LUKA 3
3
1Go natau rualima sikai tamate lima ni namarakiana ki Tiberio Kaisar, ragi waina Pontio Pilato e pei tea maramara ni Yudea, go Herod e pei tetrarke ni Calilea, go taina Filipo e pei tetrarke ni navanua ni Iturea go ni Trakonitis, go Lusania e pei tetrarke ni Abeline, 2go Annas go Kaiafas ero pei tea viri warua liu, navasaana ki Sup̃e e umai paki Yoane natu ni Sakaria masop̃alo. 3Go e umai paki navanua mamau waina e doko dalivirigoro Yordan, e do dogorogo ki nabapetisoana ni namidoakidoaana paki namidoakikorokoroana ni namarinaleosaana maga; 4dapala waina e pei tea midiriana tusi ni navasaana maga ki profeta Isaiah,
Nadaleo ni tea waina e pioso masop̃alo,
Kuga mari m̃ataki napua ki Yehovah,
Kuga mari napua doniana aneana maga euga leana.
5Sara nap̃aloa euga wo pei tea vakavuroana,
Go sara tava warua go sara tava kiki euga wo pei tea tapeana pakitano;
Go tea tagele maga euga wo leana,
Go napua ragoragoa maga euga wo matemate;
6Go sara nap̃okasi euga wo punusi namautipauriana ki Sup̃e.
7Nalakena tea wanogoe e noa ki taua maga ni naatam̃oli maga waina eu dave pano naga euga vei tea bapetisoana pae asa, e naga, M̃aata sa natuda maga, sei e noa ki sai mu maga kuga sava dua ki namaetoana waina ega wo umai? 8Nalakena tea wanogoe kuga tau ki nawa maga waina eu p̃ia ki namidoakidoaana, go kuga ta pae asa noa nap̃alaumu, naga Abraham e pei tamagami: nalakena a noa ki mu, naga Sup̃e e mari atae magi Abraham mari natuna maga euga vakilina m̃elu vatu maga waia eu one. 9Go ragi waia tagoto ma e pei tea toropusiana e one nalake ni nakau maga one: nalakena tea wanogoe sara nakau waina eu da dau ki nawa wia mau eu pei tea taeana eu dowo, po pei tea nadikiana paki nakapu. 10Go taua maga ni naatam̃oli maga eu pusuusu paki nia, eu naga, Nalakena tea wanogoe auga mari nasava? 11Go e pasa dara po noa ki da, e naga, Tea waina e peani sugoro dua, ega tua tea waina e dika; go tea waina e peani navinaga, ega mari ega tapala nogoe. 12Go tea tape nasautoga seara ma eu rumai naga euga vei tea bapetisoana, go eu noa ki nia, eu naga, Tea Vasapiseiki, auga mari nasava? 13Go e noa ki da, e naga, Tea waina e manimu pei tea tawonakiana kuga ta dape p̃arua liu sa mau. 14Go tea ni navakalo seara ma eu pusuusu paki nia, eu naga, Go kinami auga mari nasava? Go e noa ki da, e naga, Kuga ta mari sa ki te naata mau, go kuga ta dapepavakoto te navatuna mau, go kuga maro namoriana animu.
15Go ragi waina narei eu do leogoro, go naatam̃oli maga mamau puti eu do midoaki usiusi nap̃op̃oda nalo ni Yoane, mase nae e pei Kristo; 16Yoane e pasa dara, po noa ki puti ra, e naga, Lomau kinau a bapetiso mu ki noai; ma tea waina e kasua liu au e umai, waina natali ni nam̃elevasiana aneana maga a da p̃ia mau naga aga veresi a: nae ega wo bapetiso mu ki Naatana Tapu go ki nakapu: 17tea silaki aneana e do nam̃elearuna, naga ega mari malo wokalesue aneana ega tautau puti, go naga ega saisai ki whiit paki ekopu ni nasum̃a ni whiit aneana; ma ega wo dap̃ara ki nap̃olagana ki nakapu waina e pe ta pei tea maripunueana mau.
18Go e do pasa paratiki narei ki navasaana p̃ota laapa po do dogorogo ki narogorogoana wia paki da; 19ma Herod tetrarke, ragi waina e pei tea vasakasuakiana pae Yoane nalo ni Herodia nagoroi ki taina, go nalo ni tea sa maga mamau puti waina Herod e mari ra, 20e moro sokari ra ki tea waia dap̃augoro puti ra, e kokoro Yoane ekopu ni nasum̃a ni navavaigoroana.
21Go e pakilina, ragi waina narei mamau eu pei tea bapetisoana sua, go Yesu ma e pei tea bapetisoana sua, go ragi waina e do dapasavasa, 22nakoroatelagi e pamawota, go Naatana Tapu e siwo e suruoli nap̃atoko ni tokopea sikai, e umai lawo asa, go nadaleo sikai e dave nakoroatelagi umai, e naga, Nigo ku pei Natugu tea dodomiana aginau; a midoaki m̃ata ki‐go.
23Go Yesu, ragi waina e atulake navasapiseikiana, e alagoro pei tea ni natau rualima dolu, e pei natu (eu midoa ki nia) ni Yosef, waina e pei natu ni Heli, waina e pei natu ni Matthat, 24waina e pei natu ni Levi, waina e pei natu ni Nahum, waina pei natu ni Yannai, waina e pei natu ni Yosef, 25waina e pei natu ni Mattathias, waina e pei natu ni Amos, waina e pei natu ni Nahum, waina e pei natu ni Esli, waina e pei natu ni Naccai, 26waina e pei natu ni Maath, waina e pei natu ni Mattathias, waina e pei natu ni Semein, waina e pei natu ni Yosek, 27waina e pei natu ni Yoda, waina e pei natu ni Yoanan, waina e pei natu ni Rhesa, waina e pei natu ni Serubbabel, waina e pei natu ni Shealtiel, waina e pei natu ni Neri, waina e pei natu ni Melki, waina e pei natu ni Addi, 28waina e pei natu ni Kosam, waina e pei natu ni Elmadam, waina e pei natu ni Er, 29waina e pei natu ni Yesus, waina e pei natu ni Elieser, waina e pei natu ni Yorim, waina e pei natu ni Matthat, waina e pei natu ni Levi, waina e pei natu ni Simeon, 30waina e pei natu ni Yudas, waina e pei natu ni Yosef, waina e pei natu ni Yonam waina e pei natu ni Eliakim, 31waina e pei natu ni Melea, waina e pei natu ni Menna, waina e pei natu ni Mattatha, waina e pei natu ni Nathan, waina e pei natu ni David, 32waina e pei natu ni Yesse, waina e pei natu ni Obed, waina e pei natu ni Boas, waina e pei natu ni Salmon, waina e pei natu ni Nahshon, 33waina e pei natu ni Amminadab, waina e pei natu ni Arni, waina e pei natu ni Hesron waina e pei natu ni Yonam, waina e pei natu ni Yudah, 34waina e pei natu ni Yakob, waina e pei natu ni Isaak, waina e pei natu ni Abraham, waina e pei natu ni Terah, 35waina e pei natu ni Nahor, waina e pei natu ni Seruc, waina e pei natu ni Reu, waina e pei natu ni Pelec, waina e pei natu ni Eber, waina e pei natu ni Shelah, waina e pei natu ni Kainan, 36waina e pei natu ni Arfaksad, waina e pei natu ni Shem, waina e pei natu ni Noah, waina e pei natu ni Lamek, 37waina e pei natu ni Methuselah, waina e pei natu ni Enok, waina e pei natu ni Yared, waina e pei natu ni Mahalaleel, waina e pei natu ni Kainan, 38waina e pei natu ni Enos, waina e pei natu ni Seth, waina e pei natu ni Adam, waina e pei natu ni Sup̃e.
ప్రస్తుతం ఎంపిక చేయబడింది:
LUKA 3: NTB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible Society of the South Pacific
