Kološanenđe 3 నుండి ప్రసిద్ధ బైబిల్ శ్లోకాలు

షేర్ చేయి

Podnosinen jekh avere hem oprostinen jekh averese kad neko ćerela tumenđe nesavo bišukaripe. Sar so o Gospod oprostinđa tumenđe, ađahar hem tumen oprostinen averenđe.

Mislinen ko okova soi upre, a na ko okova soi ki phuv.

Sa so ćerena, ćeren taro vilo, sar dai zako Gospod, a na zako manuša

Adalese so injen e Devlesere izabirime manuša, sveta hem volime, urjen tumen ano milosrđe, ani ljubaznost, ani poniznost, ani krotkost hem ani strpljivost.

Nek e Hristesoro lafi ana tumende barvale živini. Sikaven hem opomeninen jekh avere ani sa i mudrost. Ani zahvalnost ano vile đilaben psalmija, zahvalna hem duhovna đilja e Devlese. Sa so ćerena ili so vaćerena, sa ćeren ano anav e Gospodesoro e Isusesoro, zahvalindoj e Devlese e Dadese prekalo leste.

Upro sa adava urjen o mangipe, savo sa adava ićeri ano savršeno jedinstvo.

Adalese, te injen vazdime taro mule e Hristeja, roden okova soi upre, adari kaj o Hrist bešela e Devlese oti desno strana.

Nek e Hristesoro mir, ko savo injen vičime ano jekh telo, vladini ano tumare vile. Hem oven zahvalna.

Adalese, mudaren okova soi akala phuvjakoro ana tumende: o blud, i nečistota, i požuda, i bišukar želja, i pohlepa – soi idolopoklonstvo.

Adalese so, tumen muljen hem tumaroi dživdipe garavdo e Hristeja ano Devel.

A akana frden tumendar sa akava: o gnev, i holi, o bišukaripe, o vređiba, o lađutne lafija tumare mujestar.

Ma hovaven jekh avere, adalese so huljavđen tumendar e purane manuše sa olesere delja, a urđen e neve manuše, kova ovela obnovime premali slika ple Stvoriteljesiri sar te šaj šukar džanen le.

Romalen, volinen tumare romnjen hem ma oven gruba premalo lende.

Čhavalen, ano sa šunen tumare dade hem e daja, adalese soi adava šukar e Gospodese.

Romnjalen, pokorinen tumen tumare romenđe, sar so dolikujini okolenđe kolai ano Gospod.