John 1 నుండి ప్రసిద్ధ బైబిల్ శ్లోకాలు

షేర్ చేయి

Kae tera rake faoa ne ratou faka afea ria koia, ma ne fakatonu kiei; ta koia ne nai faka patino ria rei koratou te tonu ke fare a tama a Tupua.

Mai i te fakatafito ranga rei te “Taranga” ku nofo, te “Taranga” ma Tupua, ma te “Taranga” ko Tupua.

Te maarama e aata i te kau pouri, kae te kau pouri se ne nai ufia ria.

Te “Taranga” ne faka tino pe tangata noko nofo ma tatou e pii rei i te roto laoi ma te tonu. Ne matou ravea ko na maarama taurekareka, te taurekareka ne sau ea koia pe te fua tasi a Tupua te Mmana.

A nea katoa rei ne fai mai e Tupua ia koia. E siei rei ni nea ne faka tupu kae koia e laavaki iei. Te “Taranga” te fakkau o te ora, ma te ora nei ne nai aumai ina ko te maarama ki te kano fenua kaatoa.

I take aso ko John ne ono atu ko Jesus e au kia koia, nai karanga tia arei, “Teinei te Tamai manu a Tupua, koia ka nai sau kesea koa sara oa taangata nei.

Te “Taranga” ku nofo ia taangata nei. Maafa rei onia Tupua ne faka tupu koa taangata ia koia, kae koa taangata nei se ne ratou matea ina koia. Koia ne au ki na fenua maori, kae na kee tinoi fenua maori se ne ratou faka afea ria koia.

Ta teinei te maarama maori rei, te maarama ku au kia taangata nei, ke ata ata ki nga taangata kaatoa.

Tupua ne sori koa Fono kia Moses, kae te taurekareka ma te tonu maori ne fakatafito ia Jesus Christ.