Actes 11
11
Misamu mi Pyere ve wusu dibundu di Serisalem
1Bilumbi ne bane be Nyambi be gu Sudé bulu re ne batu be sandi Sif basinge yawu gwawu, musamu Nyambi. 2Ve Pyere gabugile gu Serisalem, Sif tsi bane be Nyambi bemusyembe re 3«Wutsegwingene gumbu batu be sandi Sif wutsiye nawu, lavane, digandisu mu mugage Moyise!» 4Vane Pyere negubambile nevu mevyogile pakile ve dibandu. 5«Nibe gu yadi Safa negulembange, ve nyalabile gu ndosi givave gyarugili gu nzambi gisunde gutsyelu ami gere girini gi tsande, gigangu kodu ne kodu, giruge kwange ve menu. 6Nigengile dikengi nilabe bibulu bi byeru bine, bibulu bi musiru, dibure nyoge ne nyoni. 7Nyulu dyufi dinyambile re “Pyere, rambuge, boke, yange!” 8Tumbe nyagule re “Vyage, Fumu! Gusandi giguye gingitsi ne gisumuge gyame gwingene gu munu ami.” 9Dyufi dikunde gulunu gu nzambi: “Agi Nyambi gavagi re gise sumuge wuyapikile re gisumuge.” 10Dikunde labene nyongu yireru. Vane byotsu bipande gu nzambi. 11Gigumbi gyeni gyamosi, batu bereru beruminu gu Sesaré gutse mbonge beruge gu ndagu yi dube. 12Dinyuni Diboti dinyambile re yende nawu wuyagagene. Bane be Nyambi basyamenu babe, be nzebege gunu, bende nami gu Sesaré dwingene yetu botsu gu ndagu Korneye. 13Yulu me Korneye dwambile: “Nzilabe yanze gu ndagu ami yi nyambile re Rume batu gu Safa gu gurugise Simu, yi lugu Pyere. 14Agukwambile mambu me Nyambi gukwobulile, ndyayu ne ndagu agu yotsu.” 15Ve nipakile gwambile ne Korneye ne gilonge gi andi, Dinyuni Diboti di besundile, nevu di dusundile gu dipakililu. 16Vane reve nyarangemine dyambile Fumu re “San nubatise mu mambe, tumbe yenu negubatisu mu Dinyuni Diboti.” 17Nyambi bevege Dinyuni Diboti di aduvege gwandi ve dwavagile Fumu Sesu Kirisete gitu. Nibe nye gu gubuse di Nyambi garondi?» 18Ne gulu kalu yine, besunze mirime be gitse Nyambi re «Kabe ngenze, Nyambi vege gwandi batu be sandi Sif dinyange digukalule mutsageninu negudile monyu ngenze.»
Dibundu direge di batu be sandi Sif gu Atyose
19Dikwanu dibe gigumbi gi bokilu Etyene, dibakige bane be Nyambi gupanzegene. Bemosi ve yawu bende kwange gu Fenisi gu Sipere ne gu Atyose, tumbe bekunenzange ke Sif musamu Nyambi. 20Tumbe, bemosi, bisi Sipere ne Sirene, bende gu Atyose benenze musamu boti wu Fumu Sesu gu batu be sandi Sif. 21Ndure yi Fumu yibe nawu, re dibandu mbili batu babile ne gitu ne gugeluge gu gyari gi Fumu. 22Dibundu di Serisalem ne gulu nane berume Barenabase gu Atyose. 23Barenabase ne guruge, ve alabile gyesi gi Nyambi mu dibundu, ayulu mugangu nemi, abegaremuse gube kundi tsi Fumu ne murime mosi. 24Barenabase abange mutu boti, wu base ne Dinyuni Diboti ne gitu. Mbili batu bedengu gu Fumu.
25Barenabase yende gu Tarese gwekebe Sol. 26Ve amwenine, amubege gu Atyose. Bevyose mupume ne pundu gu dibundu ne gunenzange mbili batu mu gitu. Gu Atyose ve bebingitsi benengu direge re Kereti. 27Gigumbi gine bebigitsi berambuge Serisalem bende gu Atyose. 28Wumosi wanengu re Agabis, ne ndure Dinyuni Diboti abigise re ne mepape gu gube mundale neni mu butambe bwotsu. Mundale wube gigumbi gi Kolode yibile givunde gi kanangu. 29Bebingitsi ne gulusenu re beguvege mutu mutu gigange dikake gu gutinde gu gyamuse gi bane be Nyambi batsageni Sudé. 30Re dibevage, ne gutinde menive mane gu bivunde bi dibundu di Sudé ne Barenabase ne Sol.
ప్రస్తుతం ఎంపిక చేయబడింది:
Actes 11: SWJ
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
