Kututika 34
34
Matapa amina a wubili a mamanya
(Ndayano 10:1-5)
1Nyambi ya Ngula wambile kuli Moshesha ngayi, “Baza matapa abili a limanya akufweka ngo aya a kutatika, pe nikatikitaho mazu awa ekalile ha matapa a kutatika, awa wapabwile. 2Kaliwahishe nzona lumenemene, ukakandame hayilu ya mutwe wa lipili lya Shinayi, ukangwaneko. 3Hinga ukandama na muntu, hinga uketabila muntu kwikala hambalila nimwayo ya lipili, hinga uketabilisha mbelele hinga ngombe kubuyila ku nceto ya lipili.” 4Nohobene Moshesha wamangwile matapa abili ha limanya akulifweka ngonehe aya a kutatika, pe oho kwashile lumenemene wakandamine nawo ku lipili lya shinayi, ngonehe amutongwezele Nyambi ya Ngula.
5Nyambi ya Ngula washulukile mu likumbi, wemanine nendi kuyo, pe watangashanine lizina lyendi lya Nyambi ya Ngula. 6#Kut 20:5-6; Kul 14:18; Nday 5:9-10; 7:9-10. Niho Nyambi ya Ngula apitile kumbili yendi, pe wabilikile ngayi, “Ami Nyambi ya Ngula, Nyambi ya Ngula nenga Nyambi ou wenzala na nceshe na shikeketima, ou wabulanga kupilama shawangu, ou wamoneshanga shishemo shashinene na kwoloka. 7Nalamanga kulimama kwami ku makulukazi a bantu na kubayatila ku milandu yabo na kuluwa kwabo na wubi wabo, ngoboni kukakwanga nifwako kushushula bana na bazukulu kutwala ku shihemunwino sha wuhatu na sha wunaa ha wubi wa bahemi babo.”
8Moshesha wanyankupile na ku shintama hanci na kulamba na kulemesha. 9Wambile ngayi, “Obe hekulu mwa shikuma wahaka, nikukunyepa ngayi uye hamo nanetu, hinge ndi ngayi bantu aba babakalu mitima. Pe wutuyatile ku kuluwa kwetu naku Kubipisha kwetu na kututambula twinge bantu bobe.”
Kulimama kukuhangululiwa
(Kututika 23:14-19; Ndayano 7:1-15; 16:1-7)
10Niho Nyambi ya Ngula ambile ngayi, “Haya nili na kulimama na bantu ba Ishalela. Nikatenda byuma bya kukomokesha bya kwinga hinga byatanga kutendiwa hano hanci nimwaho, ha mikoka nimwayo ku meho wabo. Bantu nimwabo bakamona byuma byabinene. 11Ombatala ndayano eze nikupanika lelo. Nikatanda Baamoli na Bakenaani na Bahita na Bapelizi na Bahivi na Bayembushi wakayanga mu litunga na kulikaka. 12Kakeye kutina ukatenda binzililo na bantu ba litunga omu uli na kuya, ndaba eshe shikenga lunyimbwa lwa kufwana kukwobe. 13#Nday 16:21.Ngoboni haya, ukafwanina ku wishila hanci tuula twabo na ku tunguzula mpangwa yobe ya mamanya ya kuzilikiwa na kunyemwina hanci bilimukisho bya nyambi yabo wa mbuyama Ashela.
14“Hinga ukalemesha nyambi wamina, ndaba Ami Nyambi ya Ngula, nenga Nyambi walihungu. 15Hinga ukenga shikonzi na bantu ba muya mu litunga, ndaba oho bakalemesha banyambi babo ba litunga na kukombelela kwabo, bakakwihananga ngayi mwanga ulifungile nabo, pe ukezekiwa ngayi mulye ku zinkombela zabo za byakulya. 16Hamina bana bobe babalume bakayeka bambuyama ba mapukwenda, pe bakabashanwisha na kwinga bakubula kwoloka kukwami na kulemesha banyambi babo ba litunga.
17 #
Kut 20:4; Bal 19:4; Nday 5:8; 27:15. “Hinga ukalibumbila banyambi ba kuyungulula ha wutale na kubalemesha.
18 #
Kut 12:14-20; Bal 23:6-8; Kul 28:16-25. “Ukapinge shimbo sha mankende a kubula mumena ngonehe namitongwezele. Ukalye mankende a kubula mumena ku matena mutanu na abili mu ngonda wa Ambimbi, ndaba mu ngonda iyo niyo wafumine nayo mu Engepita.
19 #
Kut 13:2. “Mweli na mweli wa nkunzi ku livumo lya muntu hinge mwana shimuna wakutatika kuhemuwa wa mulume ukenga wami. 20#Kut 13:13.Ngoboni ukakuliza mwana mbongolo wakutatika kuhemuwa ha kukombelela mwana mbelele wakuhingishamo. Ngoboni ndi kumukuliza ufwako, ukamupokola mukoshi wendi. Ukakuliza mweli na mweli wa mwana wa mulume ku banabobe.
“Kowa muntu ukamoneka ku meho wami wakubula ntupu.
21 #
Kut 20:9-10; 23:12; 31:15; 35:2; Bal 23:3; Nday 5:13-14. “Wekala na matena mutanu na umo akutenda milimo yobe, ngoboni hinga ukatenda milimo ha mutena wa mutanu na abili, hinge ndi shikati sha kulima hinge ndi sha kuteza.
22 #
Kut 23:14-17; Bal 23:1-44; Nday 16:1-17. “Ukapinge shimbo sha kuhoma, ukatatika kuteza mbuto yobe ya kutatika ya mpeka, pe ukalame shimbo sha minkungwa oho ukateza mbuto ya mamaninino mu mwaka.
23“Bikati bihatu ha mwaka, balume nimwabo ba ku fwanina kwiza mu kundemesha Ami Nyambi ya Ngula, Nyambi wa Ishalela. 24Oho natandakale mikoka kumbili yenu na kuhenyesha ku zinginza za litunga lyenu, kowa kami muntu ukezeka kukona litunga lyenu oho mushili kupinga bimbo ebye bihatu.
25 #
Kut 12:10. “Hinga ukatupula mankende akuvuba na mumena oho mu kukombelela shimuna kukwami. Hinga ukatenteka shimamo sha shimuna nimwendi unazihiwili ku Shimbo sha Kupitilila kutwala ku lumenemene.
26 #
Nday 24:21; 26:2. “Ukalete ku Litala lya Nyambi ya Ngula, Nyambi yenu mbuto ya kutatika kuteza yamu mafuba yobe ha mwaka ha mwaka. Hinga ukateleka mwana mpongo na mahwe a mandiyendi.”
27Nyambi ya Ngula wambile kuli Moshesha ngayi, “Utikite mazu awa ndaba ha mazu awa nilina kulimama hamo na nobe na Baishalela.” 28Moshesha wekalile kuyo na Nyambi ya Ngula matena makumi anaa na zinciku na kubula kulya hinge kunwa mema. Watikitile mazu a kulimama ha matapa, aya mazu likumi.
Moshesha ukukunkuluka ku nceto ya Lipili lya Shinayi
29 #
2Koli 3:7-16. Oho Moshesha akunkulukile ku nceto ya Lipili lya Shinayi hinga ashimba matapa abili a wupaki, lupala lwendi lwabyazimine ndaba wambilenga na Nyambi ya Ngula, ngoboni kaliha walimukile. 30Aloni na bantu nimwabo batilaminine kuli Moshesha, pe bamonene ngayi lupala lwendi lwabyaziminenga, kami batinine kuhenyena kukwendi. 31Ngoboni Moshesha wabehanine, pe Aloni na babilolo nimwabo ba shikungulukilo bahenyenene kukwendi, Moshesha wambile nabo, 32bantu ba Ishalela bahenyenene kwakwipi, pe Moshesha wabapanikile nimwabyo biya amutongwezele Nyambi ya Ngula ha lipili lya Shinayi. 33Oho Moshesha amanishile kwamba nabo, wafwikile shitambala ku lupala lwendi. 34Ngoboni shikati nimwasho, oho Moshesha engininenga mukati ka ntanda mukwamba na Nyambi ya Ngula, walifukulwilenga shitambala. Oho atutikilenga, watongwezelenga bantu ba Ishalela nimwabo biya amutongwezelenga Nyambi ya Ngula, 35pe bantu ba Ishalela bamonenenga ngayi lupala lwa Moshesha lwa byaziminenga. Niho afwikilenga shitambala ku lupala lwendi hantu noho ku matena ayilenga na kwamba na Nyambi ya Ngula.
ప్రస్తుతం ఎంపిక చేయబడింది:
Kututika 34: LLK
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.
Kututika 34
34
Matapa amina a wubili a mamanya
(Ndayano 10:1-5)
1Nyambi ya Ngula wambile kuli Moshesha ngayi, “Baza matapa abili a limanya akufweka ngo aya a kutatika, pe nikatikitaho mazu awa ekalile ha matapa a kutatika, awa wapabwile. 2Kaliwahishe nzona lumenemene, ukakandame hayilu ya mutwe wa lipili lya Shinayi, ukangwaneko. 3Hinga ukandama na muntu, hinga uketabila muntu kwikala hambalila nimwayo ya lipili, hinga uketabilisha mbelele hinga ngombe kubuyila ku nceto ya lipili.” 4Nohobene Moshesha wamangwile matapa abili ha limanya akulifweka ngonehe aya a kutatika, pe oho kwashile lumenemene wakandamine nawo ku lipili lya shinayi, ngonehe amutongwezele Nyambi ya Ngula.
5Nyambi ya Ngula washulukile mu likumbi, wemanine nendi kuyo, pe watangashanine lizina lyendi lya Nyambi ya Ngula. 6#Kut 20:5-6; Kul 14:18; Nday 5:9-10; 7:9-10. Niho Nyambi ya Ngula apitile kumbili yendi, pe wabilikile ngayi, “Ami Nyambi ya Ngula, Nyambi ya Ngula nenga Nyambi ou wenzala na nceshe na shikeketima, ou wabulanga kupilama shawangu, ou wamoneshanga shishemo shashinene na kwoloka. 7Nalamanga kulimama kwami ku makulukazi a bantu na kubayatila ku milandu yabo na kuluwa kwabo na wubi wabo, ngoboni kukakwanga nifwako kushushula bana na bazukulu kutwala ku shihemunwino sha wuhatu na sha wunaa ha wubi wa bahemi babo.”
8Moshesha wanyankupile na ku shintama hanci na kulamba na kulemesha. 9Wambile ngayi, “Obe hekulu mwa shikuma wahaka, nikukunyepa ngayi uye hamo nanetu, hinge ndi ngayi bantu aba babakalu mitima. Pe wutuyatile ku kuluwa kwetu naku Kubipisha kwetu na kututambula twinge bantu bobe.”
Kulimama kukuhangululiwa
(Kututika 23:14-19; Ndayano 7:1-15; 16:1-7)
10Niho Nyambi ya Ngula ambile ngayi, “Haya nili na kulimama na bantu ba Ishalela. Nikatenda byuma bya kukomokesha bya kwinga hinga byatanga kutendiwa hano hanci nimwaho, ha mikoka nimwayo ku meho wabo. Bantu nimwabo bakamona byuma byabinene. 11Ombatala ndayano eze nikupanika lelo. Nikatanda Baamoli na Bakenaani na Bahita na Bapelizi na Bahivi na Bayembushi wakayanga mu litunga na kulikaka. 12Kakeye kutina ukatenda binzililo na bantu ba litunga omu uli na kuya, ndaba eshe shikenga lunyimbwa lwa kufwana kukwobe. 13#Nday 16:21.Ngoboni haya, ukafwanina ku wishila hanci tuula twabo na ku tunguzula mpangwa yobe ya mamanya ya kuzilikiwa na kunyemwina hanci bilimukisho bya nyambi yabo wa mbuyama Ashela.
14“Hinga ukalemesha nyambi wamina, ndaba Ami Nyambi ya Ngula, nenga Nyambi walihungu. 15Hinga ukenga shikonzi na bantu ba muya mu litunga, ndaba oho bakalemesha banyambi babo ba litunga na kukombelela kwabo, bakakwihananga ngayi mwanga ulifungile nabo, pe ukezekiwa ngayi mulye ku zinkombela zabo za byakulya. 16Hamina bana bobe babalume bakayeka bambuyama ba mapukwenda, pe bakabashanwisha na kwinga bakubula kwoloka kukwami na kulemesha banyambi babo ba litunga.
17 #
Kut 20:4; Bal 19:4; Nday 5:8; 27:15. “Hinga ukalibumbila banyambi ba kuyungulula ha wutale na kubalemesha.
18 #
Kut 12:14-20; Bal 23:6-8; Kul 28:16-25. “Ukapinge shimbo sha mankende a kubula mumena ngonehe namitongwezele. Ukalye mankende a kubula mumena ku matena mutanu na abili mu ngonda wa Ambimbi, ndaba mu ngonda iyo niyo wafumine nayo mu Engepita.
19 #
Kut 13:2. “Mweli na mweli wa nkunzi ku livumo lya muntu hinge mwana shimuna wakutatika kuhemuwa wa mulume ukenga wami. 20#Kut 13:13.Ngoboni ukakuliza mwana mbongolo wakutatika kuhemuwa ha kukombelela mwana mbelele wakuhingishamo. Ngoboni ndi kumukuliza ufwako, ukamupokola mukoshi wendi. Ukakuliza mweli na mweli wa mwana wa mulume ku banabobe.
“Kowa muntu ukamoneka ku meho wami wakubula ntupu.
21 #
Kut 20:9-10; 23:12; 31:15; 35:2; Bal 23:3; Nday 5:13-14. “Wekala na matena mutanu na umo akutenda milimo yobe, ngoboni hinga ukatenda milimo ha mutena wa mutanu na abili, hinge ndi shikati sha kulima hinge ndi sha kuteza.
22 #
Kut 23:14-17; Bal 23:1-44; Nday 16:1-17. “Ukapinge shimbo sha kuhoma, ukatatika kuteza mbuto yobe ya kutatika ya mpeka, pe ukalame shimbo sha minkungwa oho ukateza mbuto ya mamaninino mu mwaka.
23“Bikati bihatu ha mwaka, balume nimwabo ba ku fwanina kwiza mu kundemesha Ami Nyambi ya Ngula, Nyambi wa Ishalela. 24Oho natandakale mikoka kumbili yenu na kuhenyesha ku zinginza za litunga lyenu, kowa kami muntu ukezeka kukona litunga lyenu oho mushili kupinga bimbo ebye bihatu.
25 #
Kut 12:10. “Hinga ukatupula mankende akuvuba na mumena oho mu kukombelela shimuna kukwami. Hinga ukatenteka shimamo sha shimuna nimwendi unazihiwili ku Shimbo sha Kupitilila kutwala ku lumenemene.
26 #
Nday 24:21; 26:2. “Ukalete ku Litala lya Nyambi ya Ngula, Nyambi yenu mbuto ya kutatika kuteza yamu mafuba yobe ha mwaka ha mwaka. Hinga ukateleka mwana mpongo na mahwe a mandiyendi.”
27Nyambi ya Ngula wambile kuli Moshesha ngayi, “Utikite mazu awa ndaba ha mazu awa nilina kulimama hamo na nobe na Baishalela.” 28Moshesha wekalile kuyo na Nyambi ya Ngula matena makumi anaa na zinciku na kubula kulya hinge kunwa mema. Watikitile mazu a kulimama ha matapa, aya mazu likumi.
Moshesha ukukunkuluka ku nceto ya Lipili lya Shinayi
29 #
2Koli 3:7-16. Oho Moshesha akunkulukile ku nceto ya Lipili lya Shinayi hinga ashimba matapa abili a wupaki, lupala lwendi lwabyazimine ndaba wambilenga na Nyambi ya Ngula, ngoboni kaliha walimukile. 30Aloni na bantu nimwabo batilaminine kuli Moshesha, pe bamonene ngayi lupala lwendi lwabyaziminenga, kami batinine kuhenyena kukwendi. 31Ngoboni Moshesha wabehanine, pe Aloni na babilolo nimwabo ba shikungulukilo bahenyenene kukwendi, Moshesha wambile nabo, 32bantu ba Ishalela bahenyenene kwakwipi, pe Moshesha wabapanikile nimwabyo biya amutongwezele Nyambi ya Ngula ha lipili lya Shinayi. 33Oho Moshesha amanishile kwamba nabo, wafwikile shitambala ku lupala lwendi. 34Ngoboni shikati nimwasho, oho Moshesha engininenga mukati ka ntanda mukwamba na Nyambi ya Ngula, walifukulwilenga shitambala. Oho atutikilenga, watongwezelenga bantu ba Ishalela nimwabo biya amutongwezelenga Nyambi ya Ngula, 35pe bantu ba Ishalela bamonenenga ngayi lupala lwa Moshesha lwa byaziminenga. Niho afwikilenga shitambala ku lupala lwendi hantu noho ku matena ayilenga na kwamba na Nyambi ya Ngula.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.