Abanya Efeso 4
4
Obuguma bwʼomubiri
1Neryo ĩngye mundu wʼomũlĩkĩ busana nʼomukama, ngabahatikana nyiti, mukwame emibere yʼolulengo olo Nyamuhanga ababirikirira erikwamalo. 2Mũyĩkehaye, mubye nʼomutima molo, muyibombeke. Muganyirane omo lwanzo. 3Mulenge eribya nʼobuguma obũkalũa oko Mũlĩmũ Abũyĩrĩre, kandi mubye nʼobuholo obũkabamatanaya haguma. 4Kusangwa hali omubiri muguma, nʼOmũlĩmũ Abũyĩrĩre muguma, ngoko Nyamuhanga ababirikira oko maha maguma. 5Hali Omukama muguma, nʼerĩkĩrĩrya liguma, nʼerĩbatĩsya liguma. 6Hali Nyamuhanga muguma, Ise wʼabandu bosĩ, oyuli endata oko bosĩ. Kandi akakola omo bosĩ, kandi ali omo byosĩ.
7Nĩkwa Nyamuhanga omo lukogo luwe mwaha obuli mundu ũkwʼĩtwe olũsũnzo ngʼolulengo lwʼerĩhĩtya lya Kristo. 8Neryo kĩkabũga kiti,
Omugulu ahetukira endata,
Wabirisondola abanyegwa bangi haguma nawe,
Kandi mwaha abandu bʼolũsũnzo.
9Neryo atĩkĩ kwehĩ ati, ahetuka endata? Liti, atsũka erĩkĩma omo myanya yʼeyĩkwa yʼekihugo. 10Neryo oyo wandagala, yo nʼoyo wahetukira endata kwilaba amatũkũ gosĩ, iniatoka erĩũsũlya ehosĩ nʼeribya ehosĩ. 11Neryo mwaha abandu bʼolũsũnzo mũsĩndo-mũsĩndo. Mwaha abandi eribya bakwenda, mwaha abandi eribya bamĩnyererĩ, mwaha abandi eribya batũlĩ bʼEngulu Yowene, abandi mwahabo eribya bateya bʼekanĩsa nʼabakangĩrĩrya. 12Neryo mwakola atya erĩtegekanĩa abandu ba Nyamuhanga busana nʼomũbĩrĩ wuwe, nʼerĩhĩkanĩa omubiri wa Kristo. 13Litya twasyahĩka oko buguma bwʼerĩkĩrĩrya nʼobwʼeriminya Omugala wa Nyamuhanga, itwatoka erĩhĩkana omo lulengo lwʼerĩhĩkana lya Kristo. 14Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo. 15Nĩkwa tũbũge ekwenene omo mutima wʼolwanzo, kandi tukule busana na Kristo omo myatsi yosĩ, kusangwa iye ni mutwe netu tuli mubiri wuwe. 16Busana naye omubiri gosĩ akatsũkĩkanĩbawa nʼerilukwa haguma omo buli nungo. Obuli kĩtsũko kyamakola haguma kikaleka omubiri gosĩ iniakula ndeke nʼerĩkanyĩa omo lwanzo.
Engebe nyihya iri omwisi wa Kristo
17Ngabũga ekĩ, kandi ngatũlago haguma nʼomukama nyiti, simusyeswalendera kandi ngoko Bihanda bikalendera, kusangwa amalengekanĩa wabo ni buyira. 18Kandi amenge wabo nĩ mwĩrĩmya. Babirigabana nʼengebe ya Nyamuhanga, sĩbasĩkĩ kandi babĩrĩkalya emitima yabo. 19Sĩbekwa esĩsonĩ; kandi bakayitwala okwʼĩsĩngĩra lyosĩ, bakakola obuli mũsĩndo wʼebĩtĩsĩrĩre nʼobururu.
20Nĩkwa ĩnywe, momutiga Kristo yo mutya. 21Mwamabya mwabĩrĩmowa, ĩmwabĩrĩkangĩrĩrĩbwa na Kristo, omo kwenene eyiri na Yesu. 22Neryo muleke emibere ya kera eyabya ĩkabatsandya omo syongumbu esikabateba. 23Mubye bahya-bahya omo mitima yenyũ nʼomo malengekanĩa wenyũ. 24Mubye bandu bahya-bahya abahangikawa omo kĩsosekanĩo kya Nyamuhanga, omo bitunganene nʼomo bĩbũyĩrĩre byʼekwenene.
25Neryo mugane eribiha lyosĩ. Obuli mundu abũge ebyʼekwenene oko mũlĩkyabo, kusangwa ĩtwe bosĩ tuli balĩkyabo omo mubiri wa Kristo. 26Mwamahitana isimwakola ebibi, simuleke eryuba likalenga imunahitene. 27Simuhe Satanĩ yʼomwanya. 28Omwĩbĩ syĩbe kandi, nĩkwa akole omũbĩrĩ owene omo byala biwe, iniatoka eribana akʼerirya kandi iniatoka erĩwatĩkya abera. 29Sĩmũbũge ebĩnywa ebĩtĩsĩrĩre, nĩkwa mũbũge ebĩnywa bibuya ebĩkawatĩkaya nʼerĩhĩmba bandu, ebikaha olukogo oko bandu abakowa. 30Sĩmwĩte Omũlĩmũ Abũyĩrĩre wa Nyamuhanga wʼobũlĩge, kusangwa Omũlĩmũ Abũyĩrĩre nĩ kĩmĩnyĩsyo kyenyũ busana nʼekiro ekyo Nyamuhanga asyababohola. 31Muguse hali erikaliha lyosĩ, nʼeryagalirwa lyosĩ, muleke olukanda, nʼebĩtsũmĩ byosĩ, haguma nʼerĩkĩsya lyosĩ. 32Mwanzane, mubye nʼemitima eyihehere, mubuyirane, ngoko Nyamuhanga abiribabuyira busana na Kristo.
ప్రస్తుతం ఎంపిక చేయబడింది:
Abanya Efeso 4: KB80
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Kinandi © Bible Society of the Democratic Republic of Congo, and Bible Society of Uganda, 1980.