí andimán áámɛ Pelesise, uméépíékí muyu táásɛ kɔ́ Ɔkɔ́n. 13Énupíkélítí Lufuse, waayúúnánɛ́ɛ kɔ́ Ɔkɔ́n no yóótí, unyɛɛ́ waamɛ kákáámɛ. 14Énupíkélítí Asikilite, Filekɔŋɛ, Ɛlɛmɛsɛ, Patolopasɛ, Alɛmasɛ na paandimán páásɔ́ pɛ́nyɛɛ́ nɔɔpɔ́. 15Énupíkélítí Filoloke ne Suli, Nele na andimán wɛɛyɛ́ waakáandɔ́, Oliimipasɛ ne pifúmak kitikit pinyɛɛ́ nɔɔpɔ́. 16Énupíkélínyíkélínyí panúɛ na panúɛ nukɔ́linɔn pisas. Ilɔŋ sí peétépí kitikit sí Kilíis ménupíkélíti.
17Yaánúfáan insúŋɛ ɛ́ɛ́ paandimán, núpíkeŋenyesi epé páákanɛ́ nusalasala ne kipuéŋítényí pápínyáŋa iŋónyítónyí numaápiá; Ánuyuúkánɛn pɔ́ kaáyɛ́ɛ. 18Á kiákí ɛ́ɛ́ pɛɛnd pakáánɛ́ tipá pɔ́kɔtɔn Kilíise, Ɔkɔ́n waasɔ́, maná pɔ́ɔkɔtɔn embundí yɔ́ɔ́p. Kɔ́ɔ́p ɔ́ pinɔ́k pí pipúk na tukál tú nunɛ́m, pɔ́ɔ́tɔ́ndɔ pɛɛnd pápianɛ́ kuátap kuayɔ́. 19Á kiákí ɛ́ɛ́ mɔɔnd kitikit éémenyen iŋɔpinɔ yaanɔ́. Yɔɔ́kɔɔ́pɔn ipali káánɔ́ ó pusíó, maná yaákaamba ɛ́ɛ́ núpá na tutátɔ́ é peseé, pétélimet ɛ́ɛ́ kupíɛ́ŋɔn kilɔk. 20Támbákɛ́ɛ u kiyeéwe kɛɛ́kɛt úkulɛ́t Satanɛ káánɔ́ ká ambaná. Peseé u Ɔkɔ́n waasɔ́ Yésus pá naanɔ́! 21Timoté ekúlíkuli waamɛ u puólí ménupíkéliti, nɔɔpɔ́ ne Lusius, na Sasɔn ne Sosipalatolos, pepíényí páámɛ. 22#16.22 Paan pi imfiɔŋ pólotí pɔyikɔnɛ akɛ: ɛ́ɛ́ peseé wu Ɔkɔ́n waasɔ́ Yésus Kilíis pa naanɔ́ panɔ́ peem! Anakan.Iménupíkélítí ɛ́ kisiɛ́n kí Ɔkɔ́n, niŋúɛ Tɛlituyuse oŋóŋí u Póol, imɔ́nyɔɔ́ŋɔ́ ɔmbɔp ewe. 23Kayuse, utúnɛkɛnɛ́ nɔ ɔlɔŋ ú peétépí kitikit ménupíkéliti. Elasɛ, unyɛɛ́ no nukólópón nú pálɛ́k ménupíkélítí, na Kalatus andimán waasɔ́ [24#16.24 Piéns pí imbɔp kɔɔ́mú ɔɔ́kɔɔ́yikɔn akɛ: Ɛ peseé wu Ɔkɔ́n waasɔ́ Yésus Kilíis paa naanɔ́ paánɔ peem anakanɛ ɛ kisiɛ́n kí Ɔkɔ́n Amen.]. 25Ewú upianɛ́ pukaaka pú kunúák ilúndɛ kí insɔ́m yi indámb ne kupéke Yésus kilíise, kí iŋɛ́nínɛ yi insiípie imaápá inɛmbɛ́n tɔɔm kɔ́ tɔɔm, 26maná nínúan páapalɔn póond peetíínyí piɛ́nɛɛ́n kitikit kí imfíɔ́ŋ sí peémímekélíe, yá aná Támbákɛ́ɛ u tenííkée máásɔ́mb, ɛ́ɛ́ úyuukan nɔɔpɔ́ kí iŋɔ́pinɔ i kuátap. 27Á Támbák, emenyí táŋ omoómí, nukany é Yésus Kilíis, é teeníík ne nííkée! Anakáánɛ́.
ప్రస్తుతం ఎంపిక చేయబడింది:
Lomɛ́ŋ 16: yav
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2026, CABTAL