Pilipi 4 నుండి ప్రసిద్ధ బైబిల్ శ్లోకాలు

షేర్ చేయి

Iya pslhebun ani maanu. Ani maanu we wano stama dmurun, mesa ma mqaras, rngagi Utux Baro ka pnesa namu.

Kiya de mtbale lhebun so ini dheki mkela seediq we, meeniq ckceka Kiristo Yesu, maha qmlahang bale lnglungan namu.

Mtswai, nii ka qnhdean kari mu. Kiya de kana bale ba ma spruun, kana msderux ma mrtaso, kana ggluun ma malu ngayan, ani maanu knmalu ma so tndhuun we sprui lmngelung ka so nii.

Smtama ku mbege beyax kenan we dehuk ku qmeepah ani maanu.

Yamu we qqaras smtama Bukung klaali. Mprengo ku dungal, qqaras ka yamu.

Utux Baro mu we spuyu na qnbleyaq knledax, meniq ckceka Kiristo Yesu, so maha mttuku bale ka kana ngngalun namu.

Snlhayan namu ma nangal namu ma qnbhangan namu ma ntaan namu ka qneepah mu ma kari mu we dai qmeepah. Kiya de mpsuupu meniq yamu ka Utux Baro mbege msbleyaq!

Pgklai kana seediq ka hhediq lhebun namu, ado daling ba ka Bukung da.

Klaun mu ka moda qrinuc uri ma klaun mu ka moda mbleyaq uri. Ani ku moda kana ani maanu we niqan 1 knkela ka snlhayan mu. Kiya de ani ku mtengi ani ku muure, ani ku mttuku ma ani ku ini doi we ida malu mu kana.

Uxe ku ka ini doi ma rmengo ku so nii. Ado ani ku moda mnmaanu we ida ku mtuku mesa ka snlhayan mu.