Kenesis 3
3
1Im neskil yeti nĭmpiri mōmu ra nūrah sū ra netē nūrū sū mori Iehōva Nōbū yĭpmumpi, miyi yĭmenūwi pugi nasiven memokū, Itnesog kū? Iehōva yĭmenūwi memokū, Kūtū oneni nē sū omwisū ran denūok ku? 2Im nasiven yĭmtamsi pugi neskil memokū, Ka kū oneni novūan nē sū ran denūok, 3kō ra novūan nē mori ĭlebōteven denūok Iehōva yĭmenūwi memoku, Kūtū onĭmpe mori, kūtū osugkori, kū ĭtnesog kĭmi kūamas.
4Im neskil mori yōmenūwi pugi nasiven memokū, Tawi, 5kĭmi kūtū amas; popōwo Nōbū umagkili magkū ran dan mori kĭmi kū onen ĭmpe kūanelampalam neme?-?temi, ĭm kĭmi kūantepū sugkū Nōbū worokili aremī ĭm sat.
6Im nasiven mori yĭmokesi nē mori aremī nĭmsĭn nevag, ĭm nĭlaswi, ĭm nē worelasĭvian worevī nōĭntanwi ugi, miyi yĭmesevi novūan enĭmpe mō meni, mō movugi asūon eni sugkū ūndū iyi, miyi yeni. 7Im nimĭmda dūti nelampalam, mirora dūkili ma iroran dūavan e wokon, mirora dūteri nugkelĭn natug mō mumpi ov numpelat nĭsekonda.
8Mirora dūrĭgi navian eni Iehōva umprokavan ran denūok ra nĭmpugon nariovcyū, miyi neteme ĭm retepon eni dūamon marugi nĭpmi eni Iehōva Nōbū ĭlebōteven nē sū ran denūok.
9Im Iehōva Nōbū yovrugi neteme mori memokū, Ia kĭk? 10Miyi yĭmtamsi pugi memokū Ya orĭgi naviam ran denūok ĭm ya kumtetug Kĭk popōwo ya avan e wokon; ĭm ya amon.
11Miyi yōmenūwi pugi memokū, Mē onūwi pug kĭk memokū, kĭk avan e wokon? Kĭk oni novūan nē mori yx mĭmpasewug kĭk mokū, Kotū onĭmpe, kū? 12Miyi neteme yōmenūwi memokū, Nasiven mori kimovo‐yx woretĭndōwi ūndū yx, yovo‐yx enĭmpe ĭm ya oni.
13Im Iehōva Nōbū yōmenūwi pugi nasiven memokū, Tiē imō kĭk umpi? Im nasiven mori yĭmenūwi pugi memokū, Neskil mori yĭmpirĭgi yx im ya oni.
14Im Iehōva Nōbū yenūwi pugi Neskil memokū, Popōwo kĭk umpi imō kĭk oti navoret tamas mōmū ra ovnūrah sū ra netē nūrū sū, ĭm ran tan netnĭn enugkĭk kontavekarara, ĭm kĭk oneni navivon dan sū omwisū enugkĭk. 15Im ya kantipe nakan ilebōteven kĭk ĭm nasiven, mĭlebōteven ov novsen enugkĭk ĭm Novsen eni nasiven. Iyi mori ontandokon numpūm, ĭm kĭk ontandokon masūri eni.
16Miyi yōmenūwi pugi nasiven mori memokū, Ya kantipe nesorūn tamas iram, ĭm nasx ugi netum; kĭk amol ovun nĭtumo ugi sokomulepwi, ĭm kĭk onelasĭvian asūm miyi onari‐sah iram.
17Miyi yōmenūwi pugi neteme mori memokū Popōwo kĭmovendegugi navian eni retepmi, mō meni novūan nē mori yx mĭmpaseug‐kĭk ugi memokū, Kĭk otū onenĭmpe, oti navoret nemap popōwo kĭk umpi imō, ĭm konen‐ĭmpe marugi pe ra nesorū dan sū omwisu enugkĭk. 18Nemap onteli gĭmpe ōvun nĭmratx ĭm topavū sat ĭm kĭk oneni ov nugkelĭn nē sū ran denūok. 19Ra nenora nĭmtum kĭk oneni yōūp mafeli nĭmpugon kĭk ōmĭntorĭleki ra nemap; ĭt kĭmeti‐nevī marugi nemap; ĭt kĭk navivon nemap ĭm kĭk ōmĭntorĭleki ra navivon nemap.
20Im Adam yĭmatov nin retepon eni memokū Iv, ĭt iyi dĭneme en irora mori sū umprokomūrep.
21Im Iehōva Nōbū yĭmumpi nĭsekon Adam ĭm retepon eni ōvun nemas ugi nohelĭstan mō mevarugi.
22Im Iehōva Nōbū yōmenūwi memokū, Pah, neteme mori otepū sugku sī kos ugi noĭntan aremī ĭm sat, im marima kū en tawi iyi īevan gi nokoben eni mō menesevi novūan nē nomūrep sugkū, mō meneni, mō meno?-?mūrep ūvum nevi sū ĭndōwi; 23Iehōva Nōbū yĭmtamūli iyi ratilat denūok Iden worokeli nemap mori yeti nevī iyi marugi; 24Iyi yĭmtelesi neteme mori ratilat mō metipe ūnūrū ran denūok kerūvim ĭm nxetūga tantop yumprokesĭlūamen, mori yesepen nevoli pe woresareki selat worefĭnte pe selat ra nē nomūrep.
ప్రస్తుతం ఎంపిక చేయబడింది:
Kenesis 3: ERGOT
హైలైట్
షేర్ చేయి
కాపీ
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.