PAIMBA 29
29
Panyomba ri posusa Taʼu Dawoʼu
29:1-6
(Tad. 23:23-35)
1Ri waʼa eo mbuya wuya kapapitu komi da mompasambaka manyomba, pai bareʼe maya motetala manee. Ri tempo setu waʼa surupeta sangaya-ngaya da ndatawuisi. 2Panyombakamo ri Pue panyomba anu ndaʼombasi, inceʼemo sambaʼa japi laki anu mangurapa, sambaʼa bimba laki, pai papitu ana bimba laki anu nepa santaʼu tinuwunya, pura-pura setu neʼe reʼe posarinya. Wau mpasoa panyomba setu pampakawongko raya i mPue. 3Panyombaka woʼu panyomba anu motaʼa pangkoni anu bemaya ane bereʼe, inceʼemo tarigu ndagaloka lana saitu, tatogo kilo tarigu anu sambaʼa japi laki, radua kilo anu sambaʼa bimba laki 4pai sambaʼa kilo anu sambaʼa ana bimba. 5Panyombaka woʼu sambaʼa mbula laki tila ngkabareʼenya ndakitanaka salaa. Inceʼe da ndiwianaka upacara pangasompo salaa ntau sondo. 6Waʼa mpanyomba setu mewali pondangani ri waʼa mpanyomba anu ndaʼombasi anu ndapanyombaka sangkani-ngkani pai panyomba anu motaʼa pangkoni, ri sambaʼa eo mbuya sambuya-sambuya. Inceʼe woʼu motaʼa pondangani panyomba anu ndaʼombasi sandeme-sandeme anu ndapanyombaka sangkani-ngkani pai pangkoni pai ue anggoro. Wau mpasoa mpanyomba anu ndaʼombasi setu mampakawongko raya i mPue.
Panyomba ri eo mpangasompo salaa
29:7-11
(Tad. 23:26-32)
7 #
Tad. 16:29-34
Ri sampuyu eo mbuya wuya kapapitu komi sangaya-ngaya da mompasambaka mawianaka panyomba. Saeo setu komi da mopuasa pai bareʼe maya motetala. 8Panyombakamo ri Pue sambaʼa japi laki mewali panyomba anu ndaʼombasi anu mangurapa sambaʼa bimba laki pai papitu ana bimba laki anu tinuwu santaʼu, pura-pura anu bereʼe posarikanya. Wau pasoa mpanyomba setu mampakawongko raya i mPue. 9Panyombakamo pangkoni anu bemaya ane bereʼe, inceʼemo tarigu ndagaloka lana saitu. Tatogo kilo tarigu mayunuki sambaʼa japi laki, radua kilo tarigu mayunuki sambaʼa bimba laki, 10pai sambaʼa kilo tarigu mayunuki sambaʼa ana bimba. 11Panyombaka woʼu sambaʼa mbula laki tila Upacara pangasompo salaa ntau sondo, incetu bareʼepa tesua panyomba pangasompo salaa pai panyomba anu ndaʼombasi sandeme-sandeme sangkani panyomba motaʼa pangkoni pai panyomba ue anggoro anu da ndapanyombaka sandeme setu.
Panyomba ri Posusa mPokuani
29:12-40
(Tad. 23:33-44)
12 #
Pa. 23:16, 34:22, Paw. 16:13-15 Ri sampuyu pai alima eo mbuya wuya kapapitu komi pura-pura da mompasambaka mawianaka panyomba, pai bemaya motetala manee. Papitu eo kasaenya da posusami mabangkei i Pue. 13Ri eo anu kaʼisa ndipanyombaka ri Pue panyomba anu ndaʼombasi inceʼemo sampuyu pai tatogo japi laki anu mangurapa, radua bimba laki anu mangurapa pai sampuyu pai aopo ana bimba laki anu nepa santaʼu tinuwunya pura-pura setu bereʼe posarinya. Wau mpasoa panyomba setu mampakawongko raya i mPue. 14Pai panyombaka woʼu panyomba motaʼa pangkoni anu bemaya ane bereʼe inceʼemo tarigu ndagaloka lana saitu: tatogo kilo tarigu da mayunuki sambaʼa laki, radua kilo tarigu mayunuki sambaʼa bimba laki, 15pai sambaʼa kilo tarigu mayunuki sambaʼa ana bimba. Sangkani-ngkani pai pampanyombaka pangkoni setu sangaya-ngaya da ndapanyombaka woʼu ue anggoro gori ngkagananya. 16Bareʼepa tesua pai ncetu ndapanyombaka woʼu sambaʼa mbula laki tila mpanyomba katesompo salaa. Panyomba setu inceʼe pondangani panyomba anu ndaʼombasi sandeme-sandeme sangkani pai panyomba anu motaʼa pangkoni pai panyomba ue anggoro.
17Ri eo anu karadua ndipanyombaka sampuyu pai radua japi laki anu mangurapa, radua mbula laki, pai sampuyu pai aopo ana bimba anu nepa santaʼu tinuwunya, pura-pura neʼe reʼe posarinya. 18-19Ndipanyombaka woʼu sangkani-ngkani pai inceʼe pura-pura waʼa mpanyomba anu ntaninya ewa anu da ndapake ri eo anu kaʼisa.
20Ri eo anu katatogo ndipanyombaka sampuyu pai sambaʼa japi laki anu mangurapa, radua bimba laki pai sampuyu pai aopo ana bimba laki anu nepa santaʼu tinuwunya pura-pura setu neʼe reʼe posarinya. 21-22Ndipanyombaka sangkani-ngkani pai waʼa mpanyomba ntaninya ewa anu ndipake ri eo anu kaʼisa.
23Ri eo anu kaʼaopo ndipanyombaka sampuyu pai sambaʼa japi laki anu mangurapa, radua bimba laki pai sampuyu pai aopo ana bimba laki anu nepa santaʼu tinuwunya, pura-pura setu neʼe reʼe posarinya. 24-25Sangkani-ngkani pai inceʼe ndipanyombaka woʼu pura-pura waʼa mpanyomba ntaninya ewa anu ndapake ri eo anu kaʼisa.
26Ri eo anu kaʼalima ndipanyombaka sasio japi laki anu mangurapa, radua bimba laki, pai sampuyu pai aopo ana bimba laki anu nepa santaʼu tinuwunya, pura-pura setu neʼe reʼe posarinya. 27-28Sangkani-ngkani pai inceʼe da ndipanyombaka woʼu pura-pura waʼa mpanyomba ntaninya ewa anu ndipake ri eo anu kaʼisa.
29Ri eo anu kaʼaono ndipanyombaka uayu japi laki anu mangurapa, radua bimba laki, sampuyu pai aopo ana bimba laki anu tinuwunya nepa santaʼu, pura-pura setu neʼe reʼe posarinya. 30-31Sangkani-ngkani pai inceʼe woʼu da ndipanyombaka pura-pura panyomba anu ntaninya ewa anu ndapake ri eo anu kaʼisa.
32Ri eo anu kapapitu ndipanyombaka papitu japi laki anu mangurapa, radua bimba laki, sampuyu pai aopo ana bimba laki anu nepa santaʼu tinuwunya, pura-pura neʼe reʼe posarinya. 33-34Sangkani-ngkani pai inceʼe da ndipanyombaka woʼu pura-pura panyomba ntaninya ewa anu ndipake ri eo anu kaʼisa.
35Ri eo anu kaʼuayu kami da mompasambaka da mangawianaka panyomba pai bareʼe maya motetala manee. 36Ndipanyombaka ri Pue panyomba anu ndaʼombasi sambaʼa japi laki anu mangurapa, sambaʼa bimba laki, pai papitu ana bimba laki anu nepa santaʼu tinuwunya, pura-pura setu neʼe reʼe posarinya. Wau mpasoa panyomba setu mampakawongko raya i mPue. 37-38Sangkani-ngkani pai inceʼe ndipanyombaka woʼu pura-pura waʼa mpanyomba ntaninya ewa anu ndipake ri eo anu kaʼisa.
39Incetumo podede mpadika kono panyomba anu ndaʼombasi, panyomba anu motaʼa pangkoni, panyomba ue anggoro, sangkani pai panyomba mpombekadago anu sangaya-ngaya da ndipanyombaka ri Pue ri waʼa mposusami anu roo ndapakanoto. Waʼa mpanyomba setu mewali pondangani waʼa mpanyomba anu ndipanyombaka da bangani tanga bara panyomba ngkabuya ndaya.
40Naparata i Musa ri waʼa nto Isaraeli wuwunya anu ndapesongkaka i mPue ri siʼa.
