KITAB NABI YESAYA 41 నుండి ప్రసిద్ధ బైబిల్ శ్లోకాలు

Bék teumakot, sabab Ulôn na meusajan gata, bék gundah, sabab Ulôn na kheueh Po teu Allah gata. Gata Ulôn peukong dan Ulôn tulông, Ulôn peutakteh deungon jaroe Ulôn nyang jaya.

Sabab Ulôn, TUHAN, Allah gata, nyang mat jaroe uneuen gata; Ulôn peugah, ‘Bék takot, Ulôn teuma Lôn tulông gata.’ ”

Ngieng kheueh, banmandum ureuëng nyang beungéh ubak gata, teuma teupeutaloe dan teuseungéh-seungéh. Ureuëng-ureuëng nyang lawan gata, teuma binasa dan habéh teusampôh.

Gata ka Ulôn cok nibak ujong-ujong bumoe, Ulôn tawök nibak teumpat-teumpat nyang jiôh. Kheun Ulôn, ‘Gata kheueh, hamba Ulôn; Ulôn hana Lôn tulak nyang Ulôn piléh.’

Gata tamita ureuëng-ureuëng nyang teuntang droeneueh, teuma awaknyan hana meurumpok ngon droeneueh. Ureuëng-ureuëng nyang muprang deungon gata jinoenyoe ka binasa dan ka habéh gadôh han meuho saho.

Feureuman TUHAN, “Bék takot, Israel, bahpih gata ubit dan leumoh. Ulôn kheueh TUHAN nyang tulông gata, Nyang Mahakudus, Po teu Allah Israel na kheueh nyang peuseulamat gata.

Teuma gata, Israel, hamba Ulôn, umat nyang Ulôn piléh, gata keuturonan Ibrahim, sahabat Ulôn.

Ulôn peujeuet krueng-krueng nyang ié jih jeuet ji ile bak bukét-bukét nyang ueh; mata ié jiteubiet di ateueh darat. Padang pasi Lôn peujeuet keu mon nyang meu ié; mata ié jiteubiet nibak tanoh nyang tho kreng.

Meunyoe bansa Ulôn nyang malang nyan jijak mita ié, dan takue awaknyan tho sabab glaih, teuma Ulôn, TUHAN, Lôn jaweueb doá awaknyan; Po teu Allah Israel hana geutinggai umat Gobnyan.

Soe kheueh nyang peubuet banmandum nyan? Soe kheueh nyang peuteuntée jalan jih seujarah? Ulôn, TUHAN, Ulôn kheueh nyang phon that, dan teutab na sampoe án uroe pagée.

Padang pasi Lôn pula ngon bak ceumara, bak zaiton, bak murad dan bak akasia. Padang beulantara Lôn peujeuet keu uteuen, uteuen eru, beurangan dan uteuen ceumara. Dan mandum ureuëng jikalon dan jiteupeue bahwa Ulôn, TUHAN, nyang peubuet mandum nyan. Awaknyan teuma jisimak dan muphom, Po teu Allah kudus Israel nyang peujeuet nyan sampoe teujadi.”