SEKARIAH 5
5
1Go a moro sike namatagu maga, po leo punusi, go p̃a leo, tusi lulukiana sikai waina e do sale pano. 2Go e noa ki nau, e naga, Ku punusi nasava? Go a pasadara, po naga, A punusi tusi lulukiana sikai waina e do sale pano; navarauana kakana e pei kubit rualima dua, go naweleweleana kakana e pei kubit rualima sikai. 3Go e noa ki nau, e naga, Tea waia e pei navasasakiana waina e do m̃elu pano paki narae ni maramana mamau: go sara naatam̃oli waina eu do panako, euga wo pei tea taeluaana m̃elu dua ki nia pano, pataka ni taleva sikai; go sara naatam̃oli waina eu do pasa sa ki, euga wo pei tea taeluaana m̃elu dua ki nia pano, pataka ni taleva kerua. 4Aga wo mari a ega tave pano, Yehovah ki taua maga e noa e, go ega wo sili nasum̃a ki tea vanako, go nasum̃a ki tea waina e do pivisa sorosoro pae nagisagu: go ega wo doko m̃aleoputo ni nasum̃a aneana doko, go ega wo gani dinomi a pilake nakau kakana maga go vatu kakana maga.
5Go agelo waina e pasa ki nau e m̃elu pano, go e noa ki nau, e naga, P̃a sike namatam̃a maga, po punusi tea waia waina e do m̃elu pano e pei nasava. 6Go a naga, E pei nasava? Go e naga, Tea waia e pei efah waina e do m̃elu pano. Go e moro naga, Tea waia e pei naleo‐punusi‐ana adeada usuraki navanua mamau: 7(Go p̃a leo, eu dape dakati wogoro ni led:) Go tea waia waina e do dasake doko ekopu ni efah e pei nagoroi sikai. 8Go e naga, Tea waia e pei Nasigisigileoana; go e dosiva ki nia siwo paki ekopu ni efah: go eu nadi ki wogoro ni led e doko nawokana. 9Go a sike namatagu maga, po leo punusi, go p̃a leo, nagoroi dua ero dave umai, go nalagi e doko nalivaruda maga; go nalivaruda eu dakiusi nalivaru ni ova: go ero dape dakati efah wanogoe paki namalopa namawota ni maramana go ni nakoroatelagi. 10Go a noa ki agelo waina e pasa ki nau, a naga, Tea rua waia eroga wo dape efah paki esava? 11Go e noa ki nau, e naga, Eroga wo dape a paki navanua ni Shinar naga eroga maneana davagi nasum̃a sikai asa: go ragi waina ega vei tea mari‐m̃ata‐ki‐sua‐ana, eroga wo doropusi efah wanogoe ega toko asa, ega toko laketano kakana.
ప్రస్తుతం ఎంపిక చేయబడింది:
SEKARIAH 5: NTB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible Society of the South Pacific