YESAYA 4
4
1Sindara setu da reʼe weʼa papitu da mangkekeni sambaʼa tuama da natoʼo, “Iokamo, kami da mangaku kasikonya langkai mami, da naka neʼe kami mangkoyo ea ua bareʼe molangkai. Pangkoni pai porengko kami ngkalio mami da mampepali.”
Yerusale da ndawali wangu
4:2-6
2Da rata temponya i Pue da mampalimbokori waʼa mpinamuya pai waʼa ngkaju da tuwu mewali bangke pai meawa ri tana seʼi. Ri eo setu to Isaraeli anu tesorepaka da mawongko rayanya pai madonde rayanya ua pandata ri pojamaanya. 3Wuwunya tau anu ndapalaika ri Yerusale, waʼa ntau anu ndapilisi i mPue Ala da ndasorepaka, pai da ndatoʼo magali. 4Ua kakuasaa i Pue da mangabotusi pai da mampakagali waʼa ntaua. Sira da mangampakagali Yerusale ungka ri daa waʼa ntau anu ndapepate ri kota setu. 5#Pa. 13:21, 24:16 Nepa ri wawo Pongku ntana Sioni pura-pura tau anu mompasambaka njairia, da ndamoutika i mPue limu ri ndeme, rangasu pai rekanya da merara ri wengi. I Pue Ala pue ngkaita ua kuasaa da mangantoruni pai mangkariani sandaya ngkota setu. 6Ri kaʼai ngkaramedanya ane mareme, Sira da mamouti, pai da kareʼe pampemouka uja marombo pai lompiu.
