John 5
5
Te ikirave ne fai i te vae nupu
1Ia tua nei, Jesus ne poi ki Jerusalem ki te taanaki tapu o nga Jew. 2Te ngangea i Jerusalem e piri ki te urufanga e ati te Urufanga o nga Sipi sipi, te nupu e tuu iei, e faka toro toro faki ko ana faasi paito e rima, na ingoa ia taranga faka Hebrew e ati ko Bethzatha. 3E maatea rei te tokkapi te kano fenua ngae ngae ku meeraki ia faasi paito nei: a ufu, a sape, ma a tino mamate. [Koratou e fetari ki te faka efu ranga o te vai, 4natafito te ʻangelʼ o te Ariki e fai ko ana vasia e fena ifo ki roto nupu o nai faka efu ria ko te vai. Nea ngaengae pe koai e mua ki roto ia tua o te faka efu ranga o te vai e sopo ki roto na ngaengae katoa rei ku furuna ria arei.] 5Te tangata sokotasi i kuraa koia ku fua toru ma varu i na ngaengae. 6Jesus ne ono kiei e mee i ngangea, koia ku nai iroa ina rei te tangata ana fakarongo neaisu ranga ku roa rei, tera koia ne fesiri atu rei kiei, “Ko kee e fifia ke maroro?”
7Tongoi atu rei te tangata ngaengae, “Maurunga ee, siei pe koai ke nai tukuna kuou ki roto ki te nupu; i te vasia o te vai nei e faka efu kia ki runga, i te vasia kuou e fai ke kau poi ki roto, take tangata ku mua ki roto.”
8Ko Jesus ne muna atu arei kiei, “Tokai ki runga, sau tou meenga o saere.” 9I mo vakanga, te tangata ku maroro arei, tuu ake ki runga, sau na meenga, poi arei.
Te aso ai, te Aso e tapu o nga Jew. 10A fakarongo ranga o nga Jew ne muna atu rei ki te tangata ne faka maroro riaina, “Te aso nei, tatou Aso e tapu, e sara ia tatou fono ke amo tou meenga.”
11Tongoi atu rei koia, “Te tangata ne nai faka maroro ria kuou nei, ne faka ari mai ke kau sau toku meenga o poi.”
12Koratou ne feesiri atu kiei, “Koai te tangata naa ne muna atu kia kee ke sau tou meenga o poi?”
13Kae te tangata ne nai faka maroro ria koia si se nai iroa ina pe ko Jesus koai, natafito i te ngangea te kano fenua e tokkapi ko Jesus ne faka unu arei o poi.
14Kia muri ko Jesus ne ravea ina te tangata i rota Paito Tapu, muna atu rei kiei, “Fakarongo, ko kee ku maroro laoi i vasia nei; tiakina te ora pariki, kae siei, a nea pariki rei ka rave ia kee!”
15Tera te tangata ne poi arei o faka ari kia fakarongo ranga o nga Jew te tangata ne faka maroro ia koia ko Jesus.
16Tera fakatafito arei koratou ke fai pariki kia Jesus, natafito koia ne ikirave i te Aso e tapu. 17Tongoi atu rei ko Jesus kia ratou, “Toku Mmana e fai fekau mau fuarei, ma kuou fokia ke kau fai fekauaki.”
18Te fai muna nei ku nai faia koa fakarongo ranga o nga Jew ke maatea rei ratou teke ke ratou tamatea ria koia, siei fuarei koia ku nai saeakina koa fono o te Aso e tapu, kae koia fokia ku muna Tupua na kee Mmana maori rei. Ia fai atamai nei koia ku fai maso koia ke faka fetau fangatasi ma Tupua.
Te makeke o te Tama
19Ko Jesus ne tongoi atu rei kia koratou, “Kuou e faka ari atu kia kotou te maori: Te Tama ia koia maso koia ka se ma fai pe nia, koia e fai fuarei pe nia e nai ravea riaina te Mmana e fai; pe nia ma te Mmana e fai, te Tama fokia e fai. 20Natafito te Mmana e fakapere ki te Tama, ma ku nai faka aria kia koia a nea katoa rei koia maso koia e fai. Koia fokia ka nai faka ari kiei a matua nea sapa atu raa ke fai, ma ka maatea na faka rere mauri kia kotou. 21Tera e fai fakapera rei pe te Mmana e nai faka masike ria faoa mmate e nai faka orangia koratou, ma i te fai riu ara sokotasi te Tama e nai faka orangia koratou e tautari ki na fifia. 22Te Mmana maso koia ka se nai faka tautara sia ria pe koai, kae koia ku nai soria ina ki tana Tama te tonu rei o te faka tautara anga. 23Tera ko nga turaurau kaatoa rei ke ratou rausapai ki te Tama, fakapera rei pea koratou e rausapai ki te Mmana. Pe koai si see rausapai ki te Tama, si se nai rausapaia riaina te Mmana ne kau mai koia.
24“Kuou e faka ari atu kia kotou te maori: Kae pe koai ma e fakarongo ki aku taranga, ma e fakatonu kia koia ne fakkau mai kuou, ka ratou saua ko te ora mau; koratou ka see faka tautara sia kae ku faka orangia ria mai te mate ki te ora. 25Tera kuou e faka ari atu kia kotou te maori: Te vasia ka oko, te vasia ku okotia rei, ka rangona e te fenua ku ngaro ko te reo o te Tama a Tupua, ma koratou e fakarongo kiei ka faka orangia fokia. 26Fakapera rei pe te Mmana maso koia te fakkau o te ora, tera ia fai atamai sokotasi fokia ku fai ea koia tana Tama te fakkau o te ora. 27Koia ku nai soria ina ki te Tama te tonu ke fai te faka tautara, natafito koia te Tama a Tangata.
28“Kau see fereki mai otou mauri, natafito te vasia ka oko te fenua kaatoa ku ngaro ka ratou faka rangona riaina ko na reo. 29Tera koratou ka matike mai ki tua mai aratou tano. Koratou noko fare ma te ora e laoi ka faka masike riaina ma ka faka orangia ria. Pe koai ma noko fai fai sara ka faka masike ria, ma ke faka tautara sia.
Te araara fanga faka faoa kia Jesus
30“Kuou ka se ma fai rei pe nia maso kuou ki taku kee manuu ia; tera kuou e fai ko te faka tautara fuarei tautari pe Tupua e faka ari mai kia kuou, ta aku faka tautara anga e tonu, natafito kuou si see fai tautari ki toku kee fifia ia, kae tera ki te fifia fuarei o koia ne fakkau mai kuou.
31“Tera kuou ke faka atetea maso kuou pe koai, taku tonu ka seke kau ma ka see fifia kina ria. 32Kae take tangata e nai araara fakina kuou, ma kuou e kau iroa ina pe nia e nai araara fakina kia kuou e tonu rei. 33#Jon 1.19–27; 3.27–30.Kotou ne fakkau otou kave rongo ke oro o fesiri siri kia John, ma ne nai faka atetea ria mai arei ko te tonu. 34Kae kuou si see muna atu ki ni taangata ke fai koa araara fanga faka paa mai, tera kuou e muna fuarei nei kia kotou ke kotou faka saofia riaina. 35Ko John noko fai pe te laiti e kai ruru e maarama, ma e fakanaia tino kia kotou kia mo vasia faka molakea ke fai vaki ki na maarama.
36“Kae kuou e fai oku kee fainga fekau e faka atetea i toku faasi e sapa kese ma a faka atetea ranga a John ne sori mai, tera pe nia ma aku e fai nei, a fainga fekau ne sori mai e toku Mmana ke fai, e ratou faka atetea riaina ke atetea te Mmana ne fakkau mai kuou.
37 #
Mat 3.17; Mak 1.11; Luk 3.22. “Te Mmana ne fakkau mai kuou, koia ku nai faka atetea ria fokia toku faasi. Kotou se ne kotou rangona ria ko na reo ma se ne ono mata kiei. 38Tera na rongo si se ne too ki otou fatu manava, natafito kotou ku see fakatonu kia koia ne nai fakkauna mai. 39Tera kotou e ako kia Pepa Tapu, natafito kotou e maanatu ka kotou maua ria ko te ora mau ia ratou. Kae koa Pepa Tapu rei nei e nai araara fakina kuou! 40Kae kotou ku si se fifia rei ke kotou oomai kia kuou ke kotou ora.
41“Kuou si see sakiri kia tara fakapuu ranga faka taangata. 42Tera e kau iroa ina te fai kano fenua koai ko kotou naa e seke fakapere i otou fatu manava ki Tupua. 43Kuou ku au ma te manuu mai toku Mmana, kae se ne kotou fifia kina kuou; ka pe koai e au i tana kee manuu ia, ku kotou fifia kina arei koia. 44Totou fifia lasi ke tara faka puria ina raa, ma tera ku see fifia ke kotou faka puria ina arei ko Tupua, ma ka ma fai rei faka fefea ke kotou fakatonu sia kuou?
45“Kotou ka see maanatu kia kuou ka kau faka marau raua taranga ria kotou ki toku Mmana, kae ko Moses rei e tuku otou paanaki soro kiei, koia ka nai faka marau raua taranga riaina kotou. 46Ma pe ne fakatonu maori rei kotou kia Moses, tera kotou ku fakatonu kia kuou fokia, e fakatafito i ana tusi tusi ranga ne nai araara fakina kuou. 47Kae tera kotou se ne fakatonu ki ana tusi tusi ranga, ka kotou fakatonu sia faka fefea rei pe nia ma aku e muna kiei?!”
ప్రస్తుతం ఎంపిక చేయబడింది:
John 5: TKP
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2025 Wycliffe Bible Translators, Inc.
John 5
5
Te ikirave ne fai i te vae nupu
1Ia tua nei, Jesus ne poi ki Jerusalem ki te taanaki tapu o nga Jew. 2Te ngangea i Jerusalem e piri ki te urufanga e ati te Urufanga o nga Sipi sipi, te nupu e tuu iei, e faka toro toro faki ko ana faasi paito e rima, na ingoa ia taranga faka Hebrew e ati ko Bethzatha. 3E maatea rei te tokkapi te kano fenua ngae ngae ku meeraki ia faasi paito nei: a ufu, a sape, ma a tino mamate. [Koratou e fetari ki te faka efu ranga o te vai, 4natafito te ʻangelʼ o te Ariki e fai ko ana vasia e fena ifo ki roto nupu o nai faka efu ria ko te vai. Nea ngaengae pe koai e mua ki roto ia tua o te faka efu ranga o te vai e sopo ki roto na ngaengae katoa rei ku furuna ria arei.] 5Te tangata sokotasi i kuraa koia ku fua toru ma varu i na ngaengae. 6Jesus ne ono kiei e mee i ngangea, koia ku nai iroa ina rei te tangata ana fakarongo neaisu ranga ku roa rei, tera koia ne fesiri atu rei kiei, “Ko kee e fifia ke maroro?”
7Tongoi atu rei te tangata ngaengae, “Maurunga ee, siei pe koai ke nai tukuna kuou ki roto ki te nupu; i te vasia o te vai nei e faka efu kia ki runga, i te vasia kuou e fai ke kau poi ki roto, take tangata ku mua ki roto.”
8Ko Jesus ne muna atu arei kiei, “Tokai ki runga, sau tou meenga o saere.” 9I mo vakanga, te tangata ku maroro arei, tuu ake ki runga, sau na meenga, poi arei.
Te aso ai, te Aso e tapu o nga Jew. 10A fakarongo ranga o nga Jew ne muna atu rei ki te tangata ne faka maroro riaina, “Te aso nei, tatou Aso e tapu, e sara ia tatou fono ke amo tou meenga.”
11Tongoi atu rei koia, “Te tangata ne nai faka maroro ria kuou nei, ne faka ari mai ke kau sau toku meenga o poi.”
12Koratou ne feesiri atu kiei, “Koai te tangata naa ne muna atu kia kee ke sau tou meenga o poi?”
13Kae te tangata ne nai faka maroro ria koia si se nai iroa ina pe ko Jesus koai, natafito i te ngangea te kano fenua e tokkapi ko Jesus ne faka unu arei o poi.
14Kia muri ko Jesus ne ravea ina te tangata i rota Paito Tapu, muna atu rei kiei, “Fakarongo, ko kee ku maroro laoi i vasia nei; tiakina te ora pariki, kae siei, a nea pariki rei ka rave ia kee!”
15Tera te tangata ne poi arei o faka ari kia fakarongo ranga o nga Jew te tangata ne faka maroro ia koia ko Jesus.
16Tera fakatafito arei koratou ke fai pariki kia Jesus, natafito koia ne ikirave i te Aso e tapu. 17Tongoi atu rei ko Jesus kia ratou, “Toku Mmana e fai fekau mau fuarei, ma kuou fokia ke kau fai fekauaki.”
18Te fai muna nei ku nai faia koa fakarongo ranga o nga Jew ke maatea rei ratou teke ke ratou tamatea ria koia, siei fuarei koia ku nai saeakina koa fono o te Aso e tapu, kae koia fokia ku muna Tupua na kee Mmana maori rei. Ia fai atamai nei koia ku fai maso koia ke faka fetau fangatasi ma Tupua.
Te makeke o te Tama
19Ko Jesus ne tongoi atu rei kia koratou, “Kuou e faka ari atu kia kotou te maori: Te Tama ia koia maso koia ka se ma fai pe nia, koia e fai fuarei pe nia e nai ravea riaina te Mmana e fai; pe nia ma te Mmana e fai, te Tama fokia e fai. 20Natafito te Mmana e fakapere ki te Tama, ma ku nai faka aria kia koia a nea katoa rei koia maso koia e fai. Koia fokia ka nai faka ari kiei a matua nea sapa atu raa ke fai, ma ka maatea na faka rere mauri kia kotou. 21Tera e fai fakapera rei pe te Mmana e nai faka masike ria faoa mmate e nai faka orangia koratou, ma i te fai riu ara sokotasi te Tama e nai faka orangia koratou e tautari ki na fifia. 22Te Mmana maso koia ka se nai faka tautara sia ria pe koai, kae koia ku nai soria ina ki tana Tama te tonu rei o te faka tautara anga. 23Tera ko nga turaurau kaatoa rei ke ratou rausapai ki te Tama, fakapera rei pea koratou e rausapai ki te Mmana. Pe koai si see rausapai ki te Tama, si se nai rausapaia riaina te Mmana ne kau mai koia.
24“Kuou e faka ari atu kia kotou te maori: Kae pe koai ma e fakarongo ki aku taranga, ma e fakatonu kia koia ne fakkau mai kuou, ka ratou saua ko te ora mau; koratou ka see faka tautara sia kae ku faka orangia ria mai te mate ki te ora. 25Tera kuou e faka ari atu kia kotou te maori: Te vasia ka oko, te vasia ku okotia rei, ka rangona e te fenua ku ngaro ko te reo o te Tama a Tupua, ma koratou e fakarongo kiei ka faka orangia fokia. 26Fakapera rei pe te Mmana maso koia te fakkau o te ora, tera ia fai atamai sokotasi fokia ku fai ea koia tana Tama te fakkau o te ora. 27Koia ku nai soria ina ki te Tama te tonu ke fai te faka tautara, natafito koia te Tama a Tangata.
28“Kau see fereki mai otou mauri, natafito te vasia ka oko te fenua kaatoa ku ngaro ka ratou faka rangona riaina ko na reo. 29Tera koratou ka matike mai ki tua mai aratou tano. Koratou noko fare ma te ora e laoi ka faka masike riaina ma ka faka orangia ria. Pe koai ma noko fai fai sara ka faka masike ria, ma ke faka tautara sia.
Te araara fanga faka faoa kia Jesus
30“Kuou ka se ma fai rei pe nia maso kuou ki taku kee manuu ia; tera kuou e fai ko te faka tautara fuarei tautari pe Tupua e faka ari mai kia kuou, ta aku faka tautara anga e tonu, natafito kuou si see fai tautari ki toku kee fifia ia, kae tera ki te fifia fuarei o koia ne fakkau mai kuou.
31“Tera kuou ke faka atetea maso kuou pe koai, taku tonu ka seke kau ma ka see fifia kina ria. 32Kae take tangata e nai araara fakina kuou, ma kuou e kau iroa ina pe nia e nai araara fakina kia kuou e tonu rei. 33#Jon 1.19–27; 3.27–30.Kotou ne fakkau otou kave rongo ke oro o fesiri siri kia John, ma ne nai faka atetea ria mai arei ko te tonu. 34Kae kuou si see muna atu ki ni taangata ke fai koa araara fanga faka paa mai, tera kuou e muna fuarei nei kia kotou ke kotou faka saofia riaina. 35Ko John noko fai pe te laiti e kai ruru e maarama, ma e fakanaia tino kia kotou kia mo vasia faka molakea ke fai vaki ki na maarama.
36“Kae kuou e fai oku kee fainga fekau e faka atetea i toku faasi e sapa kese ma a faka atetea ranga a John ne sori mai, tera pe nia ma aku e fai nei, a fainga fekau ne sori mai e toku Mmana ke fai, e ratou faka atetea riaina ke atetea te Mmana ne fakkau mai kuou.
37 #
Mat 3.17; Mak 1.11; Luk 3.22. “Te Mmana ne fakkau mai kuou, koia ku nai faka atetea ria fokia toku faasi. Kotou se ne kotou rangona ria ko na reo ma se ne ono mata kiei. 38Tera na rongo si se ne too ki otou fatu manava, natafito kotou ku see fakatonu kia koia ne nai fakkauna mai. 39Tera kotou e ako kia Pepa Tapu, natafito kotou e maanatu ka kotou maua ria ko te ora mau ia ratou. Kae koa Pepa Tapu rei nei e nai araara fakina kuou! 40Kae kotou ku si se fifia rei ke kotou oomai kia kuou ke kotou ora.
41“Kuou si see sakiri kia tara fakapuu ranga faka taangata. 42Tera e kau iroa ina te fai kano fenua koai ko kotou naa e seke fakapere i otou fatu manava ki Tupua. 43Kuou ku au ma te manuu mai toku Mmana, kae se ne kotou fifia kina kuou; ka pe koai e au i tana kee manuu ia, ku kotou fifia kina arei koia. 44Totou fifia lasi ke tara faka puria ina raa, ma tera ku see fifia ke kotou faka puria ina arei ko Tupua, ma ka ma fai rei faka fefea ke kotou fakatonu sia kuou?
45“Kotou ka see maanatu kia kuou ka kau faka marau raua taranga ria kotou ki toku Mmana, kae ko Moses rei e tuku otou paanaki soro kiei, koia ka nai faka marau raua taranga riaina kotou. 46Ma pe ne fakatonu maori rei kotou kia Moses, tera kotou ku fakatonu kia kuou fokia, e fakatafito i ana tusi tusi ranga ne nai araara fakina kuou. 47Kae tera kotou se ne fakatonu ki ana tusi tusi ranga, ka kotou fakatonu sia faka fefea rei pe nia ma aku e muna kiei?!”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2025 Wycliffe Bible Translators, Inc.