Kalafe 27
27
Zita Zelofehadi ezopini zileri
1 #
Kal 14:35; 26:33; 36:1, 11; 1 Sur 7:15; Yos 17:3 Manase mvi Makiri ma mvi Gileadi ma mvi Heferi ma mvi Zelofehadi ma ezopi nga esi ogogo, yi ori’ba Yusufu mvi Manaseni ’diyi. Eri ma ezopi ma ru yi ’di: Mala pi, Noa pi, Hogila pi, Milika pi, Tiriza pie. 2#Kal 26:64, 65; 14:22-37; Rum 5:12; 6:23Yi nga di pa oso Musa pi ma drilia kuhani Eleazari pie, ’ba ’wara pie, ’ba ongulumuru ’diyi pie dria, hema ti ecizaniri ma tilia, kini, 3Ama ati dra ndra angu roko driaria, te eri ovuni ’ba ongulumuru ndra yi okupi tualu a’di ’dizu Yehova ma ruaa, ’ba Korani okule ’diyi pie ’diyi ma azi ku, te eri dra e’yo onzi inisi; te agianzi erini yo. 4Yi nga ama ati ma ru nze ori’ba erini ma eseliasi erini ovule agimva kokorurisi ’dini a’disi ya? Mi fe angu ama dri awurusoru ama ati ma adripi ma eselia fo!
5 #
Efu 18:15; 25:22; Lev 24:12, 13; O’be 3:5, 6 Musa nga e’yo yini ji Yehova ma milia. 6Yehova nga di ’yo Musa ma ria kini, 7#Kal 36:2Zelofehadi ma ezopi ’yo ’yeke; mi ma fe angu yi dri ovuzu yi ma awurusoru yi ati ma adripi ma eselia ada, mi ma fe yi ati ma awuruso ma mvi ovu yiniru. 8Azini mi ma ’yo anzi Israelini ma ria kini, ’Ba azini ka dra agimva kokoru, mi ma fe awuruso erini ma mvi ovu eri ma ziniru. 9Te eri ma zamva ka ovu yo ka, mi nga di awuruso erini fe eri ma adripi dri. 10Eri ma adripi ka ovu yo, mi nga di eri ma awuruso fe ati ma adripi dri. 11#Kal 35:29Te eri ma ati ma adripi ka ovu yo, mi nga di eri ma awuruso fe ’ba azini ori’ba erini ma eselia ovupi eri vu ogogo turi dri, eri nga awuruso nde nyani. E’yo nderi ma ovu anzi Israelini dri e’yo liza azitaruri, ekile Yehovani e’yo azile Musa ma tiarile,
Musani Yosuani pezu azi ngazu i ma pariari
12 #
Azi 3:23-27; 32:48-52; 34:1 Yehova nga ’yo Musa ma tia, Mi tu oni Abarimuni ’diri ma dria, mi olu angu mani fele anzi Israelini dri ’bori. 13#Kal 20:24, 28; 31:2; Azi 10:6; 32:50, 60Mi ka nga eri olu ’bo, mi nga mu ’ba mini odrapi ’bo ’diyi vu, ekile mi adri Aronini mulerile; 14#Azi 1:37; 32:51; Zab 106:32; Efu 17:7; Kal 20:1, 13, 24a’disiku emini e’yo mani gale roko Ziniaria sirisi, ewu ’ba ongulumuruni agata gazuria, emini lele ma ’bazu alatararu yia ’daa yima milia kurisi. (’Diri yi Meriba Kadesi roko Ziniariari’i.) 15Musa nga ’yo Yehova ma tia kini, 16#Kal 16:22; Ebra 12:9; Zek 12:1Yehova Mungu ’ba rua ari be ’diyi ma orindini driari ma pe ’ba azini ovuzu ’ba ongulumure ma drilia fo!
17 #
1 Opi 22:17; Eze 34:5; Mat 9:36; Mar 6:34; Azi 31:2; 1 Sam 8:20; 18:13; 2 Sur 1:10; 2 Sur 18:16 Eri ma fu ani yi drilia amve, erima efi yi ma drilia, eri ma ce yi dri fuzu amve, ma ce yi dri emvizu indi; ’ba ongulumuru Yehovani ma ovu kabilo ’ba yi ocepiri kokoru ’diyile ku beni. 18#Efu 24:13; E’do 41:38; Lip 3:10Yehova nga ’yo Musa ma ria kini, Mi ’du mini Yosua Nuni mvi, eri ’ba Orindini ovuzu eri ma aliari’i, mi ti mi dri drinia; 19#Azi 31:7mi ma ’ba eri kuhani Eleazari pi ma drilia ’ba ongulumuru dria ’diyi be, mi ma azi e’yo eri tia yi ma milia. 20#Kal 11:17; 1 Sam 10:6; 2 Opi 2:15; Azi 34:9; Yos 1:15Mi ma fe okpo mini inzitaruri ma azi eri dri, anzi Israelini dria ma inzi ani eri beni. 21#Efu 28:30; 1 Sam 14:41; 28:6; Yos 9:14; Lip 1:1; 20:18; 1 Sam 23:9; 30:7; Lev 8:8; Azi 33:8; 1 Sam 28:6; 1 Sam 22:10Eri ma so pa kuhani Eleazari ma drilia, te kuhani nde ma zi e’yo erini e’yo liza Urimunisi Yehova ma drilia; yi ma fu amve e’yo erini azilerisi, ma efi dika e’yo erini azilerisi indi, eri’i anzi Israelini be tualu, ada ’ba ongulumuru dria. 22Musa ’ye Yehovani azile eri ma tiarile; eri ’du di Yosuani, ’bazu kuhani Eleazari pi ma drilia ’ba ongulumuru ’diyi be dria, 23#Azi 3:28; 31:23; Isa 55:4eri nga i dri ti eri ma dria, nga e’yo azi tinia ekile Yehovani ’yole geri Musa vurisirile.
ప్రస్తుతం ఎంపిక చేయబడింది:
Kalafe 27: LB66
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Lugbara © United Bible Societies, 1966.