Kenehe 41
41
Kua Fakamatala e Iohefa nā Miti a te Tupu
1Kua teka atu nā tauhaga e lua, kae fai te miti a te tupu ko Falao ko ia nae tū i luga o te kautafa o te Vaitafe ko te Naila, 2kae ōake ki luga mai loto o te vaitafe ni pōvi fafine pepeti ma tino lelei e fitu, ma na kāmata oi kakai i nā mutia vai. 3Ma na toe ōake ki luga mai loto o te vaitafe ni iētahi pōvi fafine e fitu, e pāeē ma magoivia. Kua ōmamai ma tutū i tafa o iētahi pōvi fafine i kautafa o te vaitafe, 4ma na kai ai e nā pōvi fafine pāeē ma magoivia nā pōvi fafine pepeti ma tino lelei. Oi na ala ai loa te tupu. 5Na toe moe te tupu ma toe fai tētahi ana miti. E fitu ia ulu haito fuaefa ma lelei na tutupu ake i he kau haito e fokotahi. 6Na toe tutupu ake iētahi ulu haito e fitu, e fuaiti ma mamago ona kua velahia i te matagi e hau i te toafa. 7Ma na folo ai e nā ulu haito fuaiti nā ulu haito fuaefa. Kua ala te tupu oi na hāfia ai e ia, ko he miti ko ta ia na fai. 8I te tāeao, ko te tupu kua popole lele, oi na fakatonu ai e ia ke kaumai uma lele kia te ia, nā tino fai mea fakataulāitu ma nā tino popoto o Aikupito. Kua taku atu e ia nā miti a ia kia te kilātou, kae e hēai he tino na ia mafaia oi fakamatala te uiga o ana miti.#Tan 2.2
9Oi na lea atu ai te pule uaina ki te tupu, “Kua kō manatua toku hehē i te aho nei. 10I te ita maiga o koe kia te kimāua ma te pule fai falaoa, na fakatonu e koe ke kave kimāua ki te falepuipui i te fale o te takitaki o nā fitafita. 11I tētahi pō, na takitahi fai a mā miti, kae e kehekehe nā uiga. 12Nae iei fakatahi kimātou ma he taumalo Epelu, he pologa e a te takitaki o nā fitafita. Na kimā takua ki ei a mā miti, oi na ia fakamatala maia kia te kimāua nā uiga. 13Ma na taunuku lava nā mea uma na lea mai ai: na toe tuku e koe ia au ki toku tūlaga, kae fakahala e koe i te oti te pule fai falaoa.”
14Oi na fakatonu ai loa e te tupu ke kaumai ia Iohefa kia te ia, ma na kaumai vave ai ia Iohefa mai te falepuipui. Kua uma te tafi o te ava ma fai ona kofu lelei, oi na kaumai ai loa ki mua o te tupu. 15Kua lea atu te tupu kia Iohefa, “E iei taku miti na fai, kae e hēai he tino e ia mafaia oi fakamatala mai kia te au te uiga. Kua fakalogo au e mafai e koe oi fakamatala te uiga o nā miti.”
16Na tali atu ia Iohefa, “Tau Afioga, e hē kō mafaia, kae ka fōki atu e te Atua he tali e malie ai te loto o koe.”
17Oi na lea atu ai te tupu kia Iohefa, “Na fai taku miti ko au nae tū i luga o te kautafa o te vaitafe ko te Naila, 18kae ōake ki luga mai te vaitafe ni pōvi fafine pepeti ma tino lelei e fitu, ma kāmata oi kakai i te mutia vai. 19Na toe ōake ki luga mai te vaitafe iētahi pōvi fafine e fitu, e pāeē ma magoivia. E hēki kō kiteagia lele ni pōvi kua hili te kino i Aikupito kātoa, e vē ko nā pōvi iēnei. 20Kua kai e nā pōvi fafine pāeē ma magoivia nā pōvi fafine pepeti, 21kae e hēki kitea lele he hūiga na pa ki ei, ona na tūmau lava to lātou pāeē magoivia nae iei ai muamua. Oi na ala ai au. 22Na toe moe au, oi fai ai tētahi aku miti. Na kō kitea ni ulu haito fuaefa ma lelei e fitu, e tutupu ake i he kau haito e fokotahi. 23Na toe tutupu ake iētahi ulu haito e fitu, e fuaiti ma mamago ona kua velahia i te matagi e hau i te toafa. 24Ma na folo ai e nā ulu haito fuaiti nā ulu haito fuaefa. Na taku e au nā miti ki nā tino fai mea fakataulāitu, kae e hēai he tino o kilātou na ia mafaia oi fakamatala mai te uiga kia te au.”
25Oi na lea atu ai ia Iohefa ki te tupu, “Ko nā miti e lua a koe e fokotahi te uiga; kua fakailoa atu e te Atua kia te koe te mea ka ia faia. 26Ko nā pōvi fafine pepeti e fitu e fakatatau ki nā tauhaga e fitu, ma ko nā ulu haito fuaefa e fitu e fakatatau foki ki nā tauhaga e fitu; e tutuha lava te uiga. 27Ko nā pōvi fafine pāeē magoivia e fitu na ōake ki luga mulimuli ma nā ulu haito e fitu fuaiti ma mamago ona kua velahia i te matagi e hau i te toafa, ko nā tauhaga iēnā e fitu o te oge. 28E vē lava ko taku lea atu—kua fakailoa atu e te Atua kia te koe te mea ka ia faia. 29E fitu ia tauhaga ka lelei ma lahi ai te fuata o nā lākau fātoaga ma lahi te meakai i Aikupito kātoa. 30Kae kāfai e teka atu nā tauhaga iēnā, oi ka hohoko mai ai nā tauhaga e fitu o te oge. Ko te tūlaga lelei ma te lahi o nā meakai nae iei, ka hē toe manatua e he tino auā ka fakakino e te oge te fenua kātoa. 31Ko nā taimi o te lelei ka hē toe manatua lele, auā ko te oge ka pa ki ei, e aloā e fakamātakutaku. 32E iei te māfuaga kua taolua ai au miti; kua tonu i te Atua te taimi e fakatino ai tana fuafuaga, ma kua tafapili mai te taimi e fakatāunuku ai.
33“Ko te mea ia, e tatau ke filifili e koe he tino e ia te ia te poto ma te mālamalama, ke ia pūlea ia Aikupito kātoa. 34E tatau foki ke tofi e koe ni tino ōfiha ki nā koga uma o te fenua, ma ke ao e kilātou te tahi-vae-lima o te fuata i nā tauhaga e fitu e lelei ai. 35Fakatonu ke olo oi fakaputu uma nā haito i nā tauhaga lelei ka pa mai, ma tuku ki ei te pule ke kilātou fakaputua ma teu i nā kakai takitahi uma lele, ma ke leoleo fakalelei. 36Ko te haito ka fakaputu, e fakaleoleo mo te fenua kātoa i te fitu tauhaga e oge ai, tēia ka pa mai ki Aikupito. I te faiga tēnei, ka hē fakakinoa ai te fenua i te oge.”
Kua Tōfia ia Iohefa ma Kōvana o Aikupito
37Ko nā fautuaga iēnei a Iohefa, na talia e te tupu ma ana kaukauna, 38ma na lea vē atu ai te tupu ki ana kaukauna, “E hē kitātou maua he tino lelei e hili atu i lo ia Iohefa, he tino e ia te ia te agaga o te Atua.” 39Ma kua lea atu te tupu kia Iohefa, “Kua fakaali atu e te Atua te mea tēnei kia te koe, oi e manino lele e hili atu te poto ma te mālamalama o koe i lo hētahi tino. 40Ka kō tōfia koe ke pule i toku mālō kātoa, ma ka uhitaki atu kia te koe ia tagata uma. Nā ko au oioti, te ka maualuga atu tana pule i lo koe. #Gāl 7.10 41Nei la, kua kō tōfia koe ma kōvana o Aikupito kātoa.” 42Oi na kave kehe ai e te tupu mai tona muamuālima tana mama fakamau fakailoga, ma tuku ki te muamuālima o Iohefa. Kua fakakofu e ia ia Iohefa i he kofu tatao e fai i te lino#41.42 lino He kie e lalaga mai he itūkāiga lākau ma e hili te lelei e hili te lelei, ma fakakahoa i he filifili aulo.#Tan 5.29 43Kua tuku atu e te tupu kia Iohefa tētahi o ana kaliota ke tiketike ai, ma kua olo ana fitafita ki mua ma taukālalaga vē, “Tōtutuli ki lalo! Tōtutuli ki lalo!”#41.43 Tōtutuli ki lalo Epelu apeleka; e mātau vē ko he kupu Aikupito e tāli tutuha te fakaleoga ma te kupu Epelu mo te ke tōtuli Ma na tōfia ai loa ia Iohefa ke kavea ma kōvana o Aikupito kātoa. 44Kua toe lea atu te tupu kia Iohefa, “Ko au ko Falao, ma e hēai he tino i luga i Aikupito kātoa e hiki hona lima pe he vae, e aunoa ma he fakatagaga mai ia te koe.” 45-46Oi na fakaigoa ai ia Iohefa e te tupu i te igoa Aikupito ko Hapenati Panea, ma fōki ma tana āvaga ko Ahenati, te afafine o Potipela, he ohitāulaga i te kakai ko Ono.#41.45-46 Ono Kua fakaigoa i nā aho nei ko Heliopoli, e i te itū ki mātū o Kailo te laumua o Aikupito
Kua 30 ia tauhaga o Iohefa i te taimi na kāmata ai oi tautua kia Falao te tupu o Aikupito. Na fano kehe ia mai te fale o te tupu, ma kua fano oi āhiahi ki nā koga uma o Aikupito. 47I nā tauhaga e fitu o te lelei, na lahi lele te fuata o te haito na maua mai te fenua, 48ma na fakatonu ai e Iohefa ia tagata ke fakaputu ma teu te haito i nā kakai. I loto o nā kakai takitahi, na fakaputu ma teu e ia i kinā te haito mai nā fātoaga i nā fenua e tuākoi ki ei. 49Ko te lahi o te haito na fakaputu e Iohefa, kua hē mafai ai ke fua te lahi—kua vē ko te lahi o nā oneone o te tai.
50Ka ko hēki pa ki nā tauhaga o te oge, ka kua toka lua ia ataliki o Iohefa mai tana āvaga ko Ahenati, te afafine o Potipela te ohitāulaga o Ono. 51Kua lea vē ia Iohefa, “Kua fai e te Atua te mea tēnei, kae ke hē toe manatua ai e au oku puapuagā ma nā tino uma o te kāiga o toku tamana”; oi na fakaigoa ai e ia tona ataliki matua kia Manahe.#41.51 Manahe Ko te igoa tēnei e tāli vē ko te fakaleoga o te kupu Epelu mo te hē toe manatua 52Na lea vē foki, “Kua fōki mai e te Atua kia te au ni tamaiti i te fenua o oku puapuagā”; oi fakaigoa ai te lua o ona ataliki kia Efalaima.#41.52 Efalaima Ko te igoa tēnei e tāli vē ko te fakaleoga o te kupu Epelu mo te maua ni tamaiti
53Kua pa ki te ikuga o nā tauhaga nae lahi ai te lelei i te fenua ko Aikupito; 54ma kua kāmata te fitu tauhaga o te oge, e vē lava ko te mea na lea ai ia Iohefa. Kua maua uma iētahi fenua i te oge, kae nae iei lava nā meakai i Aikupito kātoa.#Gāl 7.11 55Kua kāmata oi fia kakaia ia tagata o Aikupito, oi na fakatagi ai kilātou ki te tupu mo ni a lātou meakai. Ma na fakatonu ai e ia ia tagata ke olo kia Iohefa, ma ko kilātou ke uhitaki ki ho he mea lava e lea ake ia Iohefa ke fai.#Ioa 2.5 56Kua pēhi te oge i te fenua kātoa, oi na tatala ai e Iohefa nā fale teu haito uma ma fakatau atu te haito ki nā tino Aikupito ona ko te oge kua fakalalahi lava. 57Ko nā tino mai atunuku uma o te lalolagi kua ōmamai kia Iohefa i Aikupito oi fakatau haito, auā ko te oge kua pa ki nā itū uma o te lalolagi.
ప్రస్తుతం ఎంపిక చేయబడింది:
Kenehe 41: TOKU
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible Society New Zealand Charitable Trust
Kenehe 41
41
Kua Fakamatala e Iohefa nā Miti a te Tupu
1Kua teka atu nā tauhaga e lua, kae fai te miti a te tupu ko Falao ko ia nae tū i luga o te kautafa o te Vaitafe ko te Naila, 2kae ōake ki luga mai loto o te vaitafe ni pōvi fafine pepeti ma tino lelei e fitu, ma na kāmata oi kakai i nā mutia vai. 3Ma na toe ōake ki luga mai loto o te vaitafe ni iētahi pōvi fafine e fitu, e pāeē ma magoivia. Kua ōmamai ma tutū i tafa o iētahi pōvi fafine i kautafa o te vaitafe, 4ma na kai ai e nā pōvi fafine pāeē ma magoivia nā pōvi fafine pepeti ma tino lelei. Oi na ala ai loa te tupu. 5Na toe moe te tupu ma toe fai tētahi ana miti. E fitu ia ulu haito fuaefa ma lelei na tutupu ake i he kau haito e fokotahi. 6Na toe tutupu ake iētahi ulu haito e fitu, e fuaiti ma mamago ona kua velahia i te matagi e hau i te toafa. 7Ma na folo ai e nā ulu haito fuaiti nā ulu haito fuaefa. Kua ala te tupu oi na hāfia ai e ia, ko he miti ko ta ia na fai. 8I te tāeao, ko te tupu kua popole lele, oi na fakatonu ai e ia ke kaumai uma lele kia te ia, nā tino fai mea fakataulāitu ma nā tino popoto o Aikupito. Kua taku atu e ia nā miti a ia kia te kilātou, kae e hēai he tino na ia mafaia oi fakamatala te uiga o ana miti.#Tan 2.2
9Oi na lea atu ai te pule uaina ki te tupu, “Kua kō manatua toku hehē i te aho nei. 10I te ita maiga o koe kia te kimāua ma te pule fai falaoa, na fakatonu e koe ke kave kimāua ki te falepuipui i te fale o te takitaki o nā fitafita. 11I tētahi pō, na takitahi fai a mā miti, kae e kehekehe nā uiga. 12Nae iei fakatahi kimātou ma he taumalo Epelu, he pologa e a te takitaki o nā fitafita. Na kimā takua ki ei a mā miti, oi na ia fakamatala maia kia te kimāua nā uiga. 13Ma na taunuku lava nā mea uma na lea mai ai: na toe tuku e koe ia au ki toku tūlaga, kae fakahala e koe i te oti te pule fai falaoa.”
14Oi na fakatonu ai loa e te tupu ke kaumai ia Iohefa kia te ia, ma na kaumai vave ai ia Iohefa mai te falepuipui. Kua uma te tafi o te ava ma fai ona kofu lelei, oi na kaumai ai loa ki mua o te tupu. 15Kua lea atu te tupu kia Iohefa, “E iei taku miti na fai, kae e hēai he tino e ia mafaia oi fakamatala mai kia te au te uiga. Kua fakalogo au e mafai e koe oi fakamatala te uiga o nā miti.”
16Na tali atu ia Iohefa, “Tau Afioga, e hē kō mafaia, kae ka fōki atu e te Atua he tali e malie ai te loto o koe.”
17Oi na lea atu ai te tupu kia Iohefa, “Na fai taku miti ko au nae tū i luga o te kautafa o te vaitafe ko te Naila, 18kae ōake ki luga mai te vaitafe ni pōvi fafine pepeti ma tino lelei e fitu, ma kāmata oi kakai i te mutia vai. 19Na toe ōake ki luga mai te vaitafe iētahi pōvi fafine e fitu, e pāeē ma magoivia. E hēki kō kiteagia lele ni pōvi kua hili te kino i Aikupito kātoa, e vē ko nā pōvi iēnei. 20Kua kai e nā pōvi fafine pāeē ma magoivia nā pōvi fafine pepeti, 21kae e hēki kitea lele he hūiga na pa ki ei, ona na tūmau lava to lātou pāeē magoivia nae iei ai muamua. Oi na ala ai au. 22Na toe moe au, oi fai ai tētahi aku miti. Na kō kitea ni ulu haito fuaefa ma lelei e fitu, e tutupu ake i he kau haito e fokotahi. 23Na toe tutupu ake iētahi ulu haito e fitu, e fuaiti ma mamago ona kua velahia i te matagi e hau i te toafa. 24Ma na folo ai e nā ulu haito fuaiti nā ulu haito fuaefa. Na taku e au nā miti ki nā tino fai mea fakataulāitu, kae e hēai he tino o kilātou na ia mafaia oi fakamatala mai te uiga kia te au.”
25Oi na lea atu ai ia Iohefa ki te tupu, “Ko nā miti e lua a koe e fokotahi te uiga; kua fakailoa atu e te Atua kia te koe te mea ka ia faia. 26Ko nā pōvi fafine pepeti e fitu e fakatatau ki nā tauhaga e fitu, ma ko nā ulu haito fuaefa e fitu e fakatatau foki ki nā tauhaga e fitu; e tutuha lava te uiga. 27Ko nā pōvi fafine pāeē magoivia e fitu na ōake ki luga mulimuli ma nā ulu haito e fitu fuaiti ma mamago ona kua velahia i te matagi e hau i te toafa, ko nā tauhaga iēnā e fitu o te oge. 28E vē lava ko taku lea atu—kua fakailoa atu e te Atua kia te koe te mea ka ia faia. 29E fitu ia tauhaga ka lelei ma lahi ai te fuata o nā lākau fātoaga ma lahi te meakai i Aikupito kātoa. 30Kae kāfai e teka atu nā tauhaga iēnā, oi ka hohoko mai ai nā tauhaga e fitu o te oge. Ko te tūlaga lelei ma te lahi o nā meakai nae iei, ka hē toe manatua e he tino auā ka fakakino e te oge te fenua kātoa. 31Ko nā taimi o te lelei ka hē toe manatua lele, auā ko te oge ka pa ki ei, e aloā e fakamātakutaku. 32E iei te māfuaga kua taolua ai au miti; kua tonu i te Atua te taimi e fakatino ai tana fuafuaga, ma kua tafapili mai te taimi e fakatāunuku ai.
33“Ko te mea ia, e tatau ke filifili e koe he tino e ia te ia te poto ma te mālamalama, ke ia pūlea ia Aikupito kātoa. 34E tatau foki ke tofi e koe ni tino ōfiha ki nā koga uma o te fenua, ma ke ao e kilātou te tahi-vae-lima o te fuata i nā tauhaga e fitu e lelei ai. 35Fakatonu ke olo oi fakaputu uma nā haito i nā tauhaga lelei ka pa mai, ma tuku ki ei te pule ke kilātou fakaputua ma teu i nā kakai takitahi uma lele, ma ke leoleo fakalelei. 36Ko te haito ka fakaputu, e fakaleoleo mo te fenua kātoa i te fitu tauhaga e oge ai, tēia ka pa mai ki Aikupito. I te faiga tēnei, ka hē fakakinoa ai te fenua i te oge.”
Kua Tōfia ia Iohefa ma Kōvana o Aikupito
37Ko nā fautuaga iēnei a Iohefa, na talia e te tupu ma ana kaukauna, 38ma na lea vē atu ai te tupu ki ana kaukauna, “E hē kitātou maua he tino lelei e hili atu i lo ia Iohefa, he tino e ia te ia te agaga o te Atua.” 39Ma kua lea atu te tupu kia Iohefa, “Kua fakaali atu e te Atua te mea tēnei kia te koe, oi e manino lele e hili atu te poto ma te mālamalama o koe i lo hētahi tino. 40Ka kō tōfia koe ke pule i toku mālō kātoa, ma ka uhitaki atu kia te koe ia tagata uma. Nā ko au oioti, te ka maualuga atu tana pule i lo koe. #Gāl 7.10 41Nei la, kua kō tōfia koe ma kōvana o Aikupito kātoa.” 42Oi na kave kehe ai e te tupu mai tona muamuālima tana mama fakamau fakailoga, ma tuku ki te muamuālima o Iohefa. Kua fakakofu e ia ia Iohefa i he kofu tatao e fai i te lino#41.42 lino He kie e lalaga mai he itūkāiga lākau ma e hili te lelei e hili te lelei, ma fakakahoa i he filifili aulo.#Tan 5.29 43Kua tuku atu e te tupu kia Iohefa tētahi o ana kaliota ke tiketike ai, ma kua olo ana fitafita ki mua ma taukālalaga vē, “Tōtutuli ki lalo! Tōtutuli ki lalo!”#41.43 Tōtutuli ki lalo Epelu apeleka; e mātau vē ko he kupu Aikupito e tāli tutuha te fakaleoga ma te kupu Epelu mo te ke tōtuli Ma na tōfia ai loa ia Iohefa ke kavea ma kōvana o Aikupito kātoa. 44Kua toe lea atu te tupu kia Iohefa, “Ko au ko Falao, ma e hēai he tino i luga i Aikupito kātoa e hiki hona lima pe he vae, e aunoa ma he fakatagaga mai ia te koe.” 45-46Oi na fakaigoa ai ia Iohefa e te tupu i te igoa Aikupito ko Hapenati Panea, ma fōki ma tana āvaga ko Ahenati, te afafine o Potipela, he ohitāulaga i te kakai ko Ono.#41.45-46 Ono Kua fakaigoa i nā aho nei ko Heliopoli, e i te itū ki mātū o Kailo te laumua o Aikupito
Kua 30 ia tauhaga o Iohefa i te taimi na kāmata ai oi tautua kia Falao te tupu o Aikupito. Na fano kehe ia mai te fale o te tupu, ma kua fano oi āhiahi ki nā koga uma o Aikupito. 47I nā tauhaga e fitu o te lelei, na lahi lele te fuata o te haito na maua mai te fenua, 48ma na fakatonu ai e Iohefa ia tagata ke fakaputu ma teu te haito i nā kakai. I loto o nā kakai takitahi, na fakaputu ma teu e ia i kinā te haito mai nā fātoaga i nā fenua e tuākoi ki ei. 49Ko te lahi o te haito na fakaputu e Iohefa, kua hē mafai ai ke fua te lahi—kua vē ko te lahi o nā oneone o te tai.
50Ka ko hēki pa ki nā tauhaga o te oge, ka kua toka lua ia ataliki o Iohefa mai tana āvaga ko Ahenati, te afafine o Potipela te ohitāulaga o Ono. 51Kua lea vē ia Iohefa, “Kua fai e te Atua te mea tēnei, kae ke hē toe manatua ai e au oku puapuagā ma nā tino uma o te kāiga o toku tamana”; oi na fakaigoa ai e ia tona ataliki matua kia Manahe.#41.51 Manahe Ko te igoa tēnei e tāli vē ko te fakaleoga o te kupu Epelu mo te hē toe manatua 52Na lea vē foki, “Kua fōki mai e te Atua kia te au ni tamaiti i te fenua o oku puapuagā”; oi fakaigoa ai te lua o ona ataliki kia Efalaima.#41.52 Efalaima Ko te igoa tēnei e tāli vē ko te fakaleoga o te kupu Epelu mo te maua ni tamaiti
53Kua pa ki te ikuga o nā tauhaga nae lahi ai te lelei i te fenua ko Aikupito; 54ma kua kāmata te fitu tauhaga o te oge, e vē lava ko te mea na lea ai ia Iohefa. Kua maua uma iētahi fenua i te oge, kae nae iei lava nā meakai i Aikupito kātoa.#Gāl 7.11 55Kua kāmata oi fia kakaia ia tagata o Aikupito, oi na fakatagi ai kilātou ki te tupu mo ni a lātou meakai. Ma na fakatonu ai e ia ia tagata ke olo kia Iohefa, ma ko kilātou ke uhitaki ki ho he mea lava e lea ake ia Iohefa ke fai.#Ioa 2.5 56Kua pēhi te oge i te fenua kātoa, oi na tatala ai e Iohefa nā fale teu haito uma ma fakatau atu te haito ki nā tino Aikupito ona ko te oge kua fakalalahi lava. 57Ko nā tino mai atunuku uma o te lalolagi kua ōmamai kia Iohefa i Aikupito oi fakatau haito, auā ko te oge kua pa ki nā itū uma o te lalolagi.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible Society New Zealand Charitable Trust