Actes 5
5
Ananyas ne Safira
1Mutu wanengu re Ananyas, ne mugatsi andi Safira babe dimosi gu gusumbise gyambe gi awu. 2Ne gulusenu ne mugatsi andi, arare durangu dumosi du doli nandi. Ananyas abege doli tsisale gu bilumbi bi Sesu. 3Tumbe Pyere ne gumwambile re: «Ananyas, watsibulile Sate murime agu. Dibandu gye wafure Dinyuni Diboti? Wutsirare durangu dumosi du doli tsi gyambe. 4Nesi mbere wutserare gyambe gi agu, nesi wutsegisumbise, ne guvage dyotsu di warondi ne doli. Gye wutsibile ne pikilile yine gu murime agu? Sa yetu wutsefure, tumbe Nyambi!» 5Ne gulu mambu mane, Ananyas beruge, afu. Botsu be dyulu begangu ne mune wome. 6Befudu beruge, bepyete gibindi ne tsande, bebege gwetsige. 7Gotsu megwere mereru mevyoge, mugatsi Ananyas ne guruge, aseyabe divyoge. 8Pyere negumwivule: «Nyambili, disumbu re didi nutsesumbisile gyambe?» Ne gwagule: «Yi re dine.» 9Ka Pyere ne gumwambile re: «Gye gi ndyayu ne mulumi agu nutseguluseninu gufure Dinyuni di Fumu? Yulu, abarugili gwetsige mulumi agu beke, ve mune ndagu. Begukubege ndyawu gwandi.» 10Vane ne vane, mugatsi beruge ve byeru bi Pyere, afu. Befudu bingene, bemwene re amafu. Bemubege, bemutsige ve mbeke mulumi andi. 11Dibundu dyotsu ne botsu bulu me vyoge begangu ne wome.
Bimage bi bilumbi bi Sesu
12Mbili ndimbu tsi bimage ne mambu meneni me vagange bilumbi bi Sesu vegari bumongu. Batu besinge Nyambi be bengunange mbure mosi mu bilembi bi Salomu. 13Tumbe gu sabe mutu wube ne karu bambeme nawu. Lavane batu botsu be bedumisange. 14Mbili batu, bebagele ne begetu bene gitu gi Fumu, besobegene ne besinge Fumu mbetsi. 15Be begange bibedu mu mimbambe, bi sunzungu mu tangi, mu metogu. Mbare, batu babange ne gitu reve guvyogile Pyere nesi gidunze gi andi pasi gi mabembe nesi wumosi vegari awu. 16Mbili batu berugilange mu mimbu me beli ne Serisalem. Be begange bibedu ne batu be ne menyuni mabi, botsu be beluge.
Bilumbi bi Sesu byagangu, Nyambi negubobule
17Vane givunde gi bevegitsi be pagu ne botsu be nandi, mu dibundu di Saduseyi, babe ne digwavi, ne dibagi di guvage dyotsu dibapikili. 18Begange bilumbi bi Sesu bebevere gu nzugu ve misu me batu botsu. 19Tumbe, dibeti, yanze Fumu tsibule mune ndagu nzugu, yivuduse bilumbi bi Sesu ne gubambile re: 20«Yendanu gu ndagu Nyambi. Vane, yambilanu bumongu mambu motsu me monyu wone.» 21Bilumbi bi Sesu begobise. Mekyele meneni, bende gu ndagu Nyambi, bepakile nenze.
Gigumbi gine, givunde gi muvegitsi pagu ne botsu be nandi berombe dibundu di batu batabuli misosu. Sige berume gori tsi ndagu Nyambi gwebonge bilumbi bi Sesu gu nzugu, 22tumbe ne guvuduge, bese beragunu. Begabuge gu ndagu migage gwegwambile re: 23«Dutseragene nzugu yi bandeme dikengi. Beraritsi be nzugu mu wusu minemindagu, tumbe ve dutsitsibulile, duseragene mutu gu gari.» 24Givunde gi beraritsi be ndagu Nyambi ne bivunde bi bevegitsi be pagu ne gulu nane, bekumame gukyelu bilumbi bi Sesu. Bekwe gwivusenange nevu divyogile. 25Vane mutu ruge abambile re «Batu be nutsevere gu nzugu beke gu ndagu Nyambi negunenzange bumongu!»
26Vane givunde gi gori yende ne gori tsi andi. Begabuse bilumbi bi Sesu, pembi ne polu, mbare bedumange bumogu gubetinde memani. 27Gori negubege bilumbi bi Sesu ve wusu batu batabuli misosu. Givunde gi bevegitsi be pagu negubivule. 28Yandi re «Dutsenugandise gunenze gu dine di mutu wune, tumbe yenu, nwabase Serisalem ne ginenzitsi gi enu! Nwarondi re dufu du mutu wune du singemi gu yetu!»
29Pyere ne bilumbi bimosi bagule: «Nonge gobise Nyambi ke digugobise batu. 30Yenu, nuboke Sesu ne gumugomine mu kurusu, tumbe Nyambi begulu betu yi murambuse gu dufu. 31Nyambi munangule gu mebagele mandi negumubyatse givunde ne mwobutsi, nonge bumongu bu Iserayel bukaluli mutsageninu wandi negubunzule mabi mandi. 32Du mbeyi tsi motsu mane, yetu ne Dinyuni Diboti, di Nyambi vege bamugobisi.»
33Ve batu batabuli misosu bulilu mambu mane, betibe kabu beronde bokise bilumbi bi Sesu. 34Tumbe vegari awu, mutu retseme. Mwisi dibundu di Farisi wanengu re Gamalyele givunde gi migage, bumogu bwotsu bwamugobisi. Avege dinyange di guvuduse bilumbi bi Sesu mwe gigumbi. 35Abambile re «Batu be Iserayel, nu bandekene di nwarondi vage batu bane. 36Ve sabe gitsinge, dulabile mutu wanegu re Tedas. Wu kwekudumisange, gotsu kame yine tsi batu bemubinge. Tumbe akuboku, botsu babe nandi benegwende mekulegeni. 37Ve nzime andi, dulabe Suda mwisi Galile. Abege yandi gwandi mbili batu nandi. Gigumbi gi givunde gi kanangu avege dinyange di gurange batu be musyengi andi. Tumbe Suda afu yandi gwandi, botsu babe nandi bepanzegene ne bulongu. 38Sige, nikanwambili, nuyasingene ne batu babe besilyanu gwende. Pasi re pikile tsi awu ne mebavagi marugili gu batu megutsyemuge. 39Tumbe pasi re marugili gu Nyambi, nusabenze metsyemune. Nubandekene, mbare Nyambi tsatse duragunu mu dibundu di batu bamuvini!» Batu batabuli misosu besinge ditsegwambile Gamalyele. 40Berugise bilumbi bi Sesu, be bedimbise. Bebegandise gukunde gwambile gu dine di Sesu, sige bebesile.
41Bilumbi bi Sesu busuge ndagu ya tabulilu misosu. Botsu ne munganzu mbare Nyambi tsebene re bebenze kenge gu dine di Sesu. 42Wisi wotsu, gu ndagu Nyambi ne mu ndagu, bevagange ka gunenze ne gwanze musamu boti wu Sesu Kirisete.
ప్రస్తుతం ఎంపిక చేయబడింది:
Actes 5: SWJ
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
