John 6
6
Jesus e faangai koa afe e rima
(Mat 14.13–21; Mak 6.30–44; Luk 9.10–17)
1Ia tua nei, ko Jesus ne poi ki take faasi o te Roto i Galilee, e ati fokia te Roto i Tiberius. 2Tera te kano fenua e tokarava rei e tautari rei kiei, natafito koratou ku ono ki ana furi furi sanga e ikirave ki te faoa ngae ngae. 3Ko Jesus ma na kau fanonga ne ake ki runga ki te mo maunga o fare ifo ki raro iei. 4Te Kai kai o te Faka sara anga o nga Jew ku piri piri.
5Tera ko Jesus ne ono saere nai ravea ina atu arei ko te kano fenua e tokkapi rei e oomai kia koia, tera fesiri atu arei kia Philip, “Tefea rei te ngangea e ma fai ke tauvi mai ko ni mo kai ke faangai ko te kanoa fenua nei?” 6(Koia ne muna faka peinei ke maataki ko Philip, kae ku nai iroa ina fuarei pe nia ma ana ka fai.)
7Tera tongoi atu rei ko Philip, “Mo arei a fua te rau e rua oa mane ke tauvi kia kai, kae te kano fenua koi fiakai rei!”
8Take tangata i na kau fanonga, ko Andrew, te taina o Simon Peter, muna ake rei, 9“Te tama tangata i kunei, e fai ko ana foi preti e rima ma na foi ika e rua, kae ka si see fetau fangatasi rei ki te kanoa fenua nei!”
10Tera muna atu rei ko Jesus kia ratou, “Fai ko te kano fenua ke fare ki raro.” Tera fare ifo rei te kano fenua kia ngangea e vao vao laoi; e rima koa afe (5,000) o nga taangata. 11Tera sau rei e Jesus koa foi preti, iki arei ko te faka ue ue ki Tupua, tera vaevae saere rei ki te kano fenua e farenaki i ngangea; koia fokia ne fai faka peeraa kia foi ika, tera koratou ku maakona rei. 12Ia tua koratou ku maakona iei, tera muna atu rei ko Jesus ki na kau fanonga, “Oro o tufi faka maupopo koa mo kai ku tee naa, kotatou ka si see fai peri pe nia.” 13Tera koratou ne tufi faka maupopo rei, tera ne fao ki ana kete lasi e fuanga furu ma rua ne tee mai ia foi preti e rima koratou ne kkai kiei.
14Te kano fenua ne ono mata ki te furisanga nei ne fai fekauaki e Jesus, tera mumuna arei, “E tonu rei, ma teinei koia te ʻProphetʼ ku fai ke au kia taangata nei.” 15Jesus ku nai iroa ina koratou e fai ke oomai o faka oso koia ke sau koia ke ratou fai ria koia te ratou tii, tera koia ne poi kese arei maso koia kia fongo maunga.
Jesus e saere i fongo vai
(Mat 14.22–33; Mak 6.45–52)
16I te vasia ku afi afi, te kau fanonga o Jesus ku oro ki raro ki te vae roto, 17o fesopoki ki te vaka, ke foki oro ki Capernaum i take faasi o te roto. Te fenua ku poo, kae ko Jesus siki fai ke au kia koratou. 18I te vasia te matangi ku maatea rei na taarau, ku nai faia ria ko te vai ke ma sau sau ki runga. 19Te kau fanonga ku aro e mavae e rima pe ono ko te fai mmao mai ki ngauta, kae ratou ravea raa ko Jesus e saere i fongo vai e au ke piri ki ratou vaka. Tera ku nai faia koratou ke maattaku rei. 20Ko Jesus ne muna atu kia ratou, “Kau see maattaku, ko kuou ia fuarei.” 21Koratou ku fifia ke faka sopo koia ki fonga vaka, ia mo vasia fuarei te ratou vaka ku faka tau arei ki ngauta ki ratou ngangea e oro kiei.
Te kano fenua e faara kia Jesus
22I take aso, te kano fenua noko fare i take faasi o te roto ku atetea te vaka e sokotasi fuarei, noko tau i kuraa. Ku ratou iroa arei ko Jesus se ne sopo kiei ma na kau fanonga, kae koratou ne oro maso koratou. 23A rake vaka ne oomai mai Tiberius ne faka tautau mai ki ngauta e piri ki te ngangea te kano fenua ne faangai ina kia preti ia tua te Ariki ne iki ko te faka ue ue iei. 24Te vasia te kano fenua se ne ratou ravea ina ko Jesus ma na kau fanonga i kuraa, ne fesopoki arei koratou kia vaka, ke oro ki Capernaum o sakiri kiei.
Jesus te Kai o te Ora
25I te vasia te kano fenua ne ratou maua ko Jesus i take faasi o te roto, muna atu arei koratou kiei, “Te Fakaako ee, ko kee ne au i vasia fea ki kunei?”
26Tongoi atu rei ko Jesus, “Kuou e faka ari atu kia kotou te maori: Ko kotou e sakiri kia kuou, natafito kotou ne kkai kia preti mae kotou ku makokona rei, kae siei natafito kotou e atetea ki aku furisanga. 27Kau see fai fekau kia mo kai ka pariki rei, kae fai fekau tonu ia kia mo kai e naa roa ki te ora mau. Konei a mo kai te Tama a Tangata ka sori atu kia kotou, natafito Tupua, te Mmana, ku nai faka mailonga ria koia ke patino.”
28Feesiri atu rei koratou kia koia, “A nia rei ma matou ke fai, ke fai fekauaki ko te fifia o Tupua?”
29Tongoi atu rei ko Jesus, “Teinei te fainga fekau a Tupua e fifia kia kotou ke fai: Fakatonu fuarei kia koia ne nai fakkauna mai.”
30Tongoi mai rei fokia koratou, “Se furisanga koai ma au ke fai, ke matou ono kiei, ma ke matou fakatonu kia kee? Ma a nia ma au ka fai? 31Atatou puna ne kkai kia ʻmannaʼ i te ngangea tulaavaki, fakapera rei pe e munaki i te Pepa Tapu: Koia ne nai faangaina koratou kia preti mai te vaerangi.”
32Muna atu rei ko Jesus, “Kuou e faka ari atu kia kotou te maori: Pe nia ma Moses ne sori atu, siei a preti mai te vaerangi; tera ia toku Mmana e nai soria kia kotou a preti maori rei mai te vaerangi. 33Te foi preti a Tupua e sori ifo tera koia e fena ifo mai te vaerangi ma e faka orangia koa taangata nei.”
34Kaaisi atu arei koratou, “Maurunga ee, sori mai mau koa kai nei kia matou.”
35Faka atetea atu arei e Jesus kia ratou, “Kuou te kai o te ora mau, pe koai ma e oomai kia kuou ka see fiakai; pe koai ma e fakatonu kia kuou ka see fia inu. 36Tera kuou e faka ari atu kia kotou, ma kotou ku ono mata kia kuou, kae see kotou faka tonu sia kuou. 37Koratou kaatoa rei ne sori mai e toku Mmana kia kuou, ka oomai kia kuou, tera pe koai e au kia kuou, ka see kau fueina ria. 38Natafito kuou ne fena ifo ki raro nei mai te vaerangi, siei ke fai ki toku kee fifia ia, kae ke fai ko te fifia o koia ne nai fakkauna mai kuou. 39Kae teinei te fifia o koia ne nai fakkauna mai kuou, tera kuou si see fetau fangatasi ke faka leku rei pe koai ia koratou kaatoa ne sori mai kia kuou, kae ke faka masike rei koratou ki te ora i te tee aso. 40Tera natafito te fifia o toku Mmana e fai kia ratou kaatoa e faara ki te Tama ma e fakatonu kiei, ka ratou saua te ora mau, ma ka kau faka masike ria koratou i te tee aso.”
41Ko nga Jew ne fakatafito fai fai ngutu kiei, natafito koia ne muna, “Kuou te foi preti ne fena ifo mai te vaerangi.” 42Tera koratou ne mmuna, “Siki koia nei ko Jesus te tama a Joseph? Tatou ku tatou iroa ina ko na mmana ma na nana, kae ku ma fai faka fefea rei ke muna koia ne fena ifo mai te vaerangi?”
43Tongoi atu rei ko Jesus, “Kau see fai fai ngutu maso kotou. 44Siei pe koai ke ma au kia kuou, ma i te Mmana fuarei ne nai fakkauna mai ia kuou, ka nai tukuna mai koia kia kuou, tera i te tee aso ka kau faka masike ria koia ki te ora mau. 45Tera ne tusi e nga ʻProphetʼ: ‘Nga faoa kaatoa ka akonaki e Tupua.’ Tera arei pe koai e fakarongo kia taranga a Tupua ma e ako kiei, tera koia e au kia kuou. 46Tera siei pe koai ku nai ravea ina te Mmana; kae koia sokotasi e au mai Tupua maso koia ne nai ravea ina te Mmana. 47Kuou e faka ari atu kia kotou te maori: Tera arei pe koai e fakatonu ka nai saua te ora mau. 48Kuou te kai o te ora. 49Otou puna ne kkai kia ʻmannaʼ i te ngangea tulaavaki, kae koratou ne mmate. 50Kae pe koai ma e kai ki te preti e fena ifo mai te vaerangi ka si see mate. 51Kuou te kai o te ora mau ku fena ifo mai te vaerangi. Tera arei pe koai e kai ki te preti nei ka nofo mau arei. Te kai ka sori ea kuou kiei toku tino, ma ka sori fokia ea kuou kia taangata nei ke faka ora kiei.”
52Koratou ku fakatafito o faka marau raua taranga maso koratou, kae feesiri rei, “Ka ma fai faka fefea rei ko te tangata nei ke sori mai ko na tino ke tatou kai kiei?”
53Tera muna atu rei ko Jesus kia ratou, “Kuou e faka ari atu kia kotou te maori: Kae kotou ka see kai ki te tino o te Tama a Tangata, ma e inu ki na toto, tera kotou ka seke ora ia kotou maso kotou. 54Pe koai ma e kai ki toku tino, ma kae inu ki toku toto, ka ratou maua ko te ora mau, ma kau faka masike ria koratou ke ora i te tee aso. 55Natafito toku tino te matuaa kai rei, ma toku toto te matuaa vai rei. 56Pe koai ma e kai ki toku tino ma e inu ki toku toto e fare ia kuou, ma kuou fokia e nofo ia koratou. 57Te Mmana e ora ne nai fakkauna mai kuou, kae e fakatafito kia koia, kuou e ora fokia. Ia fai atamai sokotasi, pe koai e kai kia kuou ka ora e fakatafito kia kuou. 58Tera teinei te preti ne fena ifo mai te vaerangi; e si see fai pea preti noko kai otou puna kiei, kae kia muri koratou ne mmate arei. Kae tera pe koai ma ka kai ki te preti nei ka fare ma te ora mau.”
59Jesus ne muna faka peinei i te vasia noko fakaako i te paito taanaki i Capernaum.
A taranga o te ora mau
60E tokkapi rei i na kau fanonga ne ratou rangona ria ma ne mumuna rei, “Au fakaako ranga e maatea rei na faingataa. Koai rei ka ma fai ke fakarongo kiei?”
61Tera ka maafa rei onia siei pe koai ne muna atu, kae ko Jesus ku nai iroa ina pe nia ma ratou e fe nguu aki kiei, ma ne muna atu rei koia kia ratou, “Ea, ku nai faia riaina kotou ke faka tuka tuka? 62E faka peeraa rei, pe ma fai ke kotou ka ono ki te Tama a Tangata ka foki ki runga ki na noforanga mai mua? 63Te Mauri o Tupua fuarei e nai soria ina ko te ora; te makeke faka taangata se fetau fangatasi pe ki fea. A taranga ku kau munakina atu kia kotou nei e nai aumai ina te Mauri o Tupua e sori atu te ora mau. 64Tera kae rake faoa ia kotou si see fakatonu.” (Natafito ko Jesus ku nai iroa ina mai te fakatafito ranga pe koai ka si see fakatonu, ma te tangata ka nai soria koia.) 65Tera muna atu rei fokia koia, “Teinei te isoiso o te atamai kuou noko muna atu kia kotou, siei pe koai ke au kia kuou, kae te Mmana si se ne nai tukuna ria koia.”
66Tera, faina ia taranga nei, e toka rava rei te kano fenua noko tautari kiei, ku taafuri kese mai ia koia. 67Tera fesiri atu rei koia ki na kau fanonga e tino angafuru ma rua, “E faka fefea rei kia kotou, kotou ka oro kese fokia?”
68 #
Mat 16.16; Mak 8.29; Luk 9.20. Tongoi atu rei ko Simon Peter kiei, “Te Ariki ee, matou rei ka oro kiai? Ko kee e fai koa taranga e sori ko te ora mau. 69I te vasia nei komatou ku fakatonu ko kee te Tangata Tapu maori mai Tupua.”
70Tera tongoi atu rei ko Jesus kia ratou, “Kuou ne kau faka patino ria ko kotou te tino angafuru ma rua, kae te tangata sokotasi ia kotou e urufia e te Atua Pariki!” 71Koia e muna faka tuu rei kia Judas, te tama a Simon Iscariot, tera maafa rei onia ko Judas take tangata i te kau fanonga, kae ka nai soria ko Jesus.
ప్రస్తుతం ఎంపిక చేయబడింది:
John 6: TKP
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2025 Wycliffe Bible Translators, Inc.
John 6
6
Jesus e faangai koa afe e rima
(Mat 14.13–21; Mak 6.30–44; Luk 9.10–17)
1Ia tua nei, ko Jesus ne poi ki take faasi o te Roto i Galilee, e ati fokia te Roto i Tiberius. 2Tera te kano fenua e tokarava rei e tautari rei kiei, natafito koratou ku ono ki ana furi furi sanga e ikirave ki te faoa ngae ngae. 3Ko Jesus ma na kau fanonga ne ake ki runga ki te mo maunga o fare ifo ki raro iei. 4Te Kai kai o te Faka sara anga o nga Jew ku piri piri.
5Tera ko Jesus ne ono saere nai ravea ina atu arei ko te kano fenua e tokkapi rei e oomai kia koia, tera fesiri atu arei kia Philip, “Tefea rei te ngangea e ma fai ke tauvi mai ko ni mo kai ke faangai ko te kanoa fenua nei?” 6(Koia ne muna faka peinei ke maataki ko Philip, kae ku nai iroa ina fuarei pe nia ma ana ka fai.)
7Tera tongoi atu rei ko Philip, “Mo arei a fua te rau e rua oa mane ke tauvi kia kai, kae te kano fenua koi fiakai rei!”
8Take tangata i na kau fanonga, ko Andrew, te taina o Simon Peter, muna ake rei, 9“Te tama tangata i kunei, e fai ko ana foi preti e rima ma na foi ika e rua, kae ka si see fetau fangatasi rei ki te kanoa fenua nei!”
10Tera muna atu rei ko Jesus kia ratou, “Fai ko te kano fenua ke fare ki raro.” Tera fare ifo rei te kano fenua kia ngangea e vao vao laoi; e rima koa afe (5,000) o nga taangata. 11Tera sau rei e Jesus koa foi preti, iki arei ko te faka ue ue ki Tupua, tera vaevae saere rei ki te kano fenua e farenaki i ngangea; koia fokia ne fai faka peeraa kia foi ika, tera koratou ku maakona rei. 12Ia tua koratou ku maakona iei, tera muna atu rei ko Jesus ki na kau fanonga, “Oro o tufi faka maupopo koa mo kai ku tee naa, kotatou ka si see fai peri pe nia.” 13Tera koratou ne tufi faka maupopo rei, tera ne fao ki ana kete lasi e fuanga furu ma rua ne tee mai ia foi preti e rima koratou ne kkai kiei.
14Te kano fenua ne ono mata ki te furisanga nei ne fai fekauaki e Jesus, tera mumuna arei, “E tonu rei, ma teinei koia te ʻProphetʼ ku fai ke au kia taangata nei.” 15Jesus ku nai iroa ina koratou e fai ke oomai o faka oso koia ke sau koia ke ratou fai ria koia te ratou tii, tera koia ne poi kese arei maso koia kia fongo maunga.
Jesus e saere i fongo vai
(Mat 14.22–33; Mak 6.45–52)
16I te vasia ku afi afi, te kau fanonga o Jesus ku oro ki raro ki te vae roto, 17o fesopoki ki te vaka, ke foki oro ki Capernaum i take faasi o te roto. Te fenua ku poo, kae ko Jesus siki fai ke au kia koratou. 18I te vasia te matangi ku maatea rei na taarau, ku nai faia ria ko te vai ke ma sau sau ki runga. 19Te kau fanonga ku aro e mavae e rima pe ono ko te fai mmao mai ki ngauta, kae ratou ravea raa ko Jesus e saere i fongo vai e au ke piri ki ratou vaka. Tera ku nai faia koratou ke maattaku rei. 20Ko Jesus ne muna atu kia ratou, “Kau see maattaku, ko kuou ia fuarei.” 21Koratou ku fifia ke faka sopo koia ki fonga vaka, ia mo vasia fuarei te ratou vaka ku faka tau arei ki ngauta ki ratou ngangea e oro kiei.
Te kano fenua e faara kia Jesus
22I take aso, te kano fenua noko fare i take faasi o te roto ku atetea te vaka e sokotasi fuarei, noko tau i kuraa. Ku ratou iroa arei ko Jesus se ne sopo kiei ma na kau fanonga, kae koratou ne oro maso koratou. 23A rake vaka ne oomai mai Tiberius ne faka tautau mai ki ngauta e piri ki te ngangea te kano fenua ne faangai ina kia preti ia tua te Ariki ne iki ko te faka ue ue iei. 24Te vasia te kano fenua se ne ratou ravea ina ko Jesus ma na kau fanonga i kuraa, ne fesopoki arei koratou kia vaka, ke oro ki Capernaum o sakiri kiei.
Jesus te Kai o te Ora
25I te vasia te kano fenua ne ratou maua ko Jesus i take faasi o te roto, muna atu arei koratou kiei, “Te Fakaako ee, ko kee ne au i vasia fea ki kunei?”
26Tongoi atu rei ko Jesus, “Kuou e faka ari atu kia kotou te maori: Ko kotou e sakiri kia kuou, natafito kotou ne kkai kia preti mae kotou ku makokona rei, kae siei natafito kotou e atetea ki aku furisanga. 27Kau see fai fekau kia mo kai ka pariki rei, kae fai fekau tonu ia kia mo kai e naa roa ki te ora mau. Konei a mo kai te Tama a Tangata ka sori atu kia kotou, natafito Tupua, te Mmana, ku nai faka mailonga ria koia ke patino.”
28Feesiri atu rei koratou kia koia, “A nia rei ma matou ke fai, ke fai fekauaki ko te fifia o Tupua?”
29Tongoi atu rei ko Jesus, “Teinei te fainga fekau a Tupua e fifia kia kotou ke fai: Fakatonu fuarei kia koia ne nai fakkauna mai.”
30Tongoi mai rei fokia koratou, “Se furisanga koai ma au ke fai, ke matou ono kiei, ma ke matou fakatonu kia kee? Ma a nia ma au ka fai? 31Atatou puna ne kkai kia ʻmannaʼ i te ngangea tulaavaki, fakapera rei pe e munaki i te Pepa Tapu: Koia ne nai faangaina koratou kia preti mai te vaerangi.”
32Muna atu rei ko Jesus, “Kuou e faka ari atu kia kotou te maori: Pe nia ma Moses ne sori atu, siei a preti mai te vaerangi; tera ia toku Mmana e nai soria kia kotou a preti maori rei mai te vaerangi. 33Te foi preti a Tupua e sori ifo tera koia e fena ifo mai te vaerangi ma e faka orangia koa taangata nei.”
34Kaaisi atu arei koratou, “Maurunga ee, sori mai mau koa kai nei kia matou.”
35Faka atetea atu arei e Jesus kia ratou, “Kuou te kai o te ora mau, pe koai ma e oomai kia kuou ka see fiakai; pe koai ma e fakatonu kia kuou ka see fia inu. 36Tera kuou e faka ari atu kia kotou, ma kotou ku ono mata kia kuou, kae see kotou faka tonu sia kuou. 37Koratou kaatoa rei ne sori mai e toku Mmana kia kuou, ka oomai kia kuou, tera pe koai e au kia kuou, ka see kau fueina ria. 38Natafito kuou ne fena ifo ki raro nei mai te vaerangi, siei ke fai ki toku kee fifia ia, kae ke fai ko te fifia o koia ne nai fakkauna mai kuou. 39Kae teinei te fifia o koia ne nai fakkauna mai kuou, tera kuou si see fetau fangatasi ke faka leku rei pe koai ia koratou kaatoa ne sori mai kia kuou, kae ke faka masike rei koratou ki te ora i te tee aso. 40Tera natafito te fifia o toku Mmana e fai kia ratou kaatoa e faara ki te Tama ma e fakatonu kiei, ka ratou saua te ora mau, ma ka kau faka masike ria koratou i te tee aso.”
41Ko nga Jew ne fakatafito fai fai ngutu kiei, natafito koia ne muna, “Kuou te foi preti ne fena ifo mai te vaerangi.” 42Tera koratou ne mmuna, “Siki koia nei ko Jesus te tama a Joseph? Tatou ku tatou iroa ina ko na mmana ma na nana, kae ku ma fai faka fefea rei ke muna koia ne fena ifo mai te vaerangi?”
43Tongoi atu rei ko Jesus, “Kau see fai fai ngutu maso kotou. 44Siei pe koai ke ma au kia kuou, ma i te Mmana fuarei ne nai fakkauna mai ia kuou, ka nai tukuna mai koia kia kuou, tera i te tee aso ka kau faka masike ria koia ki te ora mau. 45Tera ne tusi e nga ʻProphetʼ: ‘Nga faoa kaatoa ka akonaki e Tupua.’ Tera arei pe koai e fakarongo kia taranga a Tupua ma e ako kiei, tera koia e au kia kuou. 46Tera siei pe koai ku nai ravea ina te Mmana; kae koia sokotasi e au mai Tupua maso koia ne nai ravea ina te Mmana. 47Kuou e faka ari atu kia kotou te maori: Tera arei pe koai e fakatonu ka nai saua te ora mau. 48Kuou te kai o te ora. 49Otou puna ne kkai kia ʻmannaʼ i te ngangea tulaavaki, kae koratou ne mmate. 50Kae pe koai ma e kai ki te preti e fena ifo mai te vaerangi ka si see mate. 51Kuou te kai o te ora mau ku fena ifo mai te vaerangi. Tera arei pe koai e kai ki te preti nei ka nofo mau arei. Te kai ka sori ea kuou kiei toku tino, ma ka sori fokia ea kuou kia taangata nei ke faka ora kiei.”
52Koratou ku fakatafito o faka marau raua taranga maso koratou, kae feesiri rei, “Ka ma fai faka fefea rei ko te tangata nei ke sori mai ko na tino ke tatou kai kiei?”
53Tera muna atu rei ko Jesus kia ratou, “Kuou e faka ari atu kia kotou te maori: Kae kotou ka see kai ki te tino o te Tama a Tangata, ma e inu ki na toto, tera kotou ka seke ora ia kotou maso kotou. 54Pe koai ma e kai ki toku tino, ma kae inu ki toku toto, ka ratou maua ko te ora mau, ma kau faka masike ria koratou ke ora i te tee aso. 55Natafito toku tino te matuaa kai rei, ma toku toto te matuaa vai rei. 56Pe koai ma e kai ki toku tino ma e inu ki toku toto e fare ia kuou, ma kuou fokia e nofo ia koratou. 57Te Mmana e ora ne nai fakkauna mai kuou, kae e fakatafito kia koia, kuou e ora fokia. Ia fai atamai sokotasi, pe koai e kai kia kuou ka ora e fakatafito kia kuou. 58Tera teinei te preti ne fena ifo mai te vaerangi; e si see fai pea preti noko kai otou puna kiei, kae kia muri koratou ne mmate arei. Kae tera pe koai ma ka kai ki te preti nei ka fare ma te ora mau.”
59Jesus ne muna faka peinei i te vasia noko fakaako i te paito taanaki i Capernaum.
A taranga o te ora mau
60E tokkapi rei i na kau fanonga ne ratou rangona ria ma ne mumuna rei, “Au fakaako ranga e maatea rei na faingataa. Koai rei ka ma fai ke fakarongo kiei?”
61Tera ka maafa rei onia siei pe koai ne muna atu, kae ko Jesus ku nai iroa ina pe nia ma ratou e fe nguu aki kiei, ma ne muna atu rei koia kia ratou, “Ea, ku nai faia riaina kotou ke faka tuka tuka? 62E faka peeraa rei, pe ma fai ke kotou ka ono ki te Tama a Tangata ka foki ki runga ki na noforanga mai mua? 63Te Mauri o Tupua fuarei e nai soria ina ko te ora; te makeke faka taangata se fetau fangatasi pe ki fea. A taranga ku kau munakina atu kia kotou nei e nai aumai ina te Mauri o Tupua e sori atu te ora mau. 64Tera kae rake faoa ia kotou si see fakatonu.” (Natafito ko Jesus ku nai iroa ina mai te fakatafito ranga pe koai ka si see fakatonu, ma te tangata ka nai soria koia.) 65Tera muna atu rei fokia koia, “Teinei te isoiso o te atamai kuou noko muna atu kia kotou, siei pe koai ke au kia kuou, kae te Mmana si se ne nai tukuna ria koia.”
66Tera, faina ia taranga nei, e toka rava rei te kano fenua noko tautari kiei, ku taafuri kese mai ia koia. 67Tera fesiri atu rei koia ki na kau fanonga e tino angafuru ma rua, “E faka fefea rei kia kotou, kotou ka oro kese fokia?”
68 #
Mat 16.16; Mak 8.29; Luk 9.20. Tongoi atu rei ko Simon Peter kiei, “Te Ariki ee, matou rei ka oro kiai? Ko kee e fai koa taranga e sori ko te ora mau. 69I te vasia nei komatou ku fakatonu ko kee te Tangata Tapu maori mai Tupua.”
70Tera tongoi atu rei ko Jesus kia ratou, “Kuou ne kau faka patino ria ko kotou te tino angafuru ma rua, kae te tangata sokotasi ia kotou e urufia e te Atua Pariki!” 71Koia e muna faka tuu rei kia Judas, te tama a Simon Iscariot, tera maafa rei onia ko Judas take tangata i te kau fanonga, kae ka nai soria ko Jesus.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2025 Wycliffe Bible Translators, Inc.