1 كُرُنْتُس 9 నుండి ప్రసిద్ధ బైబిల్ శ్లోకాలు

షేర్ చేయి

وَ نَعَرْفُوا كَنْ نَادُمْ رِيَاضِي، هُو يِثَبِّتْ نَفْسَهْ فِي أَيِّ حَالْ وَ يِجَاهِدْ. وَ الْجَائِزَةْ الْهُو يِدَوْر يَلْقَاهَا دِي، هِي تَتْلَفْ عَجَلَةْ. لَاكِنْ أَنِحْنَ نِجَاهُدُوا أَشَانْ نَلْقَوْا الْجَائِزَةْ الْأَبَداً مَا تَتْلَفْ. أَشَانْ دَا، فِي دَرِبْ الْإِيمَانْ أَنَا جَارِي قِدَّامْ بِنِيَّةْ وَاحِدَةْ. نِسَوِّي نَفْسِي مِثِلْ الْمُلَاكِمْ الشَّدِيدْ وَ مَا نَضْرُبْ فِي الرِّيحْ سَاكِتْ.

أَيْوَى، أَنَا نِوَلِّفْ جِسْمِي التَّعَبْ لِنِسَّيْطَرْ فَوْقَهْ. أَشَانْ كَنْ مَا نِسَّيْطَرْ فِي نَفْسِي، أَكُونْ نِنَادِي النَّاسْ فِي دَرِبْ النَّجَاةْ لَاكِنْ فِي الأَخِيرْ، أَنَا ذَاتِي يَدْحَرَوْنِي مِنْ الْجَائِزَةْ.

تَعَرْفُوا كَدَرْ فِي السَّبَقْ، كُلَّ النَّاسْ يَجْرُوا لَاكِنْ وَاحِدْ مِنْهُمْ بَسْ يَلْقَى الْجَائِزَةْ. شِيلُوا الْمَثَلْ دَا وَ جَاهُدُوا فِي دَرِبْ الْإِيمَانْ أَشَانْ تَلْقَوْا جَائِزَةْ.

وَ كَنْ أَنَا قَاعِدْ مَعَ النَّاسْ الْمَا عِنْدُهُمْ قُدْرَةْ، أَنَا كُلَ نِسَوِّي نَفْسِي نَادُمْ الْمَا عِنْدَهْ قُدْرَةْ لِنِجِيبْ الْمَا عِنْدُهُمْ قُدْرَةْ فِي دَرِبْ النَّجَاةْ. أَنَا نِسَوِّي نَفْسِي مِثِلْ أَيِّ نَادُمْ فِي أَيِّ حَالْ لِنِنَجِّي وَاحِدِينْ مِنْهُمْ بِأَيِّ دَلِيلْ.