फिलिप्पी 2 నుండి ప్రసిద్ధ బైబిల్ శ్లోకాలు

షేర్ చేయి

खुदका फायदा अर झूंटी बढ़ाई ताणी कांई मत करो। पण नरमाई सुं एक-दूसरा न्अ खुदसुं चोखो समझो। थे सबळा खुदकाई बारा मं कोन्अ पण दूसरा का भला को बी चेत राखो।

थांका सोच-बच्यार मसी ईसु की जस्यानका ई होणा चायजे।

वो हमेसा परमेसर का रूप मं छो, पण परमेसर क बराबर रेबा की जोरी कोन्अ कर्यो। ईकी बजाय सबने छोड़र एक हाळी को रूप धारण करर मनख बणग्यो। अर मनख बणर वो खुदन्अ अतरो दीन बणा दियो क मोत का बारा मं बी खियो मानबाळो रियो। अण्डअ ताणी क सुळी की मोत बी सेन करलियो।

क्युं क परमेसर'ई छ, ज्यो थांकी जिन्दगी मं काम करर्यो छ जिसुं क थाम्अ बीका मकसद न्अ पूरो करबा की मनसा अर तागत होवे।

जिसुं परमेसर बिन्अ सबळा सुं ऊंचो ओहदो दियो अर अस्यानको नांऊ दियो ज्यो सबळा सुं बड़ो छ। जिसुं सरग मं, धरती माळ्अ, अर पताळ मं रेबाळा सबळा ईसु का नांऊ को आदरमान करबा गोढ़ा टेक्अ। अर पिता परमेसर की महमा ताणी हरेक मनख मान लेव्अ क ईसु मसी ई परबु छ।

सबळा काम न्अ बना बड़बड़ाया अर बना बहस करता रेवो। जिसुं थे ई खोटी अर दुष्ट पीढ़ी मं परमेसर का नरदोष, खरा अर सायर बेटा-बेटी हो सको। थे जन्दगी देबाळा परमेसर का बचन न्अ थांम'र अस्यान का संसार मं तारा की जस्यान चमको। जिसुं मसी का पाछा आबा का दन मं यो म्हारो घमण्ड को कारण होवेलो क म्हारा चोखा समचार न्अ फेलाबा का काम अर मेनत फालतु कोन्अ गी।

ई बजेसुं ओ म्हारा लाड़ला भायाओ, जद मं थांकी लार छो बी बगत जस्यान थे सदाई म्हारी आज्ञा न्अ मान्अ छा वस्यानई अब जद म थासुं आंतरअ छु म्हारी आज्ञा न्अ मानबो जरूरी छ। थांका उद्धार न्अ पूरो करबा ताणी डरपता अर धूजता होया जतन करो।