Kututika 33
33
Nyambi ya Ngula ukutongweza Baishalela kufuma ku Lipili lya Shinayi
1 #
Shit 12:7; 26:3; 28:13. Nyambi ya Ngula wambile kuli Moshesha ngayi, “Katuka na bantu aba wafumishile ku Engepita. Shiya mwanya uno, pe yanga ku litunga elye na kulupishile kupana Abulahama na Ishaki na Yakobo naku bazukulyabo. 2Nikatuma lingeloyi kutwaminina kumbili yenu, pe nikatanda Bakenaani na Baamoli na Bahita na Bapelizi na Bahivi na Bayembushi. 3Muli na kuya ku litunga likukunkula mahwe na wushi. Ngoboni kukaya hamo nenu nifwako, ndaba munengi bantu ba mitima yayikalu, wuluno tuhu nikamilobeshele ha nzila.”
4Oho bantu bayuvwile noho batatikile kulila, kami kowa wavwalile bya kuliyenga, 5ndaba Nyambi ya Ngula wambile kuli Moshesha ku tongweza Baishalela ngayi, “Munengi bantu ba mitima yayikalu. Ndi nikaya hamo nanenu hinge tuhu kashikati kakashe, pe nikamilobesha nimwenu. Haya vulenu bya kuliyenga byenu, niho nikahanganike mwa kumitendela.” 6Nohobene bantu ba Ishalela kaliha bavwalile bya kuliyenga kubalika ku shikati shiya bafumine ku lipili lya Shinayi.
Ntanda ya Kuliwanina
7Shikati nimwasho oho Baishalela batuntukililenga ku munkungwa wawupya, Moshesha kami washimbilenga ntanda na kuyizika ha munkanda wa munkungwa kwakutali shashishe. Pe wayitumbile ngayi, Ntanda ya Kuliwanina.#33:7 Ntanda ya Kuliwanina: Eye niko yekalilenga na kunyima oyo aliyavwishilenga Moshesha yalishiyi na Ntanda ba kutoya mu matupululo 26 na 36. Pe bantu nimwabo obo bashingilenga ku shingishisha kuli Nyambi ya Ngula, bayilenga ku ntanda ya kuliwanina ha munkanda wa munkungwa. 8Shikati nimwasho oho Moshesha ayilenga kuyiya ntanda, bantu nimwabo bakatukilenga, bemaninenga kubipana bya zintanda zabo nakutilamina kuli Moshesha hantu nengini mu ntanda. 9Oho Moshesha wenginakale, likumbi lya kwimana nkonka lyashulumukile na kwimana ku shipana sha ntanda, pe Nyambi ya Ngula wambilenga na Moshesha mu likumbi. 10Pe bantu nimwabo oho bamonene likumbi lya kwimana nkonka ku shipana sha ntanda, bafunkamine na kulamba. 11Nyambi ya Ngula wambile na Moshesha meho na meho, ngonehe muntu ambanga na muhoni wendi, niho Moshesha abokelenga kami ku munkungwa, ngoboni Yoshuwa mwana Nune, ndumbana ou wengile mukamulimo wa Moshesha, wekalilenga mu ntanda.
Nyambi ya Ngula ukukulupisha kwikala hamo na bantu bendi
12Moshesha wambile kuli Nyambi ya Ngula ngayi, “Nka mona, shinengi sha kupwisha ngayi unantongweze kutwala aba bantu ku litunga liyo, ngoboni obe kuntongweza ufwako ou nikaya nendi. Ngoboni unamba ngayi, ‘Nikukulimuka na lizina lyobe, kami wunawahilili na nami.’ 13Haya ndi wunawahilili na nami, ntongweze bihanganiko byobe ngayi mwanga nikulimukishe na kuzamina kukuwahilisha. Anuka kami ngayi unahata lino litunga kwinga bantu bobe.”
14Nyambi ya Ngula wambile ngayi, “Nikaya hamo na nobe, pe nika kukatalisha.”
15Niho Moshesha akumbwile kukwendi ngayi, “Ndi kukaya hamo nanetu ufwako, pe hinga ututuntula ku mwanya uno. 16Haya bantu bamina bakalimuka nahiti ngayi wa wahilili bantu bobe hamo na nami, ndi kuya na netu wufwako? Kwikala kwobe na netu kukatutapulula mukatiketu na bantu bamina hano hanci.”
17Nyambi ya Ngula wambile kuli Moshesha ngayi, “Nikatenda bene ngonehe unamba, ndaba na kulimuka na lizina lyobe, kami nawahilili shikuma.” 18Niho Moshesha anyepele ngayi, “Hekulu, moneshe wulemu wakubyazima kwa wuwahe wobe.”
19Nyambi ya Ngula wakumbwile ngayi, “Nikamonesha wuwahe wami nimwawo kumbili yobe na kutangashana lizina lyami lya Nyambi ya Ngula#33:19 Nyambi ya Ngula: Hinga ngayi YAHWE, balitontolola ha lizina bafumishile ha lizina elye YHWH elye likutumbiwa ngayi Yehova mu kutontolola kwa shikati shino ngayi MWENE niye Nyambi ya Ngula(Penza Shit. 2:4; Kut. 3:14-15).. Nikekala na nceshe kuli ou nikayuvwila nceshe, kami nikekala na shikeketima kuli ou nikayuvwila shikeketima. 20Ngoboni nifwako kuketabila ngayi umone lupala lwami, ndaba kowa muntu waku mona Ami pe ha kuyoya. 21Pe kuno nikwo kuli mwanya ku nkumo yami oku ukutwesha kwimana ha limanya. 22Oho wuwahe wakubyazima kwa wuwahe wami ukapita, nika kuyaka mu mwata wa limanya na kukufwika liboko lyami hantu napitakale. 23Nakafumishaho liboko lyami, pe ukamona mongo wami, ngoboni lupala lwami kukamoneka lufwako.”
ప్రస్తుతం ఎంపిక చేయబడింది:
Kututika 33: LLK
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.
Kututika 33
33
Nyambi ya Ngula ukutongweza Baishalela kufuma ku Lipili lya Shinayi
1 #
Shit 12:7; 26:3; 28:13. Nyambi ya Ngula wambile kuli Moshesha ngayi, “Katuka na bantu aba wafumishile ku Engepita. Shiya mwanya uno, pe yanga ku litunga elye na kulupishile kupana Abulahama na Ishaki na Yakobo naku bazukulyabo. 2Nikatuma lingeloyi kutwaminina kumbili yenu, pe nikatanda Bakenaani na Baamoli na Bahita na Bapelizi na Bahivi na Bayembushi. 3Muli na kuya ku litunga likukunkula mahwe na wushi. Ngoboni kukaya hamo nenu nifwako, ndaba munengi bantu ba mitima yayikalu, wuluno tuhu nikamilobeshele ha nzila.”
4Oho bantu bayuvwile noho batatikile kulila, kami kowa wavwalile bya kuliyenga, 5ndaba Nyambi ya Ngula wambile kuli Moshesha ku tongweza Baishalela ngayi, “Munengi bantu ba mitima yayikalu. Ndi nikaya hamo nanenu hinge tuhu kashikati kakashe, pe nikamilobesha nimwenu. Haya vulenu bya kuliyenga byenu, niho nikahanganike mwa kumitendela.” 6Nohobene bantu ba Ishalela kaliha bavwalile bya kuliyenga kubalika ku shikati shiya bafumine ku lipili lya Shinayi.
Ntanda ya Kuliwanina
7Shikati nimwasho oho Baishalela batuntukililenga ku munkungwa wawupya, Moshesha kami washimbilenga ntanda na kuyizika ha munkanda wa munkungwa kwakutali shashishe. Pe wayitumbile ngayi, Ntanda ya Kuliwanina.#33:7 Ntanda ya Kuliwanina: Eye niko yekalilenga na kunyima oyo aliyavwishilenga Moshesha yalishiyi na Ntanda ba kutoya mu matupululo 26 na 36. Pe bantu nimwabo obo bashingilenga ku shingishisha kuli Nyambi ya Ngula, bayilenga ku ntanda ya kuliwanina ha munkanda wa munkungwa. 8Shikati nimwasho oho Moshesha ayilenga kuyiya ntanda, bantu nimwabo bakatukilenga, bemaninenga kubipana bya zintanda zabo nakutilamina kuli Moshesha hantu nengini mu ntanda. 9Oho Moshesha wenginakale, likumbi lya kwimana nkonka lyashulumukile na kwimana ku shipana sha ntanda, pe Nyambi ya Ngula wambilenga na Moshesha mu likumbi. 10Pe bantu nimwabo oho bamonene likumbi lya kwimana nkonka ku shipana sha ntanda, bafunkamine na kulamba. 11Nyambi ya Ngula wambile na Moshesha meho na meho, ngonehe muntu ambanga na muhoni wendi, niho Moshesha abokelenga kami ku munkungwa, ngoboni Yoshuwa mwana Nune, ndumbana ou wengile mukamulimo wa Moshesha, wekalilenga mu ntanda.
Nyambi ya Ngula ukukulupisha kwikala hamo na bantu bendi
12Moshesha wambile kuli Nyambi ya Ngula ngayi, “Nka mona, shinengi sha kupwisha ngayi unantongweze kutwala aba bantu ku litunga liyo, ngoboni obe kuntongweza ufwako ou nikaya nendi. Ngoboni unamba ngayi, ‘Nikukulimuka na lizina lyobe, kami wunawahilili na nami.’ 13Haya ndi wunawahilili na nami, ntongweze bihanganiko byobe ngayi mwanga nikulimukishe na kuzamina kukuwahilisha. Anuka kami ngayi unahata lino litunga kwinga bantu bobe.”
14Nyambi ya Ngula wambile ngayi, “Nikaya hamo na nobe, pe nika kukatalisha.”
15Niho Moshesha akumbwile kukwendi ngayi, “Ndi kukaya hamo nanetu ufwako, pe hinga ututuntula ku mwanya uno. 16Haya bantu bamina bakalimuka nahiti ngayi wa wahilili bantu bobe hamo na nami, ndi kuya na netu wufwako? Kwikala kwobe na netu kukatutapulula mukatiketu na bantu bamina hano hanci.”
17Nyambi ya Ngula wambile kuli Moshesha ngayi, “Nikatenda bene ngonehe unamba, ndaba na kulimuka na lizina lyobe, kami nawahilili shikuma.” 18Niho Moshesha anyepele ngayi, “Hekulu, moneshe wulemu wakubyazima kwa wuwahe wobe.”
19Nyambi ya Ngula wakumbwile ngayi, “Nikamonesha wuwahe wami nimwawo kumbili yobe na kutangashana lizina lyami lya Nyambi ya Ngula#33:19 Nyambi ya Ngula: Hinga ngayi YAHWE, balitontolola ha lizina bafumishile ha lizina elye YHWH elye likutumbiwa ngayi Yehova mu kutontolola kwa shikati shino ngayi MWENE niye Nyambi ya Ngula(Penza Shit. 2:4; Kut. 3:14-15).. Nikekala na nceshe kuli ou nikayuvwila nceshe, kami nikekala na shikeketima kuli ou nikayuvwila shikeketima. 20Ngoboni nifwako kuketabila ngayi umone lupala lwami, ndaba kowa muntu waku mona Ami pe ha kuyoya. 21Pe kuno nikwo kuli mwanya ku nkumo yami oku ukutwesha kwimana ha limanya. 22Oho wuwahe wakubyazima kwa wuwahe wami ukapita, nika kuyaka mu mwata wa limanya na kukufwika liboko lyami hantu napitakale. 23Nakafumishaho liboko lyami, pe ukamona mongo wami, ngoboni lupala lwami kukamoneka lufwako.”
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.