Jeremeia 8 నుండి ప్రసిద్ధ బైబిల్ శ్లోకాలు

Oes yna ddim eli yn Gilead? Oes dim meddyg yno? Felly pam nad ydy briw fy mhobl wedi gwella?

“Jeremeia, dywed wrthyn nhw mai dyma mae’r ARGLWYDD yn ei ddweud: ‘Pan mae pobl yn syrthio, ydyn nhw ddim yn codi eto? Pan maen nhw’n colli’r ffordd, ydyn nhw ddim yn troi yn ôl?

Mae’r crëyr yn gwybod pryd i fudo, a’r durtur, y wennol a’r garan. Maen nhw i gyd yn dod yn ôl ar yr adeg iawn o’r flwyddyn. Ond dydy fy mhobl i’n cymryd dim sylw o’r hyn dw i, yr ARGLWYDD, yn ei ofyn ganddyn nhw.

Dw i wedi gwrando’n ofalus arnyn nhw, a dŷn nhw ddim yn dweud y gwir. Does neb yn sori am y drwg maen nhw wedi’i wneud; neb yn dweud, “Dw i ar fai.” Maen nhw i gyd yn mynd eu ffordd eu hunain, fel ceffyl yn rhuthro i’r frwydr.

Bydd y dynion doeth yn cael eu cywilyddio. Byddan nhw’n syfrdan wrth gael eu cymryd i’r ddalfa. Nhw wnaeth wrthod neges yr ARGLWYDD – dydy hynny ddim yn ddoeth iawn!