EKESOTE 11
11
Fakaha o te tamatei o uluaki tupu
1Nee ui leva e te Eteleno kia Moisese: E au toe tuku anai he tautea fakaosi kia Falaone mo Esipito. Ka osi anai te mea aia, e tuku anai koutou e Falaone ke mavae i heni. Ka ina tuku anai koutou ke olo e ina kapu anai koutou ke mavae osi i heni. 2Ke ke palalau ki te hahai, ke tahi kole e te tagata mo te fafine ki ae i ona tafa, ni ipu siliva mo ni ipu aulo. 3Kua tuku e te Eteleno ki te kau Esipito ke ofa ki te hahai; pea kua mauhiga foki ia Moisese i te fenua o Esipito, ki te u tagata faifekau a Falaone mo te hahai.
4Nee ui leva e Moisese: Koeni te folafola a te Eteleno: I lotomalie o te pouli, e au fakalaka anai i Esipito; 5pea e tamatei anai te u fanau uluaki i te fenua o Esipito, mai te uluaki a Falaone, ae e heka i tona hekaaga fakahau, o kaku ki te uluaki o te fafine faifekau, ae e tuu i muli o te maka fakamalu fulumeto, pea mo te u uluaki fuli o te u manu. 6E logo anai i te fenua katoa o Esipito ki ni tagi lalahi, ae nee heeki mau ni onatou tatau i mua atu, pea e mole toe mau anai ni onatou tatau ki amuli. 7Kae i te u fanau fuli o Iselaele, mai te tagata o kaku ki te manu, e mole fakagaugaue anai e he kuli e tahi tona alelo, o tupu ke kotou iloi te kehekehe ae e fai e te Eteleno ki Iselaele mo Esipito. 8Pea e hihifo mai anai au tagata faifekau fuli aeni kia au, pea e natou punou anai i te kele i oku mua, o ui: Mavae, ia koe mo te hahai katoa ae e muli ia koe! Ka osi anai te mea aia, e au mavae anai. Pea nee mavae leva ia Moisese mai te fale o Falaone i he ita lahi osi.
9Nee ui leva e te Eteleno kia Moisese: E mole fakalogo anai ia Falaone kia kolua, o tupu ke liuliuga aku milakulo i te fenua o Esipito. 10Nee fai leva e Moisese mo Alone te u milakulo fuli aia ia mua o Falaone, pea nee fakafefeka leva e te Eteleno te loto o Falaone ae nee mole ina tuku leva te u fanau a Iselaele ke mavae i tona fenua.
ప్రస్తుతం ఎంపిక చేయబడింది:
EKESOTE 11: WB2011
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
