PATADA 1
1
Uneki waʼa mpatada i Ncalomo
1:1-6
1 #
1 Raj. 4:32
Ewaseʼi waʼa mpatada ungka ri Salomo ana i Daudi, mokole nto Isaraeli. 2Anu natinako ndaya inceʼemo mantotoraka tau da naka naincani ewambeʼi tau anu ndatoʼo loʼe, naincani ada ngkatuwu pai nakoto marata ndaya posoki mpau anu mayombu. 3Waʼa mpatuju seʼi mampaguru tau da naka tuwu ewa tau loʼe, manoto rayanya, mayoa pai monco. 4Tau anu bareʼe gana parata ndayanya ndapagaru da naka mataja ponawa-nawanya, pai tau anu mangura ndapagaru da naka mewali tau anu ganamo tinuwunya. 5Waʼa mpatada seʼi marangani kaloʼe ntau anu lawi loʼemo pai mamponinika tau anu gana pegurunya. 6Ane ewanceʼe da nakoto ntau seʼe marata ndaya waʼa uneki mpau anu lau tesambuni ri raya waʼa mpatada pai marata ndaya anu natoʼo waʼa ntau loʼe mokenta pai nunjaa anu napekune ntau seʼe.
Patada tila ntau mangura
1:7-19
7 #
Ayu. 28:28, Pol. 111:10, Pat. 9:10 Jaya da naka ndarata kaloʼe anu monco, riu-riunya tau setu sangaya-ngaya da lau ri petubunaka pai pampokaeka i Pue. Tau anu tengo bareʼe napodaraya kaloʼe ndaya pai bareʼe napokono ndapaguru.
8Pedongeka nunjaa anu natoʼo mpapamu pai inemu ri siko, anaku, 9maka waʼa ntotoraka ntau seʼe marangani da kadago engkomu daʼewa tali pai enu anu mampakadolidi taʼamu.
10Ane reʼe tau masalaa mangkanarasi siko, anaku, neʼe kojo boi nululu pekanarasinya seʼe. 11Rapanya natoʼoka siko, “Maʼimo da tapampepali tau anu da tajaʼati. Podo molega-lega, maʼi datapaewa tau anu bareʼe masala. 12Wawaseʼi madago ngkatuwu ntau seʼe pai madonde-donde, paikanya ripurinya da santongo mate katuwunya. 13Tatima waʼa aga-aga ntau seʼe anu masuli olinya da naka buke banuata paiwaʼa aga-aga anu ndapamuuru. 14Maʼimo lulu kami! Wuwunya anu taleʼo mampangangka naini da tatila nciwia!”
15Neʼe kojo boi nululu waʼa ntau anu ewancetu, anaku! Tilawangi tau seʼe. 16Bareʼe madago naepe ntau seʼe ane bareʼe napowia jaʼa. Masawoyo raya ntau seʼe da ronga mepepate. 17Sakopa tonci bareʼe da kono tolia ane naole-ole ndapantaʼa. 18Paikanya waʼa ntau majaʼa setu mantaʼaka koronya ngkalionya tolia anu da mampakarugi koro ntau seʼe. 19Lawinya, tau anu mojampa mampepepali anu da nakatuwuka, inosanya ngkalionya da napombayarika.
Oni nganga ngkaloʼe ndaya
1:20-33
20 #
Pat. 8:1-3
Pendolinga! Loʼe ndaya maboo ri santuntu njaya pai mekiu-kiu ri tana lapa! 21Siʼa meboo ri waʼa baa-baa pai ri kareʼe anu madoro:
22“Ee waʼa ntau tengo ara masaepa da kaʼewancetumi? Impia nepa da tebalisaka katengomi pai bareʼe ndipokono meguru? 23Da ndipedongekamo ane kuseko komi, maka da kutoʼoka komi bangani ngayaku pai da kupaguruka komi kaloʼe ndayaku. 24Roo kupeboo komi, paikanya bareʼe ndipedongeka pai bareʼe ndilinga. 25Pura-pura patujuku bareʼe ndilulu pai pesekoku bareʼe ndipedongeka. 26Inceʼe painaka anu marugi komi, da kupopogeleka komi. Ane merata ekami da kupasinggiri komi. 27Monco kojo da kupasinggiri komi ane merata eka ndayami pai mapari ndiepe napere rugi anu merampe ewa ropo buya wawo. 28Ri tempo setu nepa da ndipeboo yaku, paikanya bareʼe da kusono. Ri mbeʼi ntano da kanjoʼumi mampepali yaku paikanya bareʼe da ndirata. 29Komi ewa tau anu bareʼe liu-liu napokono ndapaguru, pai bareʼe ndipokono mepoʼinaya ri Pue. 30Bareʼe liu-liu ndipokono mampedongeka waʼa mpatujuku bara da mampedongeka apa waʼa mpesekoku. 31Inceʼe painaka da ndikoyo sili waʼa mpowiami pai waʼa ntangara ndayami anu bareʼe madago. 32Tau anu bareʼe gana pangaincaninya da mate ri kabareʼenya napedongeka yaku, pai tau tengo da malesa ri kabareʼenya nalinga yaku. 33Paikanya tau anu mampedongeka pauku siʼa da tuwu. Da uono katuwunya pai bareʼe da maeka.”
