Kalafe 20
20
Yini egbizu oni ruaari
1 #
Kal 33:36; 26:59; Efu 15:20 Anzi Israelini, ada ’ba ongulumuru ’diyi dria, nga eca roko Ziniaria mba alurisi, ’ba nde yi nga ri Kadesia; Miriamu nga dra ’daa, nga vini eri sa ’daa indio 2#Efu 17:1-7; 16:2, 7-12; Kal 16:19, 42; 21:5; 1 Kor 10:10Te yi mvuza ’ba ongulumuru dri yo; yi nga di yi oku Musa pi ma dri aruzu Aroni be. 3#Kal 14:2; Efu 17:2; Kal 11:1, 33; 14:37; 16:32, 33, 49; Imv 4:9’Ba ongulumuru nga di agata ga Musa be, nga ’yo kini, Ama ka ndra odra o’du ama adripini odrazu Yehova ma miliarisi ’yeke fo! 4#Efu 5:21; 17:3; Kal 11:5; Zab 106:21; ’Yeta 7:35, 40Emi eji ’ba ongulumuru Yehovani roko dria ’doa, amani ani odrazu ’doa anyapa amani pie a’disi ya? 5Emi ofu ama Misiriasi ama ejizu pari onzikanyaru ’doria a’di e’yosi ya? ’Dori ovuni pari afa orirurini ovuzu alenia, elio pie, zabibu pie, patiefi pomegranate pieri ku; azini vini yi mvuza ’doa yo. 6#Kal 14:5Musa pi nga di fu Aroni be ’ba ongulumuru ma milia kpere hema ti ecizaniri ma tilia, yi nga yi eco o’bukuru va, te diza Yehovaninga i e’da yi vu. 7Yehova nga ’yo Musa tia kini, 8#Efu 17:5; Neh 9:15; Zab 78:15, 16; Isa 43:20Mi ma ’du kali, mi’i mi adri Aroni be, emi ma oku ’ba ongulumuru, emi ma ’yo yi ma milia oni kataru ma tia ma fe i ma yini egbizu; mi nga di fe yi ma era yi dri oni kataruri ma aliasi, emini ngazu ani yi mvuza fezu ’ba ongulumuru pi dri anyapa yini be. 9#Kal 17:10Musa nga di kali e’du Yehova ma driliarisi, ekile erini azile eri ma tiarile.
10 #
Zab 106:33
Musa pi Aroni be nga ’ba ongulumuru oku tualu oni kataruri ma drilia, eri nga di ’yo yi tia, Emi eri e’yo, emi ’ba mbupi amve ’diyi la; ama ma fe yini erazu emi dri oni kataru ’dorima aliasi ya? 11#Yak 1:20; Efu 17:6; Azi 8:15; 1 Kor 10:4Musa nga i dri eju, nga oni co i ma kalisi pale iri; yi nga di egbi tule, ’ba ongulumuru nga dimvu, anyapa yini be ani. 12#Kal 27:14; Azi 3:26; Lev 10:3; Eze 20:41; 36:23; 1 Pet 3:15Yehova nga ’yo Musa pi ma tia Aroni be, Emini ma a’ile emini ani ma ’bazu alatararu anzi Israelini ma milia kurisi, e’yo ’disi emi ngani ’ba ongulumuru ’diyi eji angu mani fele yi dri ’bori ma alia ku. 13#Zab 95:8’Di yi Meriba’i, a’disiku anzi Israelinini agata gale Yehova be erini i ma ngulupi ’bazu alatararu yi ma eseliarisi.
Edomuni Israelini ogazu agako siri
14 #
Lip 11:16, 17; Azi 23:7; Oba 1:10, 12 Musa nga ojio ma ti pe engazu Kadesia muzu opi Edomuari vu, kini, Mi adri Israeli ’yo ’dini, Mi ni ocoko ecapi ama ruaari dria ra: 15e’yo ama a’bipini ndra sizu Misiriari pi, e’yo amani ovuzu Misiria ewu izururi pie; te ’ba Misiria ’diyi ’ye ndra ama onzi ama a’bipi be; 16#Efu 2:23; 3:7; ’Yeta 7:35te amani ndra wuria Yehova vu, eri eri o’duko amani ra, nga malaika ma ti pe ama ofuzu Misiriasi ra, te mi ndre, ama curu’do Kadesi aku angu mini ma kalatini asizuriaria; 17#Kal 21:22mi ku ama aga angu mini ma alesi, ma zi mi tia. Ama ngani aga amvu ma alesi ku, kani amvu zabibuni ma eselesi ku indi, ama ngani yi a’di gale ga ’diyi mvu ku; ama nga aci gboko epiniria, ama ngani ama oja kalaa, kani dri ndialeru kani dri ejialeru ku, de nga ama deni agazu angu mini ma kalatiasi ku. 18Te Edomu ’yo eri tia, Mi ma aga angu mani ma aliasi ku, ma kazu efuzu sei be mi fuzu ku. 19#Azi 2:6, 28Anzi Israelini nga ’yo eri tia, Ama nga aci gbokosi; ama ka yi mini mvu, ma’i, kani anyapa mani, ka’dini ma nga yi nderi ma aje ofe ra; te kiri mi fe ma ma aga pasi, ama ngani e’yo azini ’ye ku fo! 20#E’do 27:41; 32:6; Lip 11:17; Zab 120:7; Eze 35:5, 11; Amo 1:11Te eri ’yo eri tia, Mi ngani aga angu maniasi ku. Edomu nga di efu ’ba be kakau, azini dri okporu be, a’di ’dizu eri be. 21#Azi 2:27, 29; Lip 11:18; Rum 12:18; Ebra 12:14’Dini Edomu ga pari fezu Israeli dri agazu angu erini ma eseliasi si; e’yo ’disi Israeli nga yi ona erisi.
Aronini drazu oni Hori ma driari
22 #
Kal 33:37; 21:4 Yi nga di dri ko Kadesiasi acizu drile; anzi Israelini, ada ’ba ongulumuru dria nga eca oni Horia. 23Yehova nga ’yo Musa pi ma tia Aroni be oni Hori angu Edomuni ma kalatiaria, kini, 24#E’do 25:8; Kal 27:13; Isa 57:1, 2; Ebra 12:23Aroni nga mu ’ba ini odrapi ’bo ’diyi vu, a’disiku eri ngani fi angu mani fele anzi Israelini dri ’boria ku, emini e’yo mani gale yi Meribaaria sirisi. 25#Azi 32:50Mi ’du Aroni pi mvi Eleazari be, mi ji yi oni Hori ma dria. 26Mi otru bongo Aroni ma ruaarisi ra, mi osu ani mvi Eleazarini; Aronini nga dra ’dale, nga mu ’ba ini odrapi ’bo ’diyi vu. 27Musa nga ’ye ekile Yehovani azilerile; yi nga tu oni Hori ma dria ’ba ongulumuru ma milia dria. 28#Efu 29:29; Kal 33:38; Azi 10:6; Kal 23:10; Yob 30:23; O’be 14:32; Hos 13:14; Eceza 14:13Musa nga di bongo otru Aroni ma ruaarisi, nga ani mvi Eleazarini osu ra; Aroni nga di dra oni ma dri mbiliaria. Te Musa pi nga esi oni ma driarisi va Eleazari be. 29#E’do 50:3, 10; Azi 34:8’Ba ongulumuru dria ka ndre Aroni dra ’bo, yi nga Aronini owu o’du kali na, ada suru Israelini dria owu erini.
ప్రస్తుతం ఎంపిక చేయబడింది:
Kalafe 20: LB66
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Lugbara © United Bible Societies, 1966.