Actes 22
22
1«Bane be Iserayel ne be tate, yulwanu di nika nwambili nekyawu gu gukwekane.» 2Negulu re agabambili dilongu di Sif, gusekunde gube duvogusu. Pol negukunde gwambile re 3«Menu ni Sif, niburilu ve Tarese gu yadi Silisi, nibungulilu gugu gu Serisalem, Gamalyele re yibe munenzi ami, wunenze dikengi guyabe mugage begulu betu. Nibange nibase ne digibe mu mambu me Nyambi, neve nuvu nemuni. 4Nikwanange batu bebingange nzile Fumu, kwange gu dufu. Nigangisange ne bebagele ne begetu gu bevere gu nzugu. 5Givunde gi muvegitsi pagu ne dibundu dyotsu di bivunde be mbeyi tsi ami. Bepege ne bisangumu bipegange dinyange di gugangise bane be taye be Sif be Damase. Vane, nyende gu yadi yine, mbere nironde gwe gangise bebingitsi be Sesu, ne gubebege betungu gu Serisalem, gu gubekengise.
Pol gagwambili neve rombilu ne Fumu
6Nibe mu nzile, beli guvuduge gu Damase. Vane ne vane, gigumbi gi dyumbi gabili ve yulu muru, giyalele gineni girugilange gu nzambi gi nzyenge. 7Niberuge, nyulu dyufi dinyambile re “Sol, Sol, gye gi wakwanini?” 8Nivule, “Fumu, ndya nye?” Dyufi dinyagule re “Ni Sesu yi Nasarete yi wakwani.” 9Ababe gilonge nami belabe giyalele, tumbe beseyulungu dyufi di mutu wambilange nami. 10Nivule, “Fumu, anivagi tsye?” Fumu nyagule re “Rambuge, yende gu Damase, vane, begukwambile me wuguvage.” 11Neve giyalele gine gipege pafu, batu babe nami gilonge, bekange mu dikake, bembegise gu Damase.
12Gune, gube mutu wunengungu re Ananyas, mutu wugobisange Nyambi ne mugage Moyise. Sif tsyotsu tsi Damase bemurondange. 13Ananyas yitsetagene, anyambile re “Sol, mwate, misu magu melabi!” Vane ne vane, misu me tsibuge, nimwene. 14Anyambile gwandi re “Nyambi begulu betu, akusale ngenze, nonge wukuyabe tondeni andi, wukulabe mutu wusungeme Kirisete ne gulu dyufi di andi. 15Mbare wugube mbeyi andi yi gwanze gu batu botsu, motsu me wutselabe ne gulu. 16Sige vave, gye guvingile? Rambuge, batisu, lembe Fumu, mabi magu motsu megungu.”
Pol gagwambili neve aruminu gu batu be sandi Sif
17Sige nigabuge gu Serisalem. Wisi mosi, nilembange gu ndagu Nyambi, nibe ne dyeni nilabe Fumu. 18Anyambile re “Vure negusuge ve Serisalem, mbare batu be yadi yiyi besagusinge bumbeyi bu agu gukyelu ami.” 19Nyagule, “Fumu, bayabi dikengi re, nyendange mu ndagu tsi ndembu gwene gange botsu bekuvagilange gitu, nibeverange gu nzugu ne gubedimbise. 20Nesi ve Etyene mbeyi agu abokilu, nibe vane menu gwami. Nibe gyari gimosi ne batu bemuboke, nirare nesi bidwatu bi awu.” 21Fumu nyambile re “Yende, nyakurumi tage, gu batu be sandi Sif.”»
Pol ne gidyeti gi dibundu di gori gi Rom
22Bumongu belimbilile Pol kwange ne ve ayambilile dyambu di batu be sandi Sif. Vane botsu bepakile gwamuge, «Muboki anu, a sandi ne dinyange di gube monyu mu butambe.» 23Bamugange, bebumange bidwaru bi awu gu yulu, bemwagange difufundu. 24Vane gidyeti gi dibundu di toseni gori gi Rom avege dinyange didi, «Yingisanu Pol gu ndagu gori, mudimbi anu tswale, nonge akwambile, nyarondi yabe dibandu di bumongu bwagwamugili nane gukyelu andi.» 25Tumbe ve bemutungilange gu gumugube tswale, Pol negwambile givunde gi dibundu di kame gori gibe vane re «Nune dinyange di gukube tswale, menu mwisi Rom, wu yenu nusatabulilu bumbanze?» 26Ve ayulilu nane, negwegwambile gidyeti gi dibundu di toseni gori, «Gye gi mbere wukavagi? Mutu wuwu mwisi Rom!» 27Vane, gidyeti gi gori negutse ragene Pol, amwivule, «Nyambili, wu mwisi Rom?» Pol yagule «Yi.» 28Gidyeti gi gori mwambile re «Menu, nivane mbili doli gu gukaluge mwisi Rom.» Pol yagule re «Menu, ni mwisi Rom guburu.» 29Vane ne vane gori mbere tsi dimbe Pol gu gumwambitse tsi rageme. Gidyeti gi gori neguyabe re atsetungise mwisi Rom ne pange abe ne medume.
Pol ve wusu dibundu di batu batabuli misosu
30Gidyeti gi gori aronde yabe dikengi dyambu di Sif befurigile Pol. Mbogwali, amunyanguse pange. Sige agukige bivunde bi bevegitsi be pagu ne dibundu di batu batabuli misosu. Sige bebege Pol ve wusu awu.
ప్రస్తుతం ఎంపిక చేయబడింది:
Actes 22: SWJ
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
