Kenehe 40
40
Kua Fakamatala e Iohefa nā Miti a nā Pāgotā
1I he taimi mulimuli ake, na fai e te pule o nā uaina ma te pule fai falaoa a te tupu, he mea na hē fiafia lele ai te matai o kilāua, ia Falao te tupu o Aikupito. 2Na ita lahi lele te tupu ki nā kaukauna iēnei e toka lua, 3oi na fakatonu ai e ia ke kave te toka lua oi loka i te fale o te takitaki o nā fitafita e leoleoa te fale o te tupu, te mea kua loka ai foki ia Iohefa. 4Na mataloa te taimi na tāofi haihaitia ai kilāua, ma na tōfia ai ia Iohefa e te takitaki o nā fitafita ke fai ma kaukauna kia te kilāua.
5I tētahi pō i te falepuipui, na fai ai a lā miti—te pule o nā uaina ma te pule fai falaoa a te tupu, ma ko nā miti e kehekehe nā uiga. 6I te hauga o Iohefa ki te toka lua i te tāeao, na ia kitea ai te mata popole o kilāua. 7Oi na fehili vē atu ai ia Iohefa ki te toka lua, “Heā te kua mata fakanoanoa ai koulua i te aho nei?”
8Na tali vē mai kilāua, “Na fai a mā miti i te pō, kae e hēai he tino ke ia fakamatala maia nā uiga.”
Oi na lea atu ai ia Iohefa, “Nā ko te Atua oioti te ia fōkia te iloa ke fakamatala ai nā miti. Leamai ake la pe ni miti vēhea ta koulua na fai?”
9Oi na lea atu ai te pule o nā uaina kia Iohefa, “I taku miti, na kō kitea ai he vine i mua o oku, 10ma e tolu ona lālā. Ma na oho ake loa nā lau, kae fofotu ake loa ma nā tiale, ma na pula ai foki ma nā fuāvine. 11Nae tāofi i toku lima te ipu a te tupu; ma na tago ai au ki nā fuāvine oi tatau ki loto o te ipu ma fōki ki te tupu.”
12Oi na lea atu ai ki ei ia Iohefa, “Ko tēnei te uiga o tau miti: ko nā lālā e tolu e mo nā aho e tolu. 13I te tolu o aho, ko koe ka tatala e te tupu mai te falepuipui ma fakamāgalo, ma toe tuku ai koe ki tō tūlaga nae iei ai. Ka fōki e koe tana ipu, e vē lava ko tau gāluega nae fai muamua, ko te pule i ana uaina. 14Kae nahe puli mai kō au fakamolemole, kāfai ka hōloga lelei ia mea uma mo koe; alofa mai kō oi fakailoa ki te tupu e uiga kia te au, ma fehoahoani mai ke tatala au ki tua mai te falepuipui tēnei. 15Auā ko au na kaihohoa mai i te fenua o nā tino Epelu, ma i kinei foki i Aikupito, ko au kua falepuipui kae e hēai haku mea hehē na fai.”
16I te lagona atuga e te pule fai falaoa ko te fakamatalaga o te miti a te pule o nā uaina e lelei, oi na lea atu ai vē kia Iohefa, “Na fai foki taku miti; nae hiki e au ni kete falaoa e tolu i luga o toku ulu. 17I loto o te kete e pito ki luga, nae iei ai ho he itūkāiga falaoa tao mo te tupu, kae na ōmamai nā manulele oi kai e kilātou.”
18Na tali atu ia Iohefa, “Ko tēnei te uiga o tau miti: ko nā kete e tolu e mo nā aho e tolu. 19I te tolu o aho, ko koe ka tatala e te tupu mai te falepuipui—ma tipi kehe tō ua. Ma ka fakatāutau te tinooti o koe i he pou, ma ōmamai nā manulele oi kai e kilātou.”
20I te tolu o aho, ko te aho fānau ia o te tupu, na fai ai tana kaiga lahi mo nā kaukauna uma a ia. Na fakatonu e ia ke tatala mai i te falepuipui tana pule uaina ma tana pule fai falaoa, ma ke kaumai ki mua o ana kaukauna. 21Kua toe tuku e ia te pule uaina i tona tūlaga lava nae iei ai muamua; 22kae kua tāmate te pule fai falaoa, e vē lava ko te mea na lea ai ia Iohefa kia te kilāua. 23Kae e hēki toe fano lele te māfaufau o te pule uaina kia Iohefa—kua puli lele ia te ia he tino vēia.
ప్రస్తుతం ఎంపిక చేయబడింది:
Kenehe 40: TOKU
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible Society New Zealand Charitable Trust
Kenehe 40
40
Kua Fakamatala e Iohefa nā Miti a nā Pāgotā
1I he taimi mulimuli ake, na fai e te pule o nā uaina ma te pule fai falaoa a te tupu, he mea na hē fiafia lele ai te matai o kilāua, ia Falao te tupu o Aikupito. 2Na ita lahi lele te tupu ki nā kaukauna iēnei e toka lua, 3oi na fakatonu ai e ia ke kave te toka lua oi loka i te fale o te takitaki o nā fitafita e leoleoa te fale o te tupu, te mea kua loka ai foki ia Iohefa. 4Na mataloa te taimi na tāofi haihaitia ai kilāua, ma na tōfia ai ia Iohefa e te takitaki o nā fitafita ke fai ma kaukauna kia te kilāua.
5I tētahi pō i te falepuipui, na fai ai a lā miti—te pule o nā uaina ma te pule fai falaoa a te tupu, ma ko nā miti e kehekehe nā uiga. 6I te hauga o Iohefa ki te toka lua i te tāeao, na ia kitea ai te mata popole o kilāua. 7Oi na fehili vē atu ai ia Iohefa ki te toka lua, “Heā te kua mata fakanoanoa ai koulua i te aho nei?”
8Na tali vē mai kilāua, “Na fai a mā miti i te pō, kae e hēai he tino ke ia fakamatala maia nā uiga.”
Oi na lea atu ai ia Iohefa, “Nā ko te Atua oioti te ia fōkia te iloa ke fakamatala ai nā miti. Leamai ake la pe ni miti vēhea ta koulua na fai?”
9Oi na lea atu ai te pule o nā uaina kia Iohefa, “I taku miti, na kō kitea ai he vine i mua o oku, 10ma e tolu ona lālā. Ma na oho ake loa nā lau, kae fofotu ake loa ma nā tiale, ma na pula ai foki ma nā fuāvine. 11Nae tāofi i toku lima te ipu a te tupu; ma na tago ai au ki nā fuāvine oi tatau ki loto o te ipu ma fōki ki te tupu.”
12Oi na lea atu ai ki ei ia Iohefa, “Ko tēnei te uiga o tau miti: ko nā lālā e tolu e mo nā aho e tolu. 13I te tolu o aho, ko koe ka tatala e te tupu mai te falepuipui ma fakamāgalo, ma toe tuku ai koe ki tō tūlaga nae iei ai. Ka fōki e koe tana ipu, e vē lava ko tau gāluega nae fai muamua, ko te pule i ana uaina. 14Kae nahe puli mai kō au fakamolemole, kāfai ka hōloga lelei ia mea uma mo koe; alofa mai kō oi fakailoa ki te tupu e uiga kia te au, ma fehoahoani mai ke tatala au ki tua mai te falepuipui tēnei. 15Auā ko au na kaihohoa mai i te fenua o nā tino Epelu, ma i kinei foki i Aikupito, ko au kua falepuipui kae e hēai haku mea hehē na fai.”
16I te lagona atuga e te pule fai falaoa ko te fakamatalaga o te miti a te pule o nā uaina e lelei, oi na lea atu ai vē kia Iohefa, “Na fai foki taku miti; nae hiki e au ni kete falaoa e tolu i luga o toku ulu. 17I loto o te kete e pito ki luga, nae iei ai ho he itūkāiga falaoa tao mo te tupu, kae na ōmamai nā manulele oi kai e kilātou.”
18Na tali atu ia Iohefa, “Ko tēnei te uiga o tau miti: ko nā kete e tolu e mo nā aho e tolu. 19I te tolu o aho, ko koe ka tatala e te tupu mai te falepuipui—ma tipi kehe tō ua. Ma ka fakatāutau te tinooti o koe i he pou, ma ōmamai nā manulele oi kai e kilātou.”
20I te tolu o aho, ko te aho fānau ia o te tupu, na fai ai tana kaiga lahi mo nā kaukauna uma a ia. Na fakatonu e ia ke tatala mai i te falepuipui tana pule uaina ma tana pule fai falaoa, ma ke kaumai ki mua o ana kaukauna. 21Kua toe tuku e ia te pule uaina i tona tūlaga lava nae iei ai muamua; 22kae kua tāmate te pule fai falaoa, e vē lava ko te mea na lea ai ia Iohefa kia te kilāua. 23Kae e hēki toe fano lele te māfaufau o te pule uaina kia Iohefa—kua puli lele ia te ia he tino vēia.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible Society New Zealand Charitable Trust